முன்பிருந்த நிலையை எட்டுவோம்: பிரதமர் லீ நம்பிக்கை

கொவிட்-19 கட்­டுப்­பா­டு­கள் அதிக அளவில் தளர்த்தப்பட்டிருப்பது சிங்கப்­பூ­ரைக் கிட்­டத்­தட்ட முன்பு இ­ருந்த நிலைக்குக் கொண்­டு­செல்லும் என்று பிர­த­மர் லீ சியன் லூங் தெரி­வித்து இருக்­கி­றார்.

நாளை மறு­நாள் 26ஆம் தேதி செவ்­வாய்க்­கி­ழமை முதல், கட்­டுப்­பா­டு­கள் மேலும் தளர்த்­தப்­படும் என அறி­விக்­கப்­பட்­டுள்­ளது.

இந்­நி­லை­யில், சிங்­கப்­பூ­ரர்­கள் தொடர்ந்து சமூ­கப் பொறுப்­பு­டன் நடந்­து­கொள்­ளு­மா­றும் ஒரு­வ­ரை­யொ­ரு­வர் கவ­னித்­துக்­கொள்­ளு­மா­றும் நேற்று தாம் வெளி­யிட்ட ஒரு ஃபேஸ்புக் பதிவு வழி­யா­கப் பிர­த­மர் லீ கேட்­டுக்­கொண்­டுள்­ளார்,

"இந்த மாற்­றங்­கள், கிட்­டத்­தட்ட கொவிட்-19 பர­வ­லுக்கு முன்­பி­ருந்த நிலைக்கு நம்மை கொண்­டு­செல்­லும். உட்­பு­றங்­களில் முகக்­க­வ­சம் அணி­வது, உடல்­ந­ல­மில்லை எனில் தனி­மைப்­ப­டுத்­திக்­கொள்­வது, ஒரு­வ­ரை­யொ­ரு­வர் பார்த்­துக்­கொள்­வது என அனைவரும் தொடர்ந்து சமூ­கப் பொறுப்­பு­டன் நடந்­து­கொள்­வீர்­கள் என நம்­பு­கி­றேன்," என்று பிர­த­மர் லீ கூறி­யுள்­ளார்.

ஈராண்­டு­களில் முதன்­மு­த­லாக சிங்­கப்­பூ­ரில் கொவிட்-19 கிரு­மித்­தொற்று நில­வ­ரம் (டோர்ஸ்­கான்), ஆரஞ்சு நிறத்­தில் இருந்து மஞ்­சள் நிறத்­திற்கு இறங்­க­வி­ருக்­கிறது.

சென்ற வார­யி­று­தி­யில் பூம­லை­யில் தாம் நடைப்­ப­யிற்சி மேற்­கொண்­ட­போது, கடந்த ஆண்டு தாம் சந்­தித்த அதே யோகா குழுவை இம்­மு­றை­யும் சந்­தித்­த­தாக பிர­த­மர் லீ தமது பதி­வில் குறிப்­பிட்­டார்.

கடந்த ஆண்டு முகக்­க­வ­சத்­து­ட­னும் இம்­முறை முகக்­க­வ­சம் இல்­லா­ம­லும் அவர்­கள் பயிற்­சி­யில் ஈடு­பட்­டதை அவர் சுட்­டிக்­காட்­டி­னார். இவ்­வாண்டு மார்ச் 29ஆம் தேதி­யில் இருந்து வெளிப்­பு­றங்­களில் முகக்­க­வ­சம் அணி­வது கட்­டா­ய­மில்லை.

"பெருந்­தொற்­றுச் சூழ­லி­லும் உடற்­ப­யிற்­சில் ஈடு­ப­டு­வதை அவர்­கள் விட்­டு­வி­டா­தது என்­னைக் கவர்ந்­துள்­ளது. கட்­டுப்­பா­டு­கள் தளர்த்­தப்­பட்­டுள்­ள­தால், வெளிப்­புறத்­தில் முகக்­க­வ­ச­மின்றி காற்­றைச் சுவா­சிப்­ப­தில் ஒரு தனி இன்­பம்­தான்," என்று பிர­த­மர் லீ குறிப்­பிட்­டுள்­ளார்.