‘ஆயத்தநிலை போதாது’

அடுத்த கொள்ளைநோய் குறித்து பிரதமர் லீ எச்சரிக்கை

கொவிட்-19 உல­கத்­தில் ஆறாத வடுவை ஏற்­ப­டுத்­தி­யுள்ள நிலை­யில் அடுத்த கொள்­ளை­நோய்க்கு இன்­ன­மும் அதிக கவ­னத்­து­டன் தயா­ராக இருக்க வேண்­டும் என்று பிர­த­மர் லீ சியன் லூங் கூறி­யுள்­ளார்.

ருவாண்­டா­வின் கிகா­லி­யில் வெள்­ளிக்­கி­ழமை நடந்த காமன்­வெல்த் மாநாட்­டில் அவர் உரை­யாற்­றி­னார்.

இதில் ஐம்­ப­துக்­கும் மேற்­பட்ட காமன்­வெல்த் நாடுகளின் தலை­வர்­கள் கலந்துகொண்­ட­னர்.

பொதுச் சுகா­தார ஆயத்­த­நிலை, நாட­ள­வில் கொள்­ளை­நோயை எதிர்­கொள்­ளும் திறன் ஆகி­ய­வற்­றில் ஒன்­றி­ணைந்து செயல்­பட வேண்­டும் என்று உலக நாடு­களை அவர் கேட்­டுக்கொண்­டார்.

கொவிட்-19 காலத்­தில் கிரு­மிப் பர­வல் முதல் வள­ரும் நாடு­க­ளுக்கு உதவி அளிப்­பது வரை இடை­வெளி இருந்­ததை அவர் சுட்­டிக்­காட்­டி­னார்.

தற்­போ­தைய ஆயத்­த­நிலை போதாது. அடுத்து வரும் கொள்­ளை­நோயை எதிர்­கொள்ள இன்­னும் அதி­கம் செய்­தாக வேண்­டும். உல­கச் சுகா­தார நிறு­வ­னத்­தின் சீர்­தி­ருத்­தம், கிருமி உரு­வாகி பரவு ­வ­தைக் கண்­டு­பி­டிக்க அனைத்­து­லக அள­வி­லான கண்­கா­ணிப்பு முறை உள்­ளிட்­டவை அவற்­றில் அடங்­கும் என்று பிர­த­மர் லீ கூறி­னார்.

வள­ரும் நாடு­களில் பல­வற்­றில் இன்­ன­மும் போது­மான அளவு தடுப்­பூசி போட­வில்லை.

தள­வாட வரம்­பு­கள், பொதுச் சுகா­தா­ரத்தை பாது­காப்­ப­தில் உள்ள சவால்­க­ளால் இத்­த­கைய நாடு­களில் தடுப்­பூசி உரி­ய­வர் களி­டம் போய்ச் சேர­வில்லை.

இத்­த­கைய பிரச்­சி­னை­க­ளைத் தீர்க்க பொறு­மை­யான முயற்­சி­கள் தேவை. இப்­போதே அதற்­கான பணி­க­ளைத் தொடங்க வேண்­டும்.

"ஆற்­றல்­களை வளர்த்­துக் கொள்ள வேண்­டும். அடுத்த தொற்­று­நோய்க்கு நாம் தயார்ப் படுத்­திக்­கொள்ள வேண்­டும். இது­தான் அனைத்­து­லக ஒத்­து­ழைப்­பின் முக்­கிய அம்­சம்," என்று திரு லீ சொன்­னார்.

தற்­போ­தைய நில­வ­ரம் சீராக இருப்­ப­து­போல தோன்­றி­னா­லும் இன்­ன­மும் நெருக்­கடி ஓய­வில்லை என்­றார் அவர்.

கொள்­ளை­நோய்க்கு எதி­ரான பன்­முக முயற்­சி­கள் சில இடை­வெ­ளியைக் குறைத்­தி­ருந்­தன.

முதல் முயற்சி, 'கோவாக்ஸ்' எனும் தடுப்­பூசி பகிர்­வுத் திட்­டம். இதில் அர­சாங்­கங்­களும் தடுப்­பூசி தயா­ரிப்­பா­ளர்­களும் வள­ரும் நாடு களுக்கு தடுப்­பூசி சீராக விநி யோகிக்க வழி­வகை செய்­தது.

இரண்­டா­வது முயற்சி, கொள்ளை­நோய் ஆயத்­த­நி­லைக்கு நிதி­யா­த­ரவை மேம்­ப­டுத்­து­வ­தற்­காக அமைக்­கப்­பட்ட 'ஜி20' உயர்­மட்டக் குழு­.

உலக விநி­யோ­கச் சங்­கி­லி­யின் பல­வீ­னங்­க­ளை­யும் உல­க­ம­ய­மாக்­க­லில் ஏற்­பட்ட நம்­பிக்­கை­யின்மை யையும் தற்­போ­தைய கொள்­ளை­நோய் வெளிச்­சம்­போட்டு காட்­டி­யி­ருக்­கின்­றன.

இந்த நிலை­யில் தன்­னைப் பேணித்­த­னம் மற்­றும் அனை­வ­ரது நிலை­மையை மோச­மாக்­கும் பொரு­ளி­யல் கொள்­கை­கள் குறித்து அவர் எச்­ச­ரித்­தார்.

குறிப்­பிட்ட காலத்­தில் பாது­காப்புச் சாத­னங்­கள், கொவிட்-19 சோத­னைக் கரு­வி­கள், தடுப்­பூசி போன்­ற­வற்­றின் விநி­யோ­கம் பாதிக்­கப்­பட்­டது.

அப்­போது சில அர­சாங்­கங்­கள் அவ­சரநிலையைக் கருத்­தில் கொண்டு சுதந்­தி­ர­மான சந்­தை­யில் தலை­யிட்­டதாக பிர­த­மர் கூறினார்.

விநி­யோ­கிப்­பா­ளர்­கள் உறுதி அளித்­த­படி பொருட்­களை விநி­யோ­கிக்க முடி­யா­த­தால் உல­க­ம­ய­மாக்­க­லில் நாடு­க­ளின் நம்­பிக்கை ஆட்­டம் கண்­டது.

"இரு தரப்­புக்­கும் வெற்­றி­ய­ளிக்­கும் பொரு­ளி­யல் ஒத்­து­ழைப்பு களை­யும் ஒன்­றை­யொன்று சார்ந்து இருப்­ப­தை­யும் நாம் கைவிட்டு விடக்கூடாது.

"மாறாக மீள்­தன்­மை­யு­டைய உல­க­ம­ய­மாக்­கலை நோக்கி நாம் நடை­போட வேண்­டும்," என்று பிர­த­மர் லீ சியன் லூங் தெரி­வித்­தார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!