‘தாய்லாந்தில் கொவிட்-19 பாதிப்பு பத்து மடங்கு அதிகம்’

மூத்த மருத்துவ வல்லுநர் சொல்கிறார்

தாய்­லாந்­தில் கொவிட்-19 தொற்­றால் பாதிக்­கப்­பட்­டோர் எண்­ணிக்கை, அந்­நாட்­டின் பொதுச் சுகா­தார அமைச்சு வெளி­யிட்ட எண்­ணிக்­கை­யைக் காட்­டி­லும் பத்து மடங்கு அதி­க­மாக இருக்­கும் என்று மூத்த நச்­சு­யி­ரி­யல் வல்லு­நர் யோங் பூவொரவான் தெரி­வித்­து இருக்கிறார்.

பெரும்­பா­லான நோயா­ளி­களிடம் இலே­சான அறி­கு­றி­கள் தெரி­வதே இதற்கு டாக்­டர் யோங் கூறும் கார­ணம்.

பொதுச் சுகா­தார அமைச்சு வெளி­யிட்ட தர­வின்­படி, அங்கு நேற்று முன்­தி­னம் ஞாயிற்­றுக்­கிழமை புதி­தாக 2,378 பேருக்கு கொவிட்-19 தொற்று உறு­திப்­ப­டுத்­தப்­பட்­டது. தொற்­றால் மேலும் 17 பேர் இறந்­து­விட்­ட­னர்.

பள்­ளி­கள் மீண்­டும் திறக்­கப்­பட்­டு­விட்­ட­தால் கிரு­மித்­தொற்­றால் பாதிக்­கப்­படும் குழந்­தை­க­ளின் எண்­ணிக்கை அதி­க­ரித்து வரு­கிறது என்­றும் இத­னால் அவர்­களின் குடும்­பத்­தி­ன­ரை­யும் கிருமி தொற்­றக்­கூ­டும் என்­றும் டாக்­டர் யோங் கூறி­யுள்­ளார்.

குழந்­தை­க­ளைப் பொறுத்­த­மட்­டில், அவர்­கள் சாதா­ரண சளிக்­காய்ச்­ச­லால் பாதிக்­கப்­பட்­டுள்­ள­னரா அல்­லது கொவிட்-19 தொற்­றால் பாதிக்­கப்­பட்­டுள்­ள­னரா என்று சொல்­வது கடி­னம் என்­றார் டாக்­டர் யோங்.

இம்­மா­தத்­தில் கொவிட்-19 வேக­மா­கப் பர­வும் என்­றும் ஜூலை-செப்­டம்­ப­ருக்கு இடை­யில் உச்­சத்தை எட்­ட­லாம் என்­றும் எதிர்­பார்ப்­ப­தாக அவர் சொன்­னார்.

அதன்­பின் அக்­டோ­பர்-டிசம்­பர் மாதங்­களில் கொவிட்-19 தொற்­றுப் பர­வல் குறை­யத் தொடங்­கும் என்ற அவர், வழக்­க­மாக சுவாச நோய் பாதிப்பு உச்­சத்­தில் இருக்­கக்­கூ­டிய ஜன­வரி மாதத்­தில் மீண்­டும் கொவிட்-19 பாதிப்பு உய­ரக்­கூ­டும் என்­றும் கூறி­னார்.

சுலாலொங்­கோர்ன் பல்­க­லைக்­க­ழ­கத்­தின் மருத்­துவ நச்­சு­யி­ரி­யல் உன்­னத மையத்­தின் தலை­வ­ரான டாக்­டர் யோங், தமது மையத்­தின் ஆய்­வில் பங்­கெ­டுத்த குழந்­தை­களில் பாதிப் பேர் அறி­கு­றி­யற்ற கொவிட்-19 தொற்­றால் பாதிக்­கப்­பட்­டி­ருந்­த­தா­கக் குறிப்­பிட்­டார்.

