சிங்கப்பூரர்கள் அதிகளவு உப்பு சேர்க்கிறார்கள்

சிங்­கப்­பூ­ரர்­கள் உண­வில் அள­வுக்கு அதி­க­மாக உப்பு சேர்த்­துக்­கொள்­கி­றார்­கள். எனவே, அதைக் குறைக்க வேண்­டும் என்று சுகா­தார மேம்­பாட்டு வாரி­யம் அறி­வு­றுத்­தி­யுள்­ளது. அடுத்த ஐந்து ஆண்­டு­களில் மக்­கள் உட்­கொள்­ளும் சோடி­யத்­தின் அளவை சுமார் 15 விழுக்­காடு குறைக்க வாரி­யம் திட்­ட­மிட்டு வரு­கிறது.

சிங்­கப்­பூ­ரர்­கள் அன்­றா­டம் தாங்­கள் உட்­கொள்­ளும் சோடி­யத்­துக்­கான மாற்­றுப்­பொ­ருள்­களை நாட வாரி­யம் அறி­வு­றுத்­தி­யுள்­ளது. இந்த மாற்­று­வ­ழி­களே ஆரோக்­கிய வாழ்க்­கை­மு­றைக்கு உகந்­தவை என்­கிறது வாரி­யம். இது­போன்ற மாற்­றுப் பொருள்­கள் கட்­டுப்­ப­டி­யான விலை­யில் கிடைப்­ப­தற்­காக சில்­லறை வர்த்­தக நிறு­வ­னங்­களு­டன் வாரி­யம் இணைந்து செயல்­ப­ட­வும் உள்­ளது.

இதற்­கி­டையே, சோடி­யம் குறை­வாக உள்ள சுவைச்­சாறு (sauce) மற்­றும் சுவை­யூட்டி (seasoning) வகை­கள் கடை­களில் பல­த­ரப்­பட்­ட­தாக இருப்­பதை வாரி­யம் உறு­தி­செய்­யும். அத்­து­டன், பொது­மக்­க­ளுக்­கான விழிப்­பு­ணர்வு இயக்­கம் ஒன்­றை­யும் அது தொடங்க உள்­ளது. தேசிய அள­வில் சோடி­யத்­தைக் கட்­டுப்­ப­டுத்­து­வ­தற்­கான இந்த உத்­தி­பூர்வ அணு­கு­முறை தொடர்­பான விவ­ரங்­கள் நேற்று வெளி­யி­டப்­பட்­டன. இந்த அணு­கு­முறை குறித்து முதன்­மு­த­லில் மார்ச் மாதம் நடந்த வர­வு­செ­ல­வுத் திட்ட விவா­தத்­தின்­போது குறிப்­பி­டப்­பட்­டது.

கடந்த பல ஆண்­டு­க­ளாக சிங்­கப்­பூ­ரர்­க­ளின் உண­வில் உப்­பின் அளவு அதி­க­ரித்­து­விட்­டது. சரா­சரி­யாக ஒரு நாளில் சுமார் 3,300 மில்­லி­கி­ராம் உப்பை ஒரு­வர் உட்­கொள்­வ­தாக 2010ஆம் ஆண்­டில் கண்­ட­றி­யப்­பட்­டது. இருப்­பி­னும், இது 2019ஆம் ஆண்­டில் 3,600ஆக அதி­க­ரித்­தி­ருந்­தது.

உலக சுகா­தார நிறு­வ­னத்­தின் பரிந்­து­ரைப்­படி, ஒரு­வர் ஒரு நாளில் உட்­கொள்­ளக்­கூ­டிய உப்­பின் அளவு 2,000 மில்­லி­கி­ரா­முக்கு மேல், அதா­வது ஒரு தேக்­க­ரண்­டிக்கு மேல் போகக்­கூ­டாது என்று கூறப்­ப­டு­கிறது.

சிங்­கப்­பூ­ரர்­கள் அன்­றா­டம் சேர்த்­துக்­கொள்­ளும் உப்­பின் அளவை 15% குறைத்­துக்­கொண்­டால், ஒரு நாளில் பதி­வா­கும் உப்­ப­ளவு 3,100 மில்­லி­கி­ரா­ம் ஆகக் குறை­யும் என்று எதிர்­பார்க்­கப்­படு­கிறது.

அள­வுக்கு அதி­க­மான சோடி­யத்தை உட்­கொள்­ளும் ஒரு­வ­ருக்கு உயர் ரத்த அழுத்­தம் ஏற்­பட்டு பின்­னா­ளில் மார­டைப்­புக்­கும் பக்­க­வா­தத்­துக்­கும் இட்­டுச் செல்­ல­லாம்.

வழக்­க­மாக உட்­கொள்­ளும் உப்­பின் அள­வில் சோடி­யம் 40 விழுக்­கா­டாக இருக்­கும். இதன்­படி, 1,000 மில்­லி­கி­ராம் உப்­பில் 400 மில்­லி­கி­ராம் சோடி­ய­மாக இருக்­கும்.

பொட்­டா­சி­யம் குளோ­ரைடு போன்ற மாற்று உப்பு வகை­க­ளைப் பயன்­ப­டுத்­தி­னால் ஒரு­வர் உட்­கொள்­ளும் சோடி­யத்­தின் அளவு குறை­யும். இத­னால் ரத்த அழுத்­தம் சீர­டை­யும். சிங்­கப்­பூ­ரர்­கள் சரா­ச­ரி­யாக ஒரு நாளில் உட்­கொள்­ள­வேண்­டிய பொட்­டா­சி­யத்­தின் அளவு 3,500 முதல் 4,700 மில்­லி­கி­ரா­மாக இருக்க வேண்­டும். எனவே மாற்று உப்பு வகை­யாக பொட்­டா­சி­யம் குளோ­ரை­டைப் பயன்­ப­டுத்­தி­னால் தற்­போது சிங்­கப்­பூ­ரர்­கள் உட்­கொள்­ளும் சரா­சரி பொட்­டா­சி­யம் அளவு 2,500 மில்­லி­கி­ரா­மி­லி­ருந்து சற்று அதி­க­மா­க­லாம்.

இருப்­பி­னும், மாற்று உப்பு வகை­க­ளின் விலை, வழக்­க­மா­கப் பயன்­ப­டுத்­தப்­படும் உப்­பைக் காட்டி­லும் 10 மடங்கு விலை­யா­கும்.

விலை­யைக் கட்­டுப்­ப­டி­யா­ன­தாக்க, பிர­தான சில்­லறை வர்த்­த­கங்­க­ளு­டன் வாரி­யம் இணைந்து செயல்­ப­ட­வுள்­ளது. 'கே-சால்ட்' (K-salt) என்ற பெய­ரில் இத்­த­கைய குறைந்த விலை­யி­லான உப்பு 2023ஆம் ஆண்­டுக்­குள் கடை­களில் விற்­கப்­படும்.

இது அடுத்த மாதம் முதல் ஃபேர்பி­ரைஸ், ஷெங் சியோங் பேரங்­கா­டி­களில் விற்­ப­னை­யா­கும் என்று எதிர்பார்க்கப்படுகிறது.

சாதா­ரண உப்­பு­டன் ஒப்­பி­டு­கை­யில் 'கே-சால்ட்' உப்­பில் 30 விழுக்­காட்­டுக்­கும் அதிக சோடி­யம் இருக்­கும். இவ்­வாறு 400 கிராம் கொண்ட உப்பு பேக்­கட்­டுக்கு விலை $2.50 என்று கூறப்­ப­டு­கிறது.

இதற்­கி­டையே, ஆரோக்­கி­ய­மான சுவைச்­சாறு, சுவை­யூட்டி ஆகி­யவை வரும் ஆண்­டு­களில் அதி­க­மாக்­கப்­ப­டு­வ­து­டன் பல­தரப்­பட்­ட­வை­யாக விற்­கப்­படும்.

கூடு­தல் செய்தி - பக்­கம் 2ல்

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!