ஆசியானில் தீமோர் லெஸ்தே: கொள்கை அளவில் இணக்கம்

பத்து நாடு­க­ளைக்கொண்ட ஆசி­யான் அமைப்பு தன்­னு­டைய 11வது உறுப்­பி­ன­ராக தீமோர் லெஸ்­தேவை சேர்த்­துக்­கொள்ள கொள்கை அள­வில் இணங்கி இருக்­கிறது. ஆசி­யான் இத­னைத் தெரி­வித்­தது.

ஆசி­யா­னின் உயர்­நி­லைக் கூட்­டங்­களில் கவ­னிப்­பாளராக அந்­தத் தீவு நாடு அனு­மதிக்­கப்­படும் என்று நோம்­பென் நக­ரில் நடக்கும் உச்­ச­நிலை மாநாட்­டில் இடம்­பெற்ற ஆசி­யான் தலை­வர்­கள் சந்­திப்­பிற்­குப் பிறகு அறி­விக்­கப்­பட்­டது.

"தீமோர் லெஸ்­தேவை 11வது உறுப்­பி­ன­ராக ஏற்­றுக்கொள்ள கொள்கை அள­வில் இணக்­கம் ஏற்­பட்டு இருக்­கிறது.

"முழு உறுப்­பி­ன­ராக அந்த நாட்டை ஆக்கு ­வ­தற்­கான வழி­காட்­டித் திட்­டம் அடுத்த ஆண்­டின் உச்­ச­நிலை மாநாட்­டில் தாக்­கல் செய்­யப்­படும்," என்று ஆசி­யான் அறிக்­கை­யில் தெரி­விக்கப்பட்டுள்ளது.

தீமோர் லெஸ்தே இந்­தோ­னீ­சி­யா­வின் பிடி­யில் இருந்து வந்­தது. ஐநா மேற்­பார்­வை­யில் 1999ல் பொது­மக்­கள் கருத்­தெ­டுப்பு நடத்­தப்­பட்­டது. தீமோர் லெஸ்தே சுதந்­தி­ரத்­திற்கு ஆத­ர­வாக மக்­கள் வாக்­க­ளித்­த­னர்.

அத­னைத் தொடர்ந்து 2002ல் ஐநா அதி­கா­ர­பூர்­வ­மாக தீமோர் லெஸ்­தேவை ஒரு நாடாக அங்­கீ­க­ரித்­தது. இயற்கை வளங்­கள் அதி­கம் உள்ள நாடான தீமோர்-லெஸ்­தே­வில் 1.3 மில்­லி­யன் மக்­கள் வசிக்­கி­றார்­கள்.

அந்த நாடு சுதந்­தி­ரம் அடைந்த உட­னேயே ஆசி­யா­னில் சேர்­வ­தற்­கான நடை­மு­றை­க­ளைத் தொடங்­கி­யது. 2011ல்தான் முறைப்­படி அது விண்­ணப்­பித்­தது.