ராஜீவ் காந்தி கொலையாளி பேரறிவாளனை உச்ச நீதிமன்றமே விடுதலை செய்தது

இந்­தி­யா­வின் முன்­னாள் பிர­த­மர் ராஜீவ் காந்தி கொலை குற்­ற­வாளியான பேர­றி­வா­ளன், 31 ஆண்டு­க­ளுக்­குப் பிறகு நேற்று விடு­தலை செய்­யப்­பட்­டார்.

இந்­தி­யா­வின் உச்ச நீதி­மன்­றம் தன்­னு­டைய 142வது பிரி­வைப் பயன்­ப­டுத்தி பேர­றி­வா­ளனை, 51, விடு­தலை செய்­தது. ராஜீவ் காந்தி 1991ஆம் ஆண்டு மே 21ஆம் தேதி தமிழ்­நாட்­டில் ஸ்ரீபெரும்­பு­த்தூ­ரில் கொலை செய்­யப்­பட்­டார்.

அதன் தொடர்­பில் 1991ல் பேரறி­வா­ளன் உள்­ளிட்ட பல­ரும் கைது செய்­யப்­பட்­ட­னர். மொத்­தம் 26 பேருக்கு 1998 ஜன­வரி 28ஆம் தேதி தூக்­குத் தண்­டனை விதிக்­கப்­பட்­டது.

அந்­தத் தண்­ட­னையை எதிர்த்து மேல்முறை­யீடு செய்­யப்­பட்­ட­தைத் தொடர்ந்து சாந்­தன், முரு­கன், பேரறி­வா­ளன், நளினி ஆகிய நான்கு பேருக்கு மட்­டும் தூக்­குத் தண்­டனை உறு­தி­ப­டுத்­தப்­பட்­டது.பிறகு 2000ஆம் ஆண்­டில் நளினி­யின் தூக்­குத் தண்­டனை ஆயுள் தண்­ட­னை­யா­கக் குறைக்­கப்­பட்­டது.

தொடர்ந்து இடம்­பெற்ற சட்ட, அர­சி­யல் பிரச்­சி­னை­களை அடுத்து 2014ல் சாந்­தன், முரு­கன், பேர­றி­வா­ளன் ஆகி­யோ­ரின் தூக்­குத் தண்­டனை ரத்து செய்­யப்­பட்­டது.

நெடுங்­கா­ல­மாக சிறை­யில் இருந்­து­வ­ரும் பேர­றி­வா­ளன், முருகன், சாந்­தன், நளினி, ராபர்ட் பயாஸ், ரவிச்­சந்­தி­ரன், ஜெய­கு­மார் ஆகிய ஏழு பேரை­யும் விடு­விக்­கும் அதி­கா­ரம் மாநில அர­சி­டமே இருப்­ப­தாக ஐந்து நீதி­ப­தி­கள் அடங்­கிய ஒரு குழு தீர்ப்­ப­ளித்­தது.

இந்த நிலை­யில், அவர்­களை விடு­விக்க முடிவு செய்த தமி­ழக அரசு அதை அனு­ம­திக்­கும்­படி மத்­திய அர­சுக்குக் கடி­தம் எழு­தி­யது.

ஆனால் அந்த முடிவை மாநில ஆளு­நரே செய்­ய­லாம் என்று உச்ச நீதி­மன்­றம் தீர்ப்­ப­ளிக்க, தமி­ழக அரசு ஏழு பேரை­யும் உட­ன­டி­யாக விடு­தலை செய்­யும்­படி ஆளு­ந­ருக்­குப் பரிந்­து­ரைத்­தது.

ஆனால், ஆளு­நர் எந்த முடிவையும் எடுக்­கா­த­தால் உச்ச நீதி­மன்­றம் தன்­ சிறப்பு அதி­காரத்தைப் பயன்­ப­டுத்தி பேர­றி வாளனை விடு­வித்துவிட்டது.

உச்ச நீதி­மன்ற உத்­த­ரவைத் தொடர்ந்து திருப்­பத்­தூர் மாவட்­டம் ஜோலார்­பேட்­டை­யில் நேற்று செய்தி­யா­ளர்­க­ளி­டம் பேசிய பேர­றி­வா­ளன், நல்­ல­வர்­கள் வாழ வேண்­டும் என்­பதே இயற்­கை­யின் நியதி என்றார்.

பேர­றி­வா­ள­னின் தந்­தை­யான குயில்­தா­சன், தன்­ புதல்­வர் விடு­விக்­கப்­பட்டு இருப்­பதை அறிந்து தான் பெரு­ம­கிழ்ச்சி அடை­வ­தா­கக் கூறி­னார்.

பேர­றி­வா­ளன் விடு­த­லைக்­காக அரும்­பா­டு­பட்டு வந்த அவ­ரின் தாயார் அற்­பு­தம்­மாள், தன் மக­னின் விடு­த­லைக்­காக 31 ஆண்டு காலம் போரா­டி­ய­தா­க­வும் விடு­தலைக்குக் குரல்­கொ­டுத்த அனை­வருக்­கும் தான் நன்றி கூறு­வ­தா­க­வும் கண்­ணீர் மல்க குறிப்­பிட்­டார்.

அதே­போல அவ­ரின் ஆத­ர­வா­ளர்­களும் அரசியல்வாதிகளும் மகிழ்ச்சி தெரி­வித்­த­னர். பேர­றி­வாளன் விடு­தலை­யாகி இருப்­பதை அடுத்து இதர ஆறு பேரும் விரை­வில் விடு­விக்­கப்­ப­ட­லாம் என்று எதிர்­பார்க்­கப்­ப­டு­கிறது.