"இப்­போ­தைய கொவிட்-19 தொற்று அறிக்­கை­யா­னது, மருத்­து­வ­ம­னை­யில் அனு­ம­திக்­கப்­பட்ட அல்­லது ஆர்டி-பிசி­ஆர் சோத­னை­யில் தொற்று உறு­திப்­ப­டுத்­தப்­பட்ட நோயா­ளி­களை அடிப்­ப­டை­யா­கக் கொண்­டது. ஆத­லால், உண்­மை­யான பாதிப்பு எண்­ணிக்­கையை அறிய, ஒவ்­வோர் இடத்­தி­லும் தரவு­கள் சேக­ரிக்­கப்­பட வேண்­டும்," என்று டாக்­டர் யோங் சொன்­னார்.

மலே­சி­யா­வில் 11% அதி­க­ரிப்பு

இத­னி­டையே, மலே­சி­யா­வில் கடந்த வாரத்­தில் கொவிட்-19 தொற்று, அதற்கு முந்­திய வாரத்­தைக் காட்­டி­லும் 10.9% கூடி, 14,195ஆகப் பதி­வா­ன­தா­கச் சுகா­தா­ரத் தலைமை இயக்­கு­நர் டாக்­டர் நூர் ஹிஷாம் அப்­துல்லா தெரி­வித்­தார்.

ஜூன் 25ஆம் தேதி­யு­டன் முடி­வடைந்த வாரத்­திற்­கான புள்­ளி­வி­வ­ரங்­களை வெளி­யிட்ட டாக்­டர் ஹிஷாம், அத­னால் பொது மருத்­து­வ­ம­னை­க­ளை­யும் தனி­மைப்­ப­டுத்­தும் மையங்­க­ளை­யும் நாடி­யோர் எண்­ணிக்­கை­யும் உயர்ந்­த­தா­கக் கூறி­னார்.

நூறா­யி­ரம் பேருக்கு 11 பேர் என்ற விகி­தத்­தில் மருத்­து­வ­ம­னை­யில் அனு­ம­திக்­கப்­ப­டு­வது அதி­க­ரித்­துள்­ள­தாக அவர் குறிப்­பிட்­டார்.

இப்­போ­தைக்கு மலே­சி­யா­வில் 26,946 பேர் கொரோனா தொற்­றால் பாதிக்­கப்­பட்­டுள்­ள­னர்.

அதே வேளையில், கொவிட்-19 மரணங்கள் குறைந்துள்ளன.

"கொவிட்-19 தொற்று உயி­ர் இ­ழப்பு விகி­தம் 33.8% குறைந்து, 21லிருந்து 13 ஆனது. ஒட்­டு­மொத்­தத்­தில், இது­வரை 35,745 பேர் கொரோனா தொற்­றால் மாண்­டு­விட்­ட­னர்," என்று டாக்­டர் ஹிஷாம் கூறி­னார்.

'ஜூலையில் உச்சம் தொடலாம்'

இதற்­கி­டையே, ஓமிக்­ரான் துணைத் திரி­பு­க­ளால் இந்­தோ­னீ­சி­யா­வில் கொவிட்-19 பாதிப்பு அதி­க­ரித்து வரு­கிறது.

இப்போதைய கொரோனா அலை, ஜூலை இரண்டாவது அல்­லது மூன்றாவது வாரத்­தில் உச்­சம் தொட­லாம் என்­றும் அதன்­பின் குறை­யத் தொடங்­க­லாம் என்­றும் அந்­நாட்­டின் சுகா­தார அமைச்­சர் புடி சடிக்­கின் தெரி­வித்­துள்­ளார்.

அப்­படி உச்­ச­நி­லையை எட்­டும் போது, அன்­றா­டம் அங்கு கிட்­டத்­தட்ட 17,400 பேரைக் கிருமி தொற்­றும் என மதிப்­பி­டப்­பட்டு உள்­ளது. கடந்த பிப்­ர­வரி 3வது வாரத்­தில் அங்கு ஓமிக்­ரான் பர­வல் உச்­சத்­தில் இருந்­த­போது ஒரு­நாள் பாதிப்பு 58,000 வரை எட்­டி­யது.

இத­னி­டையே, ஜூன் 25ஆம் தேதி வரை­யி­லான வாரத்­தில் ஒரு­நாள் சரா­ச­ரித் தொற்று 1,688ஆக உயர்ந்­தது. இது, அதற்கு முந்­திய வாரத்­தை­விட 70% அதி­கம்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!