மிகக் கடுமையான போட்டி

மலே­சி­யப் பொதுத் தேர்­தல் நேற்று நடை­பெற்று. காலை 8 மணிக்­குத் தொடங்­கிய வாக்­க­ளிப்பு நேற்று மாலை 6 மணிக்கு முடி­வ­டைந்­தது. அத­னைத் தொடர்ந்து,

வாக்­குச் சீட்­டு­களை எண்­ணும் பணி தொடங்­கி­யது.

மொத்­தம் உள்ள 222

நாடா­ளு­மன்­றத் தொகு­தி­களில் குறைந்­தது 112 தொகு­தி­க­ளைக் கைப்­பற்­றும் கூட்­டணி, அர­சாங்­கத்தை அமைக்­க தகுதி பெறும்.

இது­வரை இல்­லாத கடும் போட்டி

இந்­நி­லை­யில், மலே­சி­யா­வில் இதற்கு முன்பு நடை­பெற்ற பொதுத் தேர்­தல்­க­ளை­விட இவ்­வாண்டு தேர்­த­லில் போட்டி மிகக் கடு­மை­யாக இருக்­கும் என்று அர­சி­யல் நிபு­ணர்­கள் தெரி­வித்­துள்­ள­னர்.

தேசிய முன்­னணி, பக்­கத்­தான் ஹரப்­பான், பெரிக்­காத்­தான் நேஷ­னல் ஆகிய மூன்று பெரிய கூட்­ட­ணி­களும் பல்­வேறு சிறிய கட்­சி­களும் போட்­டி­யி­டு­கின்­றன.

முதல் முடிவு

வாக்­க­ளிப்பு முடிந்து சில மணி நேரத்­தி­லேயே சர­வாக் மாநி­லத்­தில் இகான் தொகு­திக்­கான முடிவு­ களை மலே­சி­யத் தேர்­தல் ஆணை­யம் அறி­வித்­தது. அந்­தத் தொகு­தியை கபுங்­கான் சர­வாக் கட்சி கைப்­பற்­றி­யது.

இதற்­கி­டையே, நேற்று இரவு 9 மணி அள­வில் பக்­கத்­தான் ஹரப்­பான் வேட்­பா­ள­ரும் சிலாங்­கூ­ரின் தற்­போ­தைய முதல்­வ­ரு­மான அமீ­ரு­தீன் ஷாரி கிட்­டத்­தட்ட 5,000 வாக்­கு­கள் வித்­தி­யா­சத்­தில் முன்­னிலை வகிப்­ப­தா­கத் தெரி­விக்­கப்­பட்­டது.

கொம்­பாக் தொகு­தி­யில் அவரை எதிர்த்­துப் போட்­டி­யிட்ட பெரிக்­காத்­தான் நேஷ­னல் வேட்­பா­ளர் அஸ்­மின் அலிக்­குப் பின்­ன­டைவு ஏற்­பட்­டுள்­ள­தாக அறி­விக்­கப்­பட்­டது. நேற்­றி­ரவு 11 மணி நில­வ­ரப்­படி ஜோகூர் மாநி­லத்­தின் ஆயர் ஹித்­தாம் தொகு­தியை தேசிய முன்­னணி வேட்­பா­ள­ரும் மலே­சிய சீனர் சங்­கத்­தின் தலை­வ­ரு­மான டாக்­டர் வீ கா சியோங் தக்­க­வைத்­துக்­கொண்­ட­தாக அதிகாரபூர்வ தக­வல்­கள் வெளி­யா­கின.

அத்­தொ­கு­தி­யில் அவர் இம்­முறையும் வென்­றதால் அங்கு ஐந்­தா­வது முறை­யாக வெற்றி அடைந்த பெருமை அவ­ரைச் சேரும்.

அன்­வார் இப்ராஹிம் முன்­னிலை

நேற்று இரவு 11 மணி நில

வரப்­படி பேராக்­கின் தம்­புன் தொகுதியில் போட்­டி­யி­டும்

பக்­கத்­தான் ஹரப்­பான் தலை­வர் அன்­வார் இப்­ரா­ஹிம் முன்­னிலை வகிப்­ப­தா­கத் தெரி­விக்­கப்­பட்­டது. அவரை எதிர்த்து பெரிக்காத்தான் நேஷனலின் அகமது ஃபைசால் அசுமு போட்டியிடுகிறார்.

முன்­னாள் மலே­சி­யப் பிர­த­மர் டாக்­டர் மகா­தீர் முகம்­மது, லங்­கா­வி­யில் தோல்­வி­யைத் தழு­வக்­கூ­டும் என்று தெரி­விக்­கப்­பட்­டது.

சுங்கை புலோ­வில் தேசிய முன்­ன­ணி­யின் கைரி ஜமா­லுதீனுக்குப் பின்னடைவு ஏற்பட்டு உள்ளதாகத் தெரிவிக்கப்பட்டது.

வாக்­க­ளிப்பு ஒத்­தி­வைப்பு

பாடாங் சிராய், தியோ­மான், பராம் ஆகிய தொகு­தி­களில் வாக்­க­ளிப்பு ஒத்­தி­வைக்­கப்­பட்­டுள்­ள­தால் நேற்று 219 தொகுதி­ களில் மட்­டுமே வாக்­க­ளிப்பு நடை­பெற்­றது.

வெள்­ளம் மோச­ம­டைந்­த­தால் சர­வாக்­கில் உள்ள பராம் தொகு­தி­யில் வாக்­க­ளிப்பு ஒத்­தி­வைக்­கப்­பட்­டது.

பாடாங் சிராய், தியோ­மான் ஆகிய தொகு­தி­களில் வேட்­பா­ளர் மர­ணம் கார­ண­மாக தேர்­தல் ஒத்­தி­வைக்­கப்­பட்­டது.

நேற்று இரவு 11 மணி நிலவரப்­படி தேசிய முன்­ன­ணிக்­கும் பக்­கத்­தான் ஹரப்­பா­னுக்­கும் இடையே மிகக் கடு­மை­யான போட்டி நில­வு­வ­தா­கத் தெரி­விக்­கப்­பட்­டது.