சம்பளம் சுமார், அதிக நேர வேலை, விபத்து அபாயம்

சிங்கப்பூரில் உணவு விநியோக ஊழியர்களின் நிலை பற்றி ஆய்வு தரும் தகவல்

சிங்­கப்­பூ­ரில் உணவு விநி­யோக ஊழி­யர்­க­ளாக வேலை பார்ப்­போரின் நிலை என்ன என்­பது பற்றி கொள்கை ஆய்­வுக் கழ­கம் ஆய்வு ஒன்றை நடத்தி பல­ தகவல்களைத் தெரி­வித்­துள்­ளது.

அத்­த­கைய ஊழி­யர்­களில் 10 பேரில் ஏழு பேர் உணவு விநியோக வேலை மூலம் மாதம் $3,000க்கும் குறை­வா­கவே சம்­பா­திப்­ப­தா­கக் கூறி­யுள்­ள­னர்.

அவர்­க­ளின் சரா­சரி மாதச் சம்­ப­ளம் $1,925 ஆக இருக்­கிறது. இது, சென்ற ஆண்­டின் தேசிய சரா­சரி மாதச் சம்­ப­ள­மான $4,680ல் பாதிகூட இல்லை.

அதே­வே­ளை­யில், தாங்­கள் வாரம் 44 மணி நேரம் வேலை பார்ப்­ப­தாக 10 பேரில் ஏறக்­கு­றைய நால்­வர் கூறு­கி­றார்­கள். வேலை நிய­மன சட்­டத்­தின்­கீழ், பரிந்­துரைக்­கப்­படும் கூடி­ன­பட்ச வேலை நேரம் இதுவே ஆகும்.

வேலையை நிறுத்­தி­னால் கொஞ்ச காலத்­திற்குத் தங்­களுக்கும் தங்­கள் குடும்­பத்­திற்கும் போதிய அள­வுக்­குச் சேமிப்­பு­ இ­ருப்­ப­தா­கக் கூறி­ய­வர்­கள் நான்­கில் ஒரு­வர்­தான்.

கொள்கை ஆய்­வுக் கழ­கம் 1,002 உணவு விநி­யோக ஊழி­யர்­களை உள்­ள­டக்கி நடத்­திய ஆய்வு மூலம் இந்த விவ­ரங்­கள் தெரி­ய­வந்து இருக்­கின்­றன.

ஊழி­யர்­களில் ஏறத்­தாழ மூன்றில் ஒரு பங்­கி­னர் தாங்­கள் விபத்­தில் சிக்கி இருப்­ப­தா­கத் தெரி­வித்து இருக்­கி­றார்­கள்.

இவற்றை எல்­லாம் வைத்துப் பார்க்­கை­யில், எளி­தில் பாதிக்­கப்­ப­டக்­கூ­டிய இத்­த­கைய ஊழி­யர்­க­ளுக்குப் பரந்த அடிப்­ப­டை­யிலான சமூ­கப் பாது­காப்­பு­கள் தேவை என்­பது தெள்­ளத்தெளி­வா­கத் தெரி­ய­வந்து இருக்­கிறது என ஆய்வை நடத்­திய வல்லுநர்கள் அறிக்­கை­யில் குறிப்­பிட்டுள்­ள­னர்.

அத்­த­கைய சமூ­கப் பாது­காப்பில் கட்­டாய மத்­திய சேம நிதிச் சந்­தா­வும் உள்­ள­டக்­கப்­பட வேண்­டும் என்று அவர்­கள் தெரி­வித்து இருக்­கி­றார்­கள்.

உணவு விநி­யோக ஊழி­யர்­களில் 10ல் ஏழு பேர் இத்­த­கைய கூடு­தல் பாது­காப்­பு­க­ளைப் பெறு­வதை­விட கையில் ரொக்­க­மாக அதி­கம் பெறு­வ­தையே விரும்­புவதாக ஆய்­வில் கூறினர்.

சேம நிதிச் சந்தா வேண்­டும் என்­ப­வர்­கள், வேண்­டாம் என்­பவர்­கள் ஏறக்­கு­றைய சரி­ச­ம­ம்.

ஆய்வு இந்த ஆண்டு ஜூலை மாதத்­திற்­கும் ஆகஸ்ட் மாதத்­திற்­கும் இடை­யில் நடத்­தப்­பட்­டது.

