தந்தை கொலை: சந்தேகத்தின் பேரில் 31 வயது மகள் கைது

செங்­காங்­கில் உள்ள 190A- ரிவர்­வேல் டிரைவ் முக­வ­ரி­யில் ஆட­வர் ஒரு­வர் கொலை செய்­யப்­பட்­டார்.

அதில் சம்­பந்­தப்­பட்டு இருப்­ப­தாகச் சந்­தே­கிக்­கப்­படும் அந்த ஆட­வரின் 31 வயது மகள் நேற்று கைது செய்­யப்­பட்­டார். காவல்­து­றை­யும் சிங்­கப்­பூர் குடிமைத் தற்­காப்­புப் படையும் இது பற்றிய தக­வல்­களைத் தெரி­வித்­தன.

உத­விக்கு வரும்­படி இது பற்றி தங்­க­ளுக்கு வெள்­ளிக்கிழமை அதி­காலை சுமார் 5.30 மணிக்­குத் தகவல் வந்ததாக அவை கூறின. அதன் பேரில் அதி­கா­ரி­கள் சம்­பவ இடத்­திற்கு விரைந்­த­னர்.

அந்­தப் புளோக்­கில் இருக்­கும் அடுக்­கு­மாடி வீடு ஒன்­றின் உள்ளே 67 வயது முதி­ய­வர் ஒரு­வர் உடலில் பல இடங்­களில் காயம் அடைந்த நிலை­யில் அசை­வின்றி கிடந்­ததை அதி­கா­ரி­கள் பார்த்­த­தாக காவல்­துறை தெரிவித்­தது.

அந்த ஆட­வர் இறந்­து­விட்­டார் என்று குடி­மைத் தற்­காப்­புப் படை மருத்­து­வ அதிகாரி உறு­திப்­ப­டுத்­தி­னார். அதை­ய­டுத்து அதி­கா­ரி­கள் அந்த மாதைக் கைது செய்­த­னர்.

இத­னி­டையே, சம்­ப­வம் நிகழ்ந்த இடத்­திற்கு நேற்­றுக் காலை சுமார் 9 மணிக்­குத் தான் சென்­ற­தாக ஸ்ட்ரெய்ட்ஸ் டைம்ஸ் குறிப்­பிட்­டது. அப்­போது ஐந்து காவல்­துறை அதி­கா­ரி­கள் அங்கு இருந்­த­னர்.

மூன்று கார்­களும் தடயவியல் வாக­ன­மும் அந்த புளோக் அருகே நிறுத்­தி­வைக்­கப்­பட்டு இருந்­த­தாக ஸ்ட்­ரெய்ட்ஸ் டைம்ஸ் தெரி­வித்­தது.

துப்­பு­ர­வா­ளர்­கள் மூன்று பேரின் உத­வி­யு­டன் அந்த மூன்று காவல்­துறை அதி­கா­ரி­களும் அந்­தப் புளோக்­கின் கீழ்ப்­ப­கு­தி­யில் இருக்கும் குழாய்க் குப்­பைத்தொட்டியில் கிடந்த குப்­பை­களை ஆராய்ந்து­கொண்டிருந்­த­னர்.

இத­னி­டையே, காலை­யில் வழக்­கம்­போல் நடப்­பதற்­குத் தான் வெளியே வந்­த­போது காவல்துறை அதி­கா­ரி­க­ளைக் கண்­ட­தாக அங்கு குடி­யி­ருக்­கும் 60 வய­தைத் தாண்டிய ஒரு­வர் கூறி­னார்.

மூன்று மணி நேரத்­திற்­கும் அதிக நேரம் காவல்­துறை அதி­கா­ரி­கள் குப்­பைத் தொட்­டி­களை ஆராய்ந்­த­ப­டியே இருந்­த­தாக அவர் மேலும் தெரி­வித்­தார். அந்­தப் புளோக்­கின் 15வது மாடி வீடு ஒன்றை காவல்­துறை சுற்­றி­ அடைத்­தது. பக்­கத்து வீட்­டுக்­காரர்­க­ளு­டன் காவல்­துறை அதி­கா­ரி­கள் விசாரித்துக்­ கொண்டிருந்தனர்.

திரு­வாட்டி லலிதா சிவ­லிங்­கம், திரு­வாட்டி வேதாம்­பாள் கந்­த­சாமி என்ற இரண்டு மாதர்­களும் கடந்த 23 ஆண்­டு­க­ளாக அங்கு வசித்து வரு­கி­றார்­கள்.

மாண்­டு­விட்ட ஆட­வ­ரின் மனைவி இரண்டு மாதங்­க­ளுக்கு முன் புற்­று­நோய் கார­ண­மாக இறந்துவிட்­டார். பத்து ஆண்­டு­களுக்கு முன் அந்த ஆட­வர் பக்­க­வா­தத்­தால் பாதிக்­கப்­பட்­டார் என்று அந்த மாதர்­கள் தெரி­வித்­த­னர்.

கண­வன்-மனைவி இரு­வ­ரும் அமை­தி­யா­ன­வர்­கள். அவர்­க­ளைப் பார்க்க யாரா­வது எப்­போ­தா­வது வரு­வ­துண்டு என்று திரு­வாட்டி லலிதா கூறி­னார்.

கைது செய்­யப்­பட்­டுள்ள மாது மீது இன்று நீதி­மன்­றத்­தில் கொலைக் குற்­றம் சுமத்­தப்­படும்.

குற்றவாளி என்று தீர்ப்பு அளிக்கப்பட்டால் மரண தண்டனை விதிக்க சட்டத்தில் இடம் உண்டு.

விசா­ரணை தொடர்­வதாகவும் காவல்துறை தெரி­வித்துள்ளது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!