சான் சுன் சிங், டெஸ்மண்ட் லீ இருவரும் உதவி தலைமைச் செயலாளர்கள் லாரன்ஸ் வோங் மசெகவின் துணைத் தலைமைச் செயலாளர்

துணைப் பிர­த­மர் லாரன்ஸ் வோங் மக்­கள் செயல் கட்­சி­யின் (மசெக) துணைத் தலை­மைச் செய­லா­ள­ராக நிய­மிக்­கப்­பட்­டுள்­ளார். துணைத் தலை­மைச் செய­லா­ளர் மசெ­க­வில் புதி­தாக உரு­வாக்­கப்­பட்ட பத­வி­யா­கும். அக்­கட்­சி­யின் மத்­திய செயற்­குழு நேற்று கூடிய பின்­னர் அது குறித்து அறி­விக்­கப்­பட்­டது.

மசெ­க­வின் உத­வித் தலை­மைச் செய­லா­ள­ரா­கப் பொறுப்பு வகித்த துணைப் பிர­த­மர் ஹெங் சுவீ சியட், கட்­சித் தலை­வ­ராக நிய­மிக்­கப்­பட்­டார்.

தேசிய வளர்ச்சி அமைச்­சர் டெஸ்­மண்ட் லீ, உத­வித் தலை­மைச் செய­லா­ள­ராக நிய­மிக்­கப்­பட்­டுள்­ளார்.

அவ­ரு­டன், கல்வி அமைச்­சர் சான் சுன் சிங் மசெ­க­வின் உத­வித் தலை­மைச் செய­லா­ள­ரா­கத் தொடர்ந்து பொறுப்­பேற்­பார்.

கட்­சி­யின் தலை­மைத்­து­வத்­தைப் புதுப்­பிக்­கும் திட்­டத்­துக்கு ஏற்ப, புதிய துணைத் தலை­மைச் செய­லா­ளர் பதவி, இரண்டு உத­வித் தலை­மைச் செய­லா­ளர் பத­வி­கள் ஆகி­ய­வற்­றுக்கு தலை­வர்­கள் நிய­மிக்­கப்­பட்­டுள்­ள­தாக மசெக நேற்று தெரி­வித்­தது.

தலை­மைச் செய­லா­ளர் இல்­லாத நேரத்­தில், துணைத் தலை­மைச் செய­லா­ளர் அவ­ரது பணி களை­யும் பொறுப்­பு­களும் கவ­னிப்­பார் என்று மசெக கூறி­யது.

பிர­த­மர் லீ சியன் லூங், மக்­கள் செயல் கட்­சி­யின் தலை­மைச் செய­லா­ளர் ஆவார்.

மசெ­க­வின் மத்­திய செயற்­குழு, நான்கு புதிய உறுப்­பி­னர்­க­ளை­யும் இணைத்­துக் கொண்­டுள்­ளது.

அல்­ஜு­னிட் குழுத்­தொ­கு­தி­யில் கட்சி வேட்­பா­ள­ரா­கப் போட்­டி­யிட்ட அலெக்ஸ் இயோ, ஈஸ்ட் கோஸ்ட் குழுத்­தொ­குதி நாடா­ளு­மன்ற உறுப்­பி­னர் ஷெரில் சான், தேசி­யத் தொழிற்­சங்க காங்­கி­ர­சின் தலை­மைச் செய­லா­ளர் இங் சீ மெங், மனி­த­வள அமைச்­சர் டான் சீ லெங் ஆகி­யோர் அந்த நால்­வர்.

கலா­சார, சமூக, இளை­யர்­துறை அமைச்­சர் எட்­வின் டோங், தொடர்பு, தக­வல் அமைச்­சர் ஜோச­ஃபின் டியோ ஆகிய இரு­வர் ஏற்­கெ­னவே மசெ­க­வின் மத்­திய செயற்­கு­ழு­வில் சேர்த்­துக்­கொள்­ளப்­பட்­ட­னர். மத்­திய செயற்­கு­ழு­வுக்கு நடத்­தப்­பட்ட தேர்­த­லில் அவர்­கள் இரு­வ­ரும் முறையே 13வது, 14வது ஆக அதி­க­மான வாக்கு களைப் பெற்­றி­ருந்­த­னர்.

திரு டோங்­கும் நீடித்த நிலைத்­தன்மை, சுற்­றுப்­புற அமைச்­சர் கிரேஸ் ஃபூவும் கட்­சி­யின் அமைப்­புச் செய­லா­ளர்­க­ளா­கப் பொறுப்­பேற்­றுள்­ள­னர்.

சட்ட, உள்­துறை அமைச்­சர் கா. சண்­மு­கம் பொரு­ளா­ள­ரா­க­வும் சுகா­தார அமைச்­சர் ஓங் யி காங் துணைப் பொரு­ளா­ள­ரா­க­வும் செயல்­ப­டு­வர்.

சமு­தாய, குடும்ப மேம்­பாட்டு அமைச்­சர் மச­கோஸ் ஸுல்­கி­ஃப்லி கட்­சி­யின் துணைத் தலை­வ­ரா­கத் தொடர்­வார்.

மேலும், திரு லாரன்ஸ் வோங்­குக்கு கட்­சித் தலை­மை­ய­கத்­தின் செயல்­கு­ழுத் தலை­வர் எனும் பொறுப்பும் வழங்­கப்­பட்­டுள்­ளது. முந்­திய தலை­வ­ரான திரு சான் சுன் சிங், துணைத் தலை­வ­ராக செயல்­ப­டு­வார்.

மசெ­க­வின் மூத்­தோர் குழுத் தலை­வர் பொறுப்பை திரு டெஸ்­மண்ட் லீக்கு பதில், மனி­த­வள அமைச்­சர் டான் ஏற்­றுள்­ளார்.

கட்­சி­யின் மக­ளிர் அணித் தலை­வ­ராக வெளி­யு­றவு மூத்த துணை அமைச்­சர் சிம் ஆன் பொறுப்­பேற்­றுள்­ளார்.

ஏற்­கெ­னவே அப்­பொ­றுப்பை ஏற்­றி­ருந்த ஜோச­ஃபின் டியோ, கட்­சி­யின் கொள்­கைக் கருத்­த­ரங்­கின் ஆலோ­ச­க­ரா­கச் செயல் ­ப­டு­வார். அது திரு வோங் ஏற்­றி­ருந்த பொறுப்­பா­கும்.

இம்­மா­தத் தொடக்­கத்­தில் நடந்த கட்சி மாநாட்­டில், மசெக உறுப்­பி­னர்­கள் மத்­திய செயற்­குழு உறுப்­பி­னர்­க­ளைத் தேர்ந்­தெ­டுத்­த­னர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!