உணவு விநி­யோ­கத் தொழில் மூலம் தங்­கள் மாத வரு­வா­யில் குறைந்­த­பட்­சம் கால்­ப­கு­தி­யைச் சம்­பா­திக்­கின்ற ஊழி­யர்­கள் மட்டுமே ஆய்­வில் உள்­ள­டக்­கப்­பட்­ட­தாக ஆய்­வா­ளர்­கள் தெரி­வித்து இருக்­கி­றார்­கள்.

கொள்கை ஆய்­வுக் கழ­கத்­தின் சமூக ஆய்­வுக்­கூ­டத் தலை வர் டாக்­டர் மேத்யூ மேத்யூஸ் ஆய்­வுக்­குத் தலைமை தாங்­கி­னார். சொந்த வரு­வாயைப் பொறுத்­த­வரை, உணவு விநி­யோ­கத்தொழில் வேலையை மட்­டுமே தாங்­கள் முற்­றி­லும் சார்ந்­தி­ருப்­ப­தாக ஏறக்­கு­றைய 46 விழுக்­காட்­டி­னர் தெரி­வித்­த­னர்.

உணவு விநி­யோ­கத் தொழிலை மட்­டும் செய்து மாதம் ஒன்­றுக்கு $5,000க்கும் மேல் சம்­பா­திக்­க­லாம் என்று கூறி­ய­வர்­கள் 3.2 விழுக்­காட்­டி­னர் மட்­டுமே.

இதற்குக் கணி­ச­மான அள­வுக்கு முயற்சி வேண்­டும், துணிச்சல் வேண்­டும் என்று அவர்­கள் கூறி­ய­தாக ஆய்­வா­ளர்­கள் தெரி­வித்­துள்­ள­னர்.

உணவு விநி­யோ­கத் தொழில்­து­றை­யில் ஊழி­ய­ரா­கச் சேர்­வோர் தேவை­யை­விட அதி­க­மான அள­வுக்கு இருந்து வரு­கி­றார்­கள் என்­ப­தால் போதிய அள­வுக்கு பணத்தை ஈட்ட முடி­யாது என்று தங்­க­ளுக்கு கவலை ஏற்­பட்­டு­விட்­ட­தாக 10 பேரில் சுமார் ஏழு பேர் தெரி­விக்­கி­றார்­கள்.

உணவு விநி­யோக ஊழி­யர்­களில் சுமார் பாதிப்­பேர் வாரம் 39 மணி நேரத்­திற்­கும் குறை­வான நேரமே தாங்­கள் வேலை பார்ப்­ப­தா­கக் கூறி­னர்.

தாங்­கள் முத­லில் இந்த வேலை­யைத் தொடங்­கி­யது முதல் ஒரு வாரம்கூட ஓய்வு எடுத்­த­தில்லை என்று கூறி­ய­வர்­கள் ஏறக்­கு­றைய பாதிப்பேராக இருந்­த­னர்.

10 பேரில் ஆறு பேர் தங்­கள் வரு­வாய் பற்றி மன­நி­றைவு தெரி வித்தனர். இதர துறை­களில் வேலை கிடைத்­தால் இந்த வேலையை விட்­டு­விட்டு கூடிய விரை­வில் மற்ற வேலை­க­ளுக்கு போய்­வி­டத் தயா­ராக இருப்­ப­தாக ஐவ­ரில் சுமார் இரு­வர் கூறி­னர்.

குறைந்த வரு­வா­யைத் தரக்­கூ­டிய வேலை­களைத் திருத்தி வடி­வ­மைப்­ப­தன் தொடர்­பி­லான சிந்­த­னை­கள் அதி­க­ரிக்க வேண்டும் என்று ஆய்வாளர்கள் கருத்து தெரிவித்துள்ளனர்.

கண்­ணி­ய­மான ஊதி­யம் கிடைப்­ப­தோடு கற்­றுக்­கொண்டு முன்­னே­று­வ­தற்­கான கவர்ச்­சி­க­ர­மான நில­வ­ரங்­களும் வாய்ப்­பு­களும் இருக்க வேண்­டும் என்று அவர்கள் குறிப்பிட்டுள்­ள­னர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!