நாட்டைவிட்டு ஓட முயற்சி: தவிக்கும் ராஜபக்சேக்கள்

இலங்கை அதி­பர் கோத்­த­பாய ராஜ­பக்­சே­வும் அவ­ரது சகோ­த­ரரும் முன்­னாள் அமைச்­ச­ரு­மான பசில் ராஜ­பக்­சே­வும் நேற்று இலங்­கை­யை­விட்டு தப்பி ஓட முயன்று அந்த முயற்­சி­யில் தோல்வி அடைந்­து­விட்­ட­தாக தகவல்­கள் கூறின.

விமா­னம் நிலை­யம் சென்று அங்­கி­ருந்து வெளி­நாட்­டுக்குத் தப்பி ஓட இருந்த இரு­வ­ரை­யும் விமான நிலைய அதி­கா­ரி­கள் அனு­ம­திக்­க­வில்லை.

விமா­னம் வழி நாட்­டை­விட்டு செல்ல முடி­யா­மல் போன­தை­யடுத்து கடற்­படைக்குச் சொந்­த­மான சுற்­றுக்­கா­வல் கலன் ஒன்­றில் தப்­பிச் செல்ல அதி­பர் கோத்­த­பாய ஆராய்ந்து வந்­த­தாக நேற்று அதி­கா­ரத்­துவ தக­வல் வட்­டா­ரத்தை மேற்­கோள்­காட்டி ஏஎ­ஃப்பி செய்தி நிறு­வ­னம் தெரி­வித்­தது.

இலங்கை நொடித்­துப் போகும் அள­வுக்கு வந்­து­விட்­ட­தால் அந்த நாடு முழு­வதும் அதி­ப­ருக்கு எதி­ரான ஆர்ப்­பாட்­டங்­கள் உச்­ச­கட்­டத்தை எட்டி உள்ளன. அதிபர், பிர­த­மர் இருப்­பி­டங்­களில் பொது­மக்­கள் புகுந்­து­விட்­டார்­கள். அதற்கு முன்பே அவர்கள் தப்­பிச் சென்­று­விட்­ட­னர்.

அதி­பர் கோத்­த­பாய ராஜ­பக்சே பதவி விலக சம்­ம­தித்து ஜூலை 13ஆம் தேதி­யிட்ட (இன்று) கடி­தத்­தில் கையெ­ழுத்­திட்டு அதை நேற்று மூத்த அர­சாங்க அதி­காரி ஒரு­வர் மூலம் அனுப்­பி­விட்­ட­தா­க­வும் அந்­தக் கடி­தம் நாடா­ளு­மன்ற நாய­க­ரி­டம் ஒப்­ப­டைக்­கப்­படும் என்­றும் தெரி­விக்­கப்­பட்­டது.

அந்­தக் கடி­தம் பற்றி நாடாளு­மன்ற நாய­க­ரான மகிந்த யப்பா அபெ­வர்­த­ன வி­டம் தெரி­விக்­கப்­பட்டு இருப்­ப­தா­க­வும் அவர், முறையான அறி­விப்பை இன்று விடுப்­பார் என்­றும் டெய்லி மிரர் நேற்று குறிப்பிட்டது.

நாட்­டின் புதிய அதி­பர் இம்­மா­தம் 20ஆம் தேதி அர­ச­மைப்­புச் சட்­டப்­படி நாடா­ளு­மன்ற வாக்­கெடுப்­பின் மூலம் தேர்ந்­தெ­டுக்­கப்­ப­டு­வார். அது­வரை தற்­கா­லிக அதி­ப­ராக இப்­போ­தைய பிர­த­மர் ரணில் விக்­ர­ம­சிங்கே பதவி ஏற்­றுக்­கொள்­வார்.

இலங்கை நாடா­ளு­மன்­றம் இம்­மா­தம் 15ஆம் தேதி கூட­வி­ருக்­கிறது. அதி­பர் பதவி வேட்பு மனுக்­கள் ஜூலை 19ஆம் தேதி தாக்­க­லா­கும். பிர­த­மர் ரணி­லும் எதிர்த்­தரப்பு தலை­வர் சஜித் பிரே­ம­தாசவும் அதி­பர் பதவி ஏற்க முன்­வந்து இருக்­கிறார்­கள். புதி­தாகத் தேர்ந்­தெ­டுக்­கப்­படும் அதி­பர், இப்­போ­தைய அதி­ப­ரின் எஞ்­சிய பத­விக்­கா­லம் 2024 முடி­யும் வரை பதவி வகிப்­பார்.

இலங்கை பொரு­ளி­யல் படு­மோ­ச­மான நிலைக்­குத் தள்­ளப்­பட்­ட­தற்கு ராஜ­பக்சே குடும்­பம்­தான் கார­ணம் என்று சில மாதங்­களா­கவே பொது­மக்­கள் கொதித்­தெ­ழுந்து போராட்­டம் நடத்தி வரு­கி­றார்­கள்.

பிர­த­ம­ராக இருந்த மகிந்த ராஜ­பக்சே ஏற்­கெ­னவே பதவி வில­கி­விட்­டார். ராஜ­பக்சே குடும்­பத்­தி­னர் இன்­ன­மும் இலங்­கை­யி­லேயே இருக்­கி­றார்­கள் என்று நம்­பப்­ப­டு­கிறது. இலங்­கை­யில் போராட்­டம் உச்ச­ம­டைந்து ஆயி­ரக்­க­ணக்­கான மக்­கள் சனிக்­கி­ழமை அதி­ப­ரின் அதி­கா­ர­பூர்வ இருப்­பி­டத்­திற்­குள் புகுந்­து­விட்­டார்­கள்.

அதற்கு முன்பே கோத்­த­பாய ராஜ­பக்சே வெளி­யே­றி­விட்­டார். அந்த 73 வயது தலை­வர் விமா­னம் நிலை­யம் சென்று துபாய் செல்ல முயன்­ற­தா­க­வும் ஆனால் அதி­கா­ரி­கள் அனு­மதி அளிக்­க­வில்லை என்­றும் கூறப்­பட்­டது.

இலங்கை அர­ச­மைப்­புச் சட்­டப்­படி கைது செய்ய முடி­யாத அள­வுக்கு அதி­ப­ருக்கு அதி­கா­ரம் இருக்­கிறது. தான் பிடி­ப­ட­லாம் என்ற பயத்­தில் கோத்­த­பாய வெளி­நாட்­டுக்கு தப்பி ஓடி­விட விரும்­பு­கி­றார் என நம்­பப்­ப­டு­கிறது.

விமான நிலைய அதி­கா­ரி­கள் அனு­மதி மறுத்­து­விட்­டதை அடுத்து அதி­ப­ரும் அவ­ரு­டைய மனை­வி­யும் விமான நிலை­யத்­துக்கு அருகே இருக்­கும் ராணுவத் தளம் ஒன்­றில் இரவு நேரத்­தில் தங்கி இருந்­த­தா­கவும் தெரி­விக்­கப்­பட்­டது.

இதே கதி அதி­ப­ரின் கடைசி தம்­பி­யான பசில் ராஜ­பக்­சே­வுக்­கும் ஏற்­பட்­டது. செவ்­வாய்க்­கிழமை துபாய் செல்ல முயன்ற அவர், விமான நிலை­யத்­தில் அனு­மதி மறுக்­கப்­பட்­டார். பசில் ராஜ­பக்சே அமெ­ரிக்கக் குடி­யு­ரி­மை­யை­யும் பெற்­ற­வர்.

மேலும் செய்­தி­ பக்­கம் 8ல்

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!