காலத்திற்கேற்ற மாற்றம் என்டியுசிக்கு அவசியம்

சிங்­கப்­பூ­ரில் உள்ள தொழிற்­சங்­கங்­கள் மாறி­வ­ரும் சூழ­லுக்­கேற்ப திகழ்­வ­தோடு புதிய சவால்­க­ளைச் சமா­ளிக்­கத் தயா­ராக வேண்­டும் என்று துணைப் பிர­த­மர் லாரன்ஸ் வோங் தெரி­வித்து உள்­ளார். மேலும் ஊழி­ய­ரணி மாற்­றத்­தி­லும் தொழிற்­சங்­கங்­கள் ஈடு­ப­ட­வேண்­டும் என்­றார் அவர்.

ஊழி­யர்­க­ளின் குர­லைப் பிர­தி­ ப­லிப்­ப­தில் முக்­கியப் பங்கு வகிக்­கும் அதே­நே­ரம் தேசிய தொழிற்­சங்க காங்­கி­ரஸ் காலத்­திற்­கேற்ப தன்­னைத் தானே உரு­மாற்­றிக் கொள்­வது அவ­சி­யம் என்­றும் திரு வோங் குறிப்­பிட்­டார்.

"என்­டி­யுசி வலு­வான அமைப்­பாக நீடித்­தால் நாம் சரி­யான திசை­யில் செல்­கி­றோம் என்ற நிம்­மதி இருக்­கும். அதன்­மூ­லம் சிங்­கப்­பூர் வெற்­றிப்­பா­தை­யில் தொடர்ந்து நடை­போ­டும்," என்று என்­டி­யு­சி­யின் புதிய பணிக்­குழு தொடக்க நிகழ்­வில் அவர் தெரி­வித்­தார்.

வேலை, வாழ்க்கை தொடர்­பான விருப்­பங்­களை இளை­யர்­கள் நன்கு புரிந்­து­கொள்­ள­வும் அவர்

களின் வாழ்க்­கைத்தொழி­லுக்கு உத­வவும் தேசிய தொழிற்­சங்க காங்­கி­ரஸ் (என்­டி­யுசி) நேற்று அந்­தப் பணிக்­கு­ழுவை தொடங்­கி­யது. இந்­நி­கழ்­வின் சிறப்பு விருந்­தி­ன­ராக திரு வோங் பங்­கேற்­றுப் பேசி­னார்.

இளை­யர்­கள் தங்­க­ளது இலக்­கு­கள் பற்றி, குறிப்­பாக வேலை, நிதி மற்­றும் மன­ந­லனில் கூடு­தல் விவ­ரங்­க­ளைப் பெறும் முயற்­சி­களில் 10,000 இளை­யர்­களை இந்­தப் பணிக்­குழு ஈடு­ப­டுத்­தும். அவர்­ கள் 18 வய­துக்­கும் 25 வய­துக்­கும் இடைப்­பட்­ட­வர்­க­ளாக இருப்­பர்.

பணிக்­கு­ழு­வின் தலை­வ­ராக என்­டி­யுசி உத­வித் தலை­மைச் செய­லா­ளர் டெஸ்­மண்ட் சூ இருப்­பார். என்­டி­யுசி இளை­யர் பிரி­வின் நிர்­வா­கச் செய­லா­ளர் வெண்டி டான் குழுவை வழி­ந­டத்­து­வார்.

இளை­யர்­களை ஈடு­ப­டுத்­தும் அம்­சங்­களில் 'யூத் ஹப்' என்­னும் கண்­காட்சி ஒன்று நடத்­தப்­படும். இதில் பங்­கேற்­போர் வேலைக்கு விண்­ணப்­பம் செய்­வ­தற்­கான பயிற்­சி­யில் ஈடு­ப­டு­வர்.

மேலும், புதிய வேலை அல்­லது உள்­ள­கப் பயிற்சி ஆகி­ய­வற்­றில் எப்­படி ஈடு­ப­டு­வது என்­ப­தற்­கான உத­விக்­கு­றிப்­பு­கள் அவர்­க­ளுக்கு இந்­தக் கண்­காட்­சி ­யில் வழங்­கப்­படும்.

பள்­ளிக்­கூ­டங்­க­ளி­லும் இளை­ய­ருக்­கான வெளிப்­பு­றப் பகு­தி­க­ளி­லும் கண்­காட்சி நடத்­தப்­படும். இதில் பங்­கேற்க விருப்­பம் உள்­ளோர் www.youthtaskforce.sg என்­னும் இணை­யத்­த­ளத்தை நாட­லாம். இளை­யர்­க­ளி­டம் இருத்து கருத்­து­க­ளைத் திரட்ட ஆய்­வு­கள், கவ­னக்­குழு விவா­தங்­கள் மற்­றும் இதர நட­வ­டிக்­கை­க­ளுக்­கும் பணிக்­குழு ஏற்­பாடு செய்­யும்.

வேலை­யி­லும் வாழ்க்­கை­யி­லும் தொழில்­நுட்­பத்தை எப்­ப­டிப் பயன்­

ப­டுத்­து­வது என இளை­யர்­க­ளுக்கு இது சொல்­லித்­தர எண்­ணு­கிறது.

ஓராண்டு காலத்­திற்கு பல்­வேறு நட­வ­டிக்­கை­களில் இளை­யர்­களை ஈடு­ப­டுத்­திய பின்­னர், அவர்­

க­ளுக்கு இன்­னும் சிறந்த முறை­யில் எவ்­வாறு உத­வ­லாம் என்­பது தொடர்­பான கருத்­து­க­ளை­யும் பரிந்­து­ரை­க­ளை­யும் குழு திரட்­டும்.

இளை­யர் முன்­னேற்­றம் தொடர்­பாக பல்­வேறு அர­சாங்க அமைப்­பு­கள், உயர்­கல்வி நிலை­யங்­கள், சுயஉத­விக் குழுக்­கள், இளை­யர் குழுக்­கள் போன்­ற­வற்­று­டன் பணிக்­குழு பங்­கா­ளித்­து­வத்தை ஏற்­ப­டுத்­தும்.

ஏட்­டுக்­கல்வி தவிர்த்து விளை­யாட்டு, கலை­கள் மற்­றும் தொழில்­மு­னை­வர் ஆகி­ய­வற்­றில் விருப்­பம் உள்­ள­ இளை­யர்­க­ளை­யும் பணிக்­குழு தொடர்­பு­கொண்டு அதற்­கான முயற்­சி­களில் அவர்­களை ஈடு­ப­டுத்­தும்.

தொடக்க காலத்­தில் பெரும் சிர­மங்­களை எதிர்­நோக்­கிய நிலை­யில் இரண்­டாம் வாய்ப்பு தேவைப்­படும் மாண­வர்­களும் இதில் சேர்த்­துக்­கொள்­ளப்­ப­டு­வர்.

பணிக்­குழு தொடக்க நிகழ்­வில் உரை­யாற்­றிய என்­டி­யுசி தலை­மைச் செய­லா­ளர் இங் சீ மெங், "வருங்­கா­லத்­தில் நமது ஊழி­யர் அணி­யில் இளை­யர்­கள் அதி­கம் இடம்­பெற்று இருப்­பார்­கள்," என்­றார்.

"உள்­ளூ­ரி­லும் உலக அள

­வி­லும் சவால்­கள் இருக்­கும் நிலை­யில் நமது இளை­யர்­க­ளின் வாழ்க்­கைத்தொழில் தேவை­களை அறிந்து அவர்­க­ளுக்கு என்­டி­யுசி உத­விக்­க­ரம் நீட்­டும். இவ்­வாறு செய்­வ­தன் மூலம் அவர்­க­ளின் எதிர்­கா­லத்தை சிறப்­பாக்­க­லாம்," என்­றார் திரு இங்.

இவ்­வாண்டு 18 வய­துக்­கும் 35 வய­துக்­கும் இடைப்­பட்ட 2,039 இளை­யர்­க­ளி­டம் கருத்து திரட்­டப்­பட்­டது. பல்­வே­று ஆய்­வு­களும் நடத்­தப்­பட்­டன.

ஐந்­தில் ஓர் இளை­யர் வேலை­வாய்ப்­பில் சவா­ல்­களை எதிர்­நோக்­கு­வ­தும் வாழ்க்­கைத்தொழில் வழி­காட்­டு­தல்­கள், திட்­ட­மி­ட­லுக்­கான உதவி ஆகி­யன அவர்­க­ளுக்­குத் தேவைப்­ப­டு­வ­தும் ஆய்­வு­களில் தெரி­ய­வந்­தது.

வேலை­வாய்ப்பு மற்­றும் வளப்­பம் பெறு­வ­தில் சிர­மங்­களை எதிர்­நோக்­கு­வ­தாக ஆய்­வு­களில் பங்கேற்றோரில் 56% இளை­ய­ரும் நிதிச் சிர­மத்தை எதிர்­நோக்­கு

­வ­தாக 54 விழுக்­காட்­டி­ன­ரும் மன­

ந­லம் தொடர்­பான சவால்­கள் இருப்­ப­தாக 52 விழுக்­காட்­டி­ன­ரும் தெரி­வித்­த­னர்.

புதிய பணிக்குழு தொடக்க நிகழ்வில் லாரன்ஸ் வோங் வலியுறுத்து

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!