டிபிஎஸ், ஓசிபிசி வங்கிகள் 4.3% வரை உயர்த்தின வீட்டுக்கடன் நிலை வட்டி விகிதம்

டிபி­எஸ், ஒசி­பிசி வங்­கி­கள் வீட்­டுக் கட­னுக்­கான நிலை வட்­டி­வி­கி­தத்தை நேற்று உயர்த்­தி­யதை அடுத்து, வீட்­டுக் கடன் வட்டி விகிதம் நான்கு விழுக்­காட்­டுக்கு மேல் உயர்ந்­துள்­ளது.

டிபி­எஸ் வங்கி, இரண்டு முதல் ஐந்­தாண்டு காலம் வரைப்­பட்ட கடன் தொகைக்­கான நிலை வட்­டியை 4.25 விழுக்காடு என்று நிர்­ண­யித்துள்­ளது.

ஓசி­பிசி வங்கி தன்­னு­டைய ஓராண்டு, ஈராண்டு கால நிலை வட்டி விகி­தக் கடன் திட்­டங்­களுக்­கான வட்டி விகி­தத்தை 4.3% ஆக உயர்த்தி இருக்­கிறது.

அமெ­ரிக்­கா­வின் மத்­திய வங்கி வட்டி விகி­தத்தை மேலும் உயர்த்தும் என்று எதிர்­பார்த்து, பல வாடிக்கை­யா­ளர்­கள் வீட்­டுக் கட­னைச் செலுத்த மாறா வட்டி விகி­தத்­தைத் தொடர்ந்து தேர்வு செய்­வ­தாக டிபிஎஸ் வங்கி பேச்­சா­ளர் தெரி­வித்­த­தாக ஸ்ட்­ரெய்ட்ஸ் டைம்ஸ் குறிப்­பிட்டு உள்­ளது.

டிபி­எஸ் வங்கி, நீண்­ட­கா­லப் போக்­கி­லான கடன்­களை வழங்­குகிறது. இத­னால் வாடிக்­கை­யாளர்­கள் நீண்ட காலத்­திற்கு நிலை­யான வட்டி விகி­தத்­தைச் செலுத்தி வரலாம்.

வட்டி மேலும் ஏறாது என்ற உத்­த­ர­வா­த­மும் இதன்­மூ­லம் அவர்­களுக்­குக் கிடைக்­கும் என்று பேச்சா­ளர் விளக்­கி­னார்.

ஒசி­பிசி வங்கி நிலை வட்டி விகி­தம் கொண்ட வீட்­டுக் கடன் திட்­டங்­களை அக்­டோ­பர் மாதக் கடை­சி­யில் தற்­கா­லி­க­மாக நிறுத்தி­யி­ருந்­தது.

ஆனால் வாடிக்­கை­யா­ளர்­க­ளி­ட­மி­ருந்து அதற்கு அதி­கத் தேவை இருந்­த­தால் அவற்றை வங்கி மீண்டும் வழங்­கத் தொடங்­கி­யுள்­ள­தாக ஒசி­பிசி வங்­கி­யின் வீட்­டுக் கடன் பிரி­வுத் தலை­வர் மேரி ­ஆன் புவா கூறி­னார்.

தங்­கள் தேவைக்­கேற்ற கால அவ­கா­சத்­தைத் தேர்வு செய்­யும் நீக்­குப்­போக்கை இது வழங்­கும் என்று அவர் குறிப்­பிட்­டார்.

முன்­ன­தாக எச்­எஸ்­பிசி வங்கி இந்த ­மா­தம் 8ஆம் தேதி தன்னுடைய ஈராண்டு, மூவாண்டு கடன் திட்டங்­க­ளுக்­கான நிலை வட்டி விகி­தத்தை 4.25% ஆகக் கூட்டியது.

இந்த நட­வ­டிக்­கை­க­ளின் மூலம் நிலை­யான வட்டி விகி­தத்­து­டன் கூடிய வீட்­டுக் கடன் ஏற்­பா­டு­களுக்­கான வட்டி அளவு 4 விழுக் காட்டுக்கும் அதி­க­மா­கி­விட்­டது.

வட்டி விகி­தம் இந்த அள­வுக்கு கூடி­னா­லும்­கூட கடன் வாங்­கு­வோர் அள­வுக்கு அதி­க­மாக கவ­லைப்­பட வேண்­டிய தேவை இல்லை என்று கூறப்­ப­டு­கிறது.

இதற்­குக் கார­ணம், ஓசி­பிசி வங்­கி­யும் எச்­எஸ்­பிசி வங்­கி­யும் வீட்டு உரி­மை­யா­ளர் ஒரு­வர் கூடின­பட்சமாக எந்த அள­வுக்­குக் கடன் வாங்க முடி­யும் என்­ப­தைக் கணக்கிட 4.5% என்ற அதிக வட்டி விகி­தத்­தைப் பயன்­ப­டுத்­து­கிறது.

இந்த வட்டி விகி­தம் டிபி­எஸ் வங்­கி­யில் 4.25% ஆக இருக்­கிறது.

இதன் விளை­வாக வீட்டு உரிமை­யா­ளர்­கள் குறைந்த அள­வி­லான தொகையை மட்­டுமே கட­னா­கப் பெற முடி­யும்.

எடுத்­துக்­காட்­டாக, வீட்டு உரிமை­யா­ளர் ஒரு­வ­ருக்கு நிரந்­தர மாத வரு­வாய் $10,000 என்­றால், அவர் 25 ஆண்டு காலம் கடனை அடைக்க வேண்­டும் என்­றால், அந்த உரி­மை­யா­ளர் சிங்­கப்­பூர் நாணய ஆணை­யம் நிர்­ண­யித்து உள்ள நடுத்­த­ர­கால கடன் வட்டி விகி­த­மான 4 விழுக்காட்டின் அடிப்­ப­டை­யில் ஏறக்­கு­றைய $1.05 மில்­லி­யன் கட­னைப் பெற­லாம்.

டிபி­எஸ் வங்­கி­யின் 4.25% வட்டி அளவை அடிப்­ப­டை­யா­கக்கொண்டு கணக்­கிட்டு பார்த்­தால், அதே வீட்டு உரி­மை­யா­ளர் கிட்­டத்­தட்ட $1.02 மில்­லி­யன்­தான் கட­னா­கப் பெற முடி­யும்.

ஓசி­பிசி வங்­கி­யைப் பார்க்­கை­யில், இந்­தக் கூடி­ன­பட்ச கடன் அளவு ஏறக்குறைய $1 மில்­லி­ய­னாக இருக்­கிறது.

டிபி­எஸ் வங்கி பொது அடுக்­கு ­மாடி வீடு­க­ளின் உரி­மை­யா­ளர்­களுக்­கா­கச் சிறப்­பாக வடி­வ­மைக்­கப்­பட்ட வீட்­டுக் கடன் திட்­டத்­தைக் கொண்­டி­ருக்­கிறது.

இத்­திட்­டத்­தின்­படி கடன் வாங்கு­வோர் ஆண்­டுக்கு 2.6% என்ற விகி­தத்­தில் வட்டி செலுத்த வேண்டும். இது வீட­மைப்பு வளர்ச்சிக் கழ­கத்­தின் இப்­போ­தைய சலு­கை­யு­டன் கூடிய வட்டி விகிதத்­திற்கு ஒப்­பா­னது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!