மாணவர் முரசு
இ-பேப்பர்
பிரிட்டிஷ் நிதியமைச்சர் பதவியில் இருந்து குவாசி குவார்ட்டெங் (படம்) நீக்கப்பட்டுவிட்டதாக பிபிசி நிறுவனம் செய்தி வெளியிட்டுள்ளது.
இதனையடுத்து, பிரிட்டிஷ் நிதி அமைச்சராகக் குறுகிய காலம் பதவி வகித்தோர் பட்டியலில் திரு குவார்ட்டெங் இரண்டாமிடத்தைப் பிடிக்கலாம் என்றும் அச்செய்தி தெரிவிக்கிறது.
கடந்த 2019ஆம் ஆண்டிற்குப் பிறகு, பிரிட்டன் நான்கு நிதி அமைச்சர்களைக் கண்டுவிட்டது.
இதனிடையே, பிரிட்டனின் அடுத்த நிதியமைச்சராக இப்போது வெளியுறவு அமைச்சராக இருக்கும் திரு ஜெரமி ஹன்ட் நியமிக்கப்படலாம் எனப் பேச்சு அடிபடுகிறது.
திரு குவார்ட்டெங் தாக்கல் செய்த கடன்கள் நிரம்பிய வரவு செலவுத் திட்டமானது சந்தையில் குழப்பத்தை ஏற்படுத்தி, அமெரிக்க டாலருக்கு நிகரான பிரிட்டிஷ் பவுண்டின் மதிப்பில் பெரும் சரிவிற்கு வித்திட்டதாகக் கூறப்படுகிறது. இதுவே, இவரது பதவி பறிபோகக் காரணமாகச் சொல்லப்படுகிறது.
இதனிடையே, பிரிட்டிஷ் பிரதமர் லிஸ் டிரஸ், வரவுசெலவுத் திட்டத்தில் பல தலைகீழ் மாற்றங்களை நேற்று அறிவிக்கலாம் என்ற எதிர்பார்ப்பு நிலவியது.