‘நம்பிக்கையே ஆக மதிப்புமிக்க வளம்’

கொவிட்-19 கொள்­ளை­நோய்ப் பர­வ­லைக் கையாள்­வ­தில் நம்பிக்­கை­தான் சிங்­கப்­பூ­ருக்கு ஆக முக்­கி­ய­மான அம்­ச­மாக இருந்­துள்­ளது என்று பிர­த­மர் லீ சியன் லூங் கூறி­யுள்­ளார். கொவிட்-19 மூலம் கற்­றுக்­கொண்ட பாடங்­களை சிங்­கப்­பூர் கைவி­டக்­கூ­டாது என்­றும் திரு லீ சொன்­னார்.

சிங்­கப்­பூ­ரின் மருத்­து­வத் துறை தொடர்ந்து சிறப்­பாக இருப்­பதை உறு­தி­செய்­வது, பொதுச் சுகா­தா­ரத்­தில் அதன் ஆற்­றலை மேலும் மேம்­படுத்துவது ஆகி­யவை பாடங்­களில் அடங்­கும்.

'ஷங்கிரி-லா' ஹோட்டலில் நேற்று நடைபெற்ற சிங்கப்பூர் பொது மருத்துவமனையின் 'லெக்சர் அண்ட் ஃபார்மல் டின்னர் 2022' எனும் விரிவுரை, விருந்தோம்பல் நிகழ்ச்சியில் பிரதமர் லீ உரையாற்றினார்.

நிகழ்ச்­சி­யில் கிட்­டத்­தட்ட 300 பேர் நேர­டி­யா­கக் கலந்­து­கொண்­ட­னர். மேலும் சுமார் 1,000 பேர் மெய்­நி­க­ரா­கப் பங்­கேற்­ற­னர்.

கிரு­மிப் பர­வல் கட்­டுப்­பா­டு­களை முறையாகக் கடைப்­பி­டிப்­பது, அதி­க­மா­னோ­ருக்­குத் தடுப்­பூசி போட­முடிவது ஆகி­ய­வற்­றுக்­கும் அர­சாங்­கத்­தின்­மீ­தும் மக்­க­ளி­டை­யே­யும் அதிக நம்­பிக்கை இருப்­ப­தற்­கும் தொடர்­பி­ருப்­ப­தாக ஆய்வு ஒன்று தெரி­வித்­துள்­ளது. 'தி லான்­செட்' மருத்­துவ சஞ்­சி­கை­யில் வெளி­யிடப்­பட்ட அந்த ஆய்­வின் முடிவு­களைச் சுட்­டிக்­காட்டி திரு லீ பேசினார்.

"இன்­னும் சொல்­லப்­போ­னால் சுகா­தா­ரப் பரா­ம­ரிப்­பின் தரம், அனைத்­து­லக அள­வில் சுகா­தா­ரப் பரா­ம­ரிப்­புச் சேவை­க­ளைப் பெறு­வதற்­கான வழி­கள் ஆகி­ய­வற்­றை­யும்­விட நம்­பிக்­கைக்­கு­த்தான் கணி­ச­மான அளவு கூடு­தல் முக்­கி­யத்­து­வம் இருந்­தி­ருக்­கிறது. அதற்­காக தர­மான சுகா­தா­ரப் பரா­ம­ரிப்பு முறை இருக்­க­வேண்­டிய அவ­சி­யம் இல்லை என்று அர்த்­தம் அல்ல. அது மிக­வும் முக்­கி­ய­மா­னது," என்று திரு லீ கூறி­னார். பொதுச் சுகா­தா­ரத்­துக்­கும் சுகா­தா­ரப் பரா­ம­ரிப்பு தொடர்­பி­லான விவ­கா­ரங்­க­ளுக்­கும் சமு­தா­யத்­தில் இருக்­கும் நம்­பிக்­கை­யின் அளவு எவ்­வ­ளவு முக்­கியம் என்­பதை இது காண்­பிப்­பதாக அவர் குறிப்­பிட்­டார்.

"மற்ற நாடு­களில் முகக்­க­வசம் அணி­வது போன்ற பல­ன­ளிக்­கும் எளி­மை­யான முன்­னெச்­ச­ரிக்கை நட­வ­டிக்­கை­களை மேற்­கொள்­வ­து­கூட மக்­க­ளி­டையே பெரும் அதி­ருப்­தியை ஏற்­ப­டுத்­தின. நல்ல வேளை­யாக சிங்­கப்­பூ­ரில் அதுக்கு நேர்­மா­றாக இருந்­தது," என்று திரு லீ சுட்­டி­னார். இதற்கு முக்­கி­ய கார­ணம், இங்­குள்ள சுகா­தா­ரப் பரா­ம­ரிப்பு முறை­யின் மீது பொது­மக்­கள் கொண்­டுள்ள நம்­பிக்கை என்­றும் அவர் கூறி­னார்.

சுகா­தா­ரப் பரா­ம­ரிப்பு ஊழி­யர்­கள் நிபு­ணத்­து­வம் வாய்ந்­த­வர்­களாக இருப்­ப­து­டன் தங்­க­ளின் வேலை நன்­கு அறிந்தவர்கள். அவர்­கள் சுய­ந­ல­மின்றி நோயா­ளி­களின் நலன் கருதி நடப்­ப­வர்­கள். மேற்­கொள்­ளப்­படும் நட­வ­டிக்­கை­கள் எதிர்­பாரா வகை­யில் அமைந்­தா­லும் சுகா­தா­ரப் பரா­மரிப்பு முறை பொது­மக்­க­ளி­டம் உண்­மை­யா­க­வும் ஒளிவு மறை­வில்­லா­ம­லும் நடந்­து­கொண்டுள்ளது. இந்த மூன்று அம்­சங்­களை மைய­மா­கக் கொண்டே பொது­மக்­கள் சிங்­கப்­பூ­ரின் சுகா­தா­ரப் பரா­ம­ரிப்பு முறை மீது நம்­பிக்கை கொண்­டுள்­ள­தா­கத் திரு லீ விளக்­கி­னார்.

கொவிட்-19 சூழ­லால் சிங்­கப்­பூர் வேறு வழி­யின்றி தான் மேற்­கொள்­ளும் நட­வ­டிக்­கை­களை மேம்­ப­டுத்த வேண்­டி­யி­ருந்­தது.

"நெருக்­க­டிக்­குப் பிறகு சிந்­திக்­கா­மல் நாம் மறு­ப­டி­யும் பழை­ய­ப­டியே செயல்­ப­டக்­கூ­டாது. மேலும், சிர­மப்­பட்டு கற்­றுக்­கொண்ட பாடங்­க­ளைக் கைவிட்­டு­வி­டக்­கூ­டாது," என்று திரு லீ வலி­யு­றுத்­தி­னார். அந்த வகை­யில் சிங்­கப்­பூர் மருத்­து­வத் துறை தொடர்ந்து சிறப்­பா­கச் செயல்­பட சுகா­தா­ரப் பரா­ம­ரிப்பு ஊழி­யர்­களுக்­காக சிங்­கப்­பூர் முத­லீடு செய்­து­கொண்டே இருக்­க­வேண்­டும் என்று திரு லீ சொன்­னார். அதோடு, பொதுச் சுகா­தா­ரத்­தின்­மீது மேலும் கவ­னம் செலுத்­த­வேண்­டும் என்­றும் அவர் கூறினார்.

மேலும் செய்திகள் பக்கம் 2ல்

பிரதமர் லீ: கொவிட்-19 போராட்டத்தில் கற்றுக்கொண்ட பாடங்களை சிங்கப்பூர் கைவிடக்கூடாது

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!