தங்கத்தில் ஜொலிக்கிறார் ஜோசஃப் ஸ்கூலிங்; வெற்றிமீது வெற்றியாக பதக்கங்கள் வென்றார்

சிங்­கப்­பூ­ரின் நீச்­சல் சாதனை மன்னன் ஜோசஃப் ஸ்கூ­லிங் நேற்று மீண்­டும் தனது வெற்றி முத்­தி­ரையை உறு­திப்­ப­டுத்­தி­னார்.

அந்த 26 வயது நீச்­சல் வீரர், தொடர்ந்து ஐந்­தா­வது முறை­யாக ஆட­வ­ருக்­கான 100 மீட்­டர் வண்­ணத்­துப்­பூச்சி பாணி நீச்­ச­லில் தங்­கத்தை வென்­றார்.

வியட்­னா­மில் ஹனோய் நக­ரில் இருக்­கும் மை டின் நீர் விளை­யாட்டு வளா­கத்­தில் அவர் தன்­னுடன் போட்­டி­யிட்ட அனை­வ­ரை­யும் வீழ்த்தி 52.22 நொ­டி­களில் நீந்தி வெற்­றி­பெற்று தங்­கத்தைத் தன­தாக்­கிக்கொண்­டார்.

அவ­ரு­டன் போட்­டி­யிட்டு இரண்­டா­வது இடத்­திற்கு வந்த சிங்­கப்­பூ­ர­ரான குவா ஸெங் வென் 52.86 விநா­டி­களில் 100 மீட்­டர் தொலைவை நீந்தி முடித்­தார்.

தாய்­லாந்­தைச் சேர்ந்த நவா­பத் வோங்­ச­ரோன் 52.98 நொ­டி­களில் நீந்தி மூன்­றா­வது இடத்­திற்கு வந்­தார். ஜோசஃப் ஸ்கூ­லிங் சென்ற ஆண்டு நடந்த ஒலிம்­பிக் விளை­யாட்­டுப் போட்­டி­யில் தன்­னு­டைய வெற்றி பதக்­கத்­தைத் தக்­க­வைத்­துக்­கொள்ள தவ­றி­விட்­டார்.

அதற்குப் பிறகு அனைத்­து­லக போட்டி ஒன்­றில் ஸ்கூ­லிங்­கின் முத­லா­வது 100 மீட்­டர் வெற்றி தங்­கம் இது­வா­கவே அமைந்­தது.

நேற்­றுக் காலை­யில் நடந்த தகுதிச் சுற்று போட்­டி­யில் ஸ்கூ­லிங் 54.38 நொ­டி­களில் இரண்­டா­வது இடத்­தைத்­தான் பிடிக்க முடிந்­தது.

முன்­ன­தாக தென்­கி­ழக்கு ஆசிய போட்­டி­யில் சிங்­கப்­பூர் நீச்­சல் வீராங்கனை கான் சிங் ஹ்வீ, பெண்­களுக்­கான 200 மீட்­டர் எதேச்சை பாணி நீச்­ச­லில் தங்­கம் வென்­றார். இவர் 2 நிமி­டம் 02.06 நொ­டி­கள் நீந்­தி­னார். அடுத்த இடத்தை தாய்­லாந்­தைச் சேர்ந்த கமோன்­சா­னோக் குவான்­மு­வாங் (2:02.63) பிடித்­தார்.

ஆட­வ­ருக்­கான 400 மீட்­டர் எதேச்சை ­பாணி நீச்­ச­லில் சிங்­கப்­பூ­ர­ரான கிளன் லிம் வெண்­க­லப் பதக்­கம் பெற்­றார்.

பக்கம் 6ல் மேலும் செய்தி