சாங்கி அருகே நில மீட்புப் பணி ஆண்டிறுதிக்குள் தொடங்கக்கூடும்

சாங்கி பே பகு­திக்கு அரு­கி­லுள்ள 900 ஹெக்­டர் பரப்­ப­ளவு கொண்ட நிலத்தை மீட்­கும் பணி­கள் இவ்­வாண்டு இறு­திக்­குள் தொடங்­கும் என எதிர்­பார்க்­கப்­ப­டு­கிறது.

பூம­லை­யை­விட 10 மடங்­கிற்­கும் அதிக பரப்­ப­ள­வைக் கொண்­டுள்ள இந்த நிலத்­தின் குறிப்­பிட்ட பயன்­பாடு குறித்து இன்­னும் ஆரா­யப்­பட்டு வரு­வ­தாக வீட­மைப்பு வளர்ச்சிக் கழ­கம் (வீவக), ஸ்ட்ரெய்ட்ஸ் டைம்­சி­டம் நேற்று கூறி­யது.

"நிலத்தை மீட்­கும் பணிக்­காக சாங்கி பே அடை­யா­ளம் காணப்­பட்­டுள்­ளது. சிங்­கப்­பூ­ரின் எதிர்­கால நிலப் பயன்­பாட்­டுத் தேவை­க­ளைப் பூர்த்­தி­செய்ய நில மீட்­புப் பணி மேற்­கொள்­ளப்­பட இருக்­கிறது," என்று வீவக பேச்­சா­ளர்­கள் ஒரு­வர் சொன்­னார்.

நில மீட்­புப் பணி­களை மேற்­கொள்ள நிய­மிக்­கப்­பட்­டுள்ள அமைப்­பாக வீவக விளங்­கு­கிறது. சாங்கி கண்­காட்சி மையத்­திற்கு அருகே உள்ள இந்­தப் பகு­தியை மீட்­ப­தற்­கான பணி குறைந்­தது 10 ஆண்­டு­கள் எடுக்­கும் என எதிர்­பார்க்­கப்­ப­டு­கிறது.

இந்த நில மீட்­புப் பகுதி முழு­வதும் சிங்­கப்­பூர் எல்­லைக்கு உட்­பட்டு உள்­ளது.

மீட்­கப்­படும் நிலம், வீட­மைப்­புக்கு அல்­லா­மல் அனே­க­மாக ராணுவ, உள்­கட்­ட­மைப்பு, தொழிற்­சாலை பணி­க­ளுக்­குப் பயன்­ப­டுத்­தப்­படும் என்று சொத்­துச் சந்தை நிபு­ணர்­கள் கூறு­கின்­ற­னர். சாங்கி விமான நிலை­யத்­திற்­கும் ராணு­வச் செயல்­பா­டு­க­ளுக்­கும் அருகே இது அமைந்­துள்­ளது இதற்­குக் கார­ணம்.

மீட்­கப்­படும் இந்த நிலம், உயர்ந்­து­வ­ரும் கடல் நீர்­மட்­டத்­திற்கு எதி­ராக சாங்கி ராணுவ விமா­னத்­த­ளத்­தைப் பாது­காக்­க­லாம் என்­பதை அவர்­கள் சுட்­டி­னர்.

இந்­தப் பகு­தி­யைக் குடி­யி­ருப்­புப் பயன்­பாட்­டிற்­காக ஒதுக்­கு­வது அவ்­வ­ள­வாக பலன் தராது என்று 'இஆர்ஏ ரியால்டி' நிறு­வ­னத்­தைச் சேர்ந்த திரு நிக்­க­லஸ் மாக் சொன்­னார்.

சுற்­றுச்­சூ­ழ­லுக்கு ஏற்­ப­டக்­கூ­டிய தாக்­கத்தை மதிப்­பி­டும் அறிக்கை ஒன்று இந்த மாதத் தொடக்­கத்­தில் வெளி­யி­டப்­பட்­டது. சாங்கி பே பகு­திக்கு அருகே நிலத்தை மீட்­கும் பணியை மேற்­கொள்ள, தாவ­ரப் பகு­தி­கள் சில­வற்றை அகற்ற வேண்டி­யி­ருக்­கும் என்று அதில் குறிப்­பிடப்­பட்­டது.

எனி­னும், சுற்­றுச்­சூ­ழ­லுக்கு ஏற்­படும் பாதிப்­பைக் குறைக்­கும் நட­வ­டிக்­கை­கள் எடுக்­கப்­பட்­டால் நில மீட்­புப் பணி­க­ளால் சுற்­றுச்­சூ­ழ­லுக்கு அவ்­வ­ள­வாக பாதிப்பு ஏற்­ப­டாது என்று வீவக கூறி­யது.

சுற்­றுச்­சூ­ழ­லுக்கு ஏற்­ப­டக்­கூ­டிய தாக்­கத்தை மதிப்­பி­டும் அறிக்­கையில் முன்­மொ­ழி­யப்­பட்­டுள்ள நட­வடிக்­கை­கள் அனைத்­தை­யும் தான் எடுக்­க­வுள்­ள­தாக வீவக கூறி­யது.

சாங்கி பே பகு­திக்கு அருகே நிலத்தை மீட்­கும் பணியை மேற்­கொள்­வ­தற்­கான யோசனை 1991ல் எழுந்­தது. நகர மறு­சீ­ர­மைப்பு ஆணை­யம் இந்த யோச­னையை முன்­வைத்­தது.

சிங்­கப்­பூ­ரின் விமான நிலை­யத்­திற்­குச் சொந்­த­மான சாங்கி பகுதி, பெரிய அள­வி­லான நில மீட்­புப் பணி­க­ளுக்கு இரு­முறை உட்­படுத்­தப்­பட்­டது.

ஏற்­கெ­னவே இருந்த விமான நிலை­யத்தை சிவில் விமான நிலை­ய­மாக்க, 607 ஹெக்­டர் பரப்­பளவு கொண்ட நிலத்தை மீட்­ப­தற்கு 1975ல் நாடா­ளு­மன்­றம் ஒப்புதல் அளித்­தி­ருந்­தது. பின்­னர், விமான நிலை­யத்­தின் விரி­வாக்­கத்­திற்­காக 1990களில் சாங்கி ஈஸ்ட் பகு­தி­யில் 1,545 ஹெக்­டர் பரப்­ப­ளவு நிலம் மீட்­கப்­பட்­ட­தோடு புலாவ் பிரானித் தீவு இட­மாற்­றம் செய்­யப்­பட்­டது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!