மழைக்கு ஒதுங்க மறுத்த கூட்டம்; பத்தாயிரக்கணக்கில் உற்சாக ஓட்டம்

கன­மழை கார­ண­மாக நேற்­றைய 'ஸ்டாண்­டர்ட் சார்ட்­டர்ட்' நெடுந்­தொ­