டிசம்பர் இலக்கை இப்போதே சாதித்த சாங்கி

கொவிட்-19க்கு முன்பு வந்து சென்ற பயணிகளில் 50%ஐ எட்டியது; ஜூனில் 2.9 மில்லியன் பயணிகள்

கொவிட்-19க்கு முன்பு சாங்கி விமான நிலை­யம் வழி­யாக வந்து சென்ற பயணி­களின் எண்­ணிக்­கை­யில் பாதி அளவை இந்த ஆண்டு டிசம்­பர்வாக்­கில் எட்­டி­விட வேண்­டும் என்று சிங்­கப்­பூர் இலக்கு நிர்­ண­யித்­தது.

ஆனால், அந்த இலக்கை சாங்கி விமான நிலை­யம் ஜூன் மாதமே நிறை­வேற்­றி­விட்­டது. முதன்­மு­த­லாக ஜூன் மாதம் ஏறக்­கு­றைய 2.9 மில்­லி­யன் பயணி­கள் சாங்கி விமா­ன­நி­லை­யத்­தில் இருந்து விமா­னங்­களில் புறப்­பட்­ட­னர்; தரை­யிறங்­கி­னர்; அல்­லது இடை­வ­ழி­யாக சிங்­கப்­பூ­ரில் இறங்கி வேறு விமா­னத்­தில் சென்­ற­னர்.

இந்த எண்­ணிக்கை கொரோ­னா­வுக்கு முன்பு 2019ஆம் ஆண்டு ஜூன் மாதம் 5.8 மில்­லி­ய­னாக இருந்­தது. சாங்கி விமான நிலை­யக் குழு­மம் நேற்று இந்த விவ­ரங்­களைத் தெரிவித்­தது.

சாங்கி விமா­ன­ நி­லை­யத்­தில் ஜூன் மாதம் மொத்­தம் 18,400 விமா­னங்­கள் புறப்­பட்­டுச் சென்­றன அல்­லது தரை­யிறங்­கின. இந்த எண்­ணிக்கை 2019ல் 31,391 ஆக இருந்­தது. இதில் 58.6 விழுக்­காடு ஜூன் மாதம் சாதிக்­கப்­பட்டுள்ளது.

இதனிடையே, சாங்கி விமா­ன­ நி­லை­யத்­திற்கு வந்து செல்­லும் பய­ணி­களின் எண்­ணிக்கை இந்த ஆண்­டின் இரண்டா வது பாதி­யிலும் தொடர்ந்து அதி­க­ரிக்கும் என கவ­னிப்­பா­ளர்­கள் கூறு­கி­றார்­கள்.

புதிய கொவிட்-19 தொற்று அலை தலை­காட்­டு­வ­தாக சில நாடு­கள் தெரி­வித்­தா­லும்கூட முன்­பை­விட அதிக மக்கள் இப்­போது பய­ணம் செய்ய நாட்டத்­து­டன் இருக்­கி­றார்­கள். சிங்­கப்­பூ­ரின் தேசிய விமான நிறு­வ­ன­மான சிங்­கப்­பூர் ஏர்­லைன்ஸ் உள்­ளிட்ட பல விமான நிறு­வனங்­களும் உற்­சா­க­மடை­கின்­றன.

கிழக்கு ஆசிய நாடு­கள் மெது­வாக மீட்சி அடைந்த போதி­லும் இந்த நில­வரம் சுற்­றுலா தொழில்­து­றைக்­கும் ஒட்டு­மொத்­த­மா­கப் பொரு­ளி­ய­லுக்­கும் உதவும் என்று எதிர்­பார்க்­கப்­ப­டு­வ­தாகவும் கவ­னிப்­பா­ளர்­கள் தெரி­விக்­கி­றார்­கள்.

இத­னி­டையே, பய­ணி­கள் நில­வ­ரம் பற்றி கருத்­து­ரைத்த 'சோபி ஏவி­யே­ஷன்' என்ற நிறு­வ­னத்­தைச் சேர்ந்த சுயேச்சை பகுப்­பாய்­வா­ள­ரான பிரண்டன் சோபி, ஒவ்­வொரு மாத­மும் பய­ணி­க­ளின் எண்­ணிக்கை கூடும் என்று தெரி­வித்­தார்.

இந்த ஆண்­டின் இரண்­டா­வது காலாண்­டில் சாங்கி விமா­ன­ நி­லை­யத்தில் பய­ணி­க­ள் போக்­கு­வ­ரத்து சுறு­சு­றுப்பாக இருந்­தது. கொவிட்-19க்கு முன்பு வந்து சென்ற மொத்த பய­ணி­கள் போக்­கு­வரத்­தில் 43.6% முதல் காலாண்­டில் சாதிக்­கப்­பட்­டது.

விடு­மு­றைக் கால­மும் ஏப்­ரல் மாதம் முதல் இந்த வட்­டா­ரத்­தில் உள்ள பல நாடு­கள் தங்­கள் எல்­லை­க­ளைத் திறந்து­விட்­ட­தும் இதற்­கான கார­ணங்கள்.

சாங்கி விமா­ன­ நி­லை­யத்­தில் இருந்து இப்­போது மொத்­தம் 85 விமான நிறு­வனங்­கள் உல­கம் முழு­வ­தும் உள்ள 130 நகர்­க­ளுக்­குச் சேவை­யாற்­று­கின்­றன.

எஸ்­ஐஏ நிறு­வ­னம் ஜூன் மாதம் தன்­னு­டைய நடை­முறைச் செயல்­தி­றன் பற்றி இரண்டு வாரங்­க­ளுக்குமுன் அறி­வித்­தது. அந்த நிறு­வ­னத்­தின் விமா­னங்­களில் ஜூன் மாதம் பய­ணம் செய்த பய­ணி­களின் எண்­ணிக்கை, கொரோ­னா­வுக்கு முந்­திய எண்­ணிக்­கை­யில் 60%ஐ தொட்டு­விட்­டது என்று அது தெரி­வித்­தது.

விமா­னங்­க­ளி­லும் முன்­ப­தி­வு­கள் அதி­க­ரித்து இருக்­கின்­றன.

எஸ்­ஐஏ நிறு­வ­னம் இந்த ஆண்­டின் 2வது காலாண்­டில் 18,606 விமா­னச் சேவை­களை நடத்­தி­யது. இது 2019ன் 2வது காலாண்­டில் இடம்­பெற்ற அதன் 22,948 விமா­னச் சேவை­களில் ஏறத்தாழ­80% ஆகும். ஏர் இந்­தியா விமா­னச் சேவை­கள், 2019ல் இருந்த அள­வில் 90 விழுக்­காட்டு அள­வுக்குத் திரும்­பி­விட்ட தாகத் தெரிவிக்கப்பட்டுள்ளது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!