நாணய ஆணையத்திற்கு $7.4 பில்லியன் இழப்பு

இவ்­வாண்டு மார்ச் 31ஆம் தேதி­யு­டன் முடி­வ­டைந்த நிதி­யாண்­டில் தனக்கு $7.4 பில்­லி­யன் இழப்பு ஏற்­பட்­ட­தாக சிங்­கப்­பூர் நாணய ஆணை­யம் தெரி­வித்­துள்­ளது.

இத்­த­கைய இழப்பு ஏற்­பட்­டது கடந்த ஒன்­பது ஆண்­டு­களில் இதுவே முதன்­முறை.

முத­லீட்டு லாபங்­கள் குறைந்­த­தும், வட்­டிச் செல­வு­கள் அதி­க­ரித்­த­தும், சிங்­கப்­பூர் நாணய மதிப்பு ஏற்­றங்­கண்­ட­தும் இழப்­பிற்­குக் கார­ண­மா­கக் கூறப்­பட்­டது.

இதன் விளை­வாக, அர­சாங்­கச் செல­வி­னங்­க­ளுக்­கான சிங்­கப்­பூர் தொகுப்பு நிதிக்கு நாணய ஆணை­யம் பங்­க­ளிக்­க­வில்லை. கடந்த 2020, 2021 நிதி­யாண்­டு­களில் முறையே ஆணை­யம் அந்­நி­திக்கு $2.17 பில்­லி­ய­னும் $1.07 பில்­லி­ய­னும் வழங்­கி­யது.

இவ்­வாண்டு மார்ச் இறுதி நில­வ­ரப்­படி, சிங்­கப்­பூ­ரின் அதி­கா­ர­பூர்வ அந்­நி­யச் செலா­வ­ணிக் கையி­ருப்­பி­லும் $4.7 பில்­லி­யன் இழப்பு ஏற்­பட்­ட­தாக ஆணை­யம் தெரி­வித்­தது.

முத­லீ­டு­கள் மூலம் $4 பில்­லி­யன் லாபம் கிடைத்­த­போ­தும் சிங்­கப்­பூர் வெள்­ளி­யின் மதிப்பு வலு­வா­னது அதை ஈடு­செய்­து­விட்­ட­தாக ஆணை­யம் குறிப்­பிட்­டது.

சிங்­கப்­பூர் வெள்­ளி­யின் மதிப்பு, பிரிட்­டிஷ் பவுண்­டுக்கு எதி­ராக நான்கு விழுக்­கா­டும், யூரோ­விற்கு எதி­ராக ஐந்து விழுக்­கா­டும், ஜப்­பா­னிய யென்­னுக்கு எதி­ராக ஒன்பது விழுக்­கா­டும் கூடி­யது.

கடந்த நிதி­யாண்­டில் ஆணை­யத்­தின் மொத்­தச் செல­வி­னம் $2.8 பில்­லி­ய­னாக உயர்­வு­கண்­டது. உள்­ளூர் நாண­யச் சந்தை நட­வ­டிக்­கை­கள் மீதான அதிக வட்­டிச் செல­வு­களே இதற்கு முக்கியக் கார­ண­மா­கச் சொல்­லப்­பட்­டது.

ஆணையம் நேற்று வெளியிட்ட தனது வருடாந்திர அறிக்கையில் இந்த விவரங்கள் இடம்பெற்று உள்ளன.

பண­வீக்­கம் தொடர்ந்து அதி­க­ரித்து வரு­வ­தால் கடந்த 2021 அக்­டோ­பர் மாதத்­தில் இருந்து ஆணை­யம் தனது நாண­யக் கொள்­கை­க­ளைக் கடு­மை­யாக்கி வரு­கிறது.

நாணய மாற்று விகி­தம் வலு­வா­ன­தாக இருப்­பது இறக்­கு­ம­திச் செல­வு­க­ளைக் குறைக்­கும். அதே நேரத்­தில், அது சிங்­கப்­பூ­ரின் ஏற்று­மதியைக் குறைத்து, பொரு­ளியல் வளர்ச்­சி­யையும் குறைத்து­விடும்.

இவ்­வாண்­டின் மூன்­றாம் காலாண்­டில் மூலா­தா­ரப் பண­வீக்­கம் 4% முதல் 4.5% வரை உய­ரும் என்­றும் பின்­னர் ஆண்­டி­று­திக்­குள் அது 3.5% முதல் 4% வரை குறை­ய­லாம் என்­றும் எதிர்­பார்க்­கப்­ப­டு­வ­தாக ஆணை­யத்­தின் நிர்­வாக இயக்­கு­நர் ரவி மேனன் தெரி­வித்­தார்.

மூலா­தா­ரப் பண­வீக்­க­மா­னது வீட்டு வாட­கை­க­ளை­யும் தனி­யார்ப் போக்­கு­வ­ரத்­துச் செல­வு­க­ளை­யும் உள்­ள­டக்­கு­வ­தில்லை.

"உல­க­ள­வில் எரி­சக்தி, உண­வுப்­பொ­ருள் விநி­யோ­கத்­தில் மேலும் சிக்­கல் ஏற்­பட்­டால் பண­வீக்­கம் இன்­னும் உயர்ந்து, நிலைத்­தி­ருக்­க­லாம்," என்று திரு ரவி மேனன் கூறி­னார்.

"நீடித்த பொரு­ளி­யல் வளர்ச்­சிக்கு இடை­யில், இடைக்­கால நோக்­கில் விலை­யில் நிலைத்­தன்­மையை உறு­திப்­ப­டுத்­தும் நோக்­கில் சிங்­கப்­பூ­ரின் மத்­திய வங்கி 2021 அக்­டோ­ப­ரில் இருந்து நான்கு முறை நாண­யக் கொள்­கை­யைக் கடு­மை­யாக்கி இருக்­கிறது என்று மூத்த அமைச்­ச­ரும் அவ்­வங்­கி­யின் தலை­வ­ரு­மான தர்­மன் சண்­மு­க­ரத்­னம் தெரி­வித்­துள்­ளார்.

இவ்­வாண்­டின் பிற்­ப­கு­தி­யில் உல­க­ளா­விய பொரு­ளி­யல் வளர்ச்சி மெது­வ­டை­வது சிங்­கப்­பூ­ரின் வணி­கம் சார்ந்த துறை­களில் தாக்­கத்தை ஏற்­ப­டுத்­தும் என்று திரு மேனன் குறிப்­பிட்­டார்.

இவ்­வாண்­டில் சிங்­கப்­பூ­ரின் பொரு­ளி­யல் வளர்ச்சி மூன்று முதல் ஐந்து விழுக்­காட்­டிற்­குள் இருக்­கும் என்று முன்­னு­ரைக்­கப்­பட்­டுள்ள நிலை­யில், அது மூன்று முதல் நான்கு விழுக்­காட்­டிற்­குள் இருக்­கும் என எதிர்­பார்க்­கப்­ப­டு­கிறது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!