ஜோகூர் பாரு-உட்லண்ட்ஸ் கேடிஎம் சேவை தொடக்கம்

ஜோகூர் பாரு­வுக்­கும் உட்­லண்ட்­சுக்­கும் இடை­யில் கேடி­எம் ரயில் சேவை நேற்று தொடங்­கி­யது. கொவிட்-19 கார­ண­மாக அந்­தச் சேவை 2020 மார்ச் 24ஆம் தேதி முதல் நிறுத்­தப்­பட்டு இருந்­தது.

மலே­சி­யா­வின் போக்­கு­வ­ரத்து அமைச்­சர் வீ கா சியோங் நேற்று இதனை அறி­வித்­தார். அன்­றா­டம் 31 சேவை­கள் நடக்­கும். அவற்­றில் 18 சேவை­கள் ஜோகூர் பாரு சென்ட்ரல் நிலை­யத்­தில் இருந்து உட்­லண்ட்­சுக்­கும் எஞ்­சிய 13 சேவை­கள் உட்­லண்ட்­சில் இருந்து ஜோகூர் பாரு­வுக்­கும் செல்­லும் என்று அமைச்­சர் தெரி­வித்­தார்.

கேடி­எம் சேவை மூலம் அன்­றா­டம் கிட்­டத்­தட்ட 7,000 பய­ணி­கள் சென்று வரு­வார்­கள் என்று எதிர்­பார்க்­கப்­ப­டு­வ­தாக அவர் மேலும் கூறி­னார்.

இருந்­தா­லும் முதல் வாரத்­தில் ஒவ்­வொரு ரயி­லி­லும் 240 பேர்­தான் போக­லாம். அடுத்த வாரத்­தில் ரயில்­கள் முழு­மை­யாக அதா­வது 320 பய­ணி­களை ஏற்­றிச் செல்­லும் என்று அவர் குறிப்பிட்டார்.

மலே­சிய அமைச்­சர், நேற்று ஜோகூர் பாரு சென்ட்­ர­லில் கேடிஎம் ரயில் சேவை­யைத் தொடங்கி வைத்­தார். பிறகு அவர் செய்தியாளர்­களி­டம் பேசி­னார்.

ஒவ்­வொரு 30 நிமி­டங்­க­ளுக்­கும் ஒரு ரயில் புறப்­படும். ஜோகூ­ரில் இருந்து உட்­லண்ட்ஸ் செல்ல ஒரு­வருக்­குக் கட்­ட­ணம் 5 ரிங்­கிட் (S$1.60). உட்­லண்ட்­சில் இருந்து செல்ல கட்­ட­ணம் $5.

இத­னி­டையே, கேடி­எம் ரயில் சேவை தொடங்­கி­யது பற்றி கருத்து தெரி­வித்த ஜோகூர் முதல்­வர் ஓன் ஹனிஃப் காஸி, கடற்­பா­லத்­தில் கூட்­டம் குறை­யும் என்­றார்.

"இந்த ரயி­லில் முதல் மாதத்­தில் பய­ணம் செய்ய 70,000க்கும் மேற்­பட்ட பய­ணச்சீட்­டு­கள் விற்­கப்­பட்­டுள்­ள­தா­கத் தெரி­கிறது. இந்­தச் சேவையை மக்­கள் அதி­கம் நாடு­கி­றார்­கள் என்­ப­தையே இது காட்டு­ கிறது. இச்சேவை தொடக்கம் ஒரு வர­லாற்று நிகழ்ச்சி," என்­றாரவர்.

பய­ணி­கள் கேடி­எம் சேவை தொடங்கி இருப்­பதை வர­வேற்­ற­னர். பேருந்­தை­விட ரயில் பய­ணம் வச­தி­யா­க­வும் வேக­மா­க­வும் இருப்­ப­தாக அவர்­கள் தெரி­வித்­த­னர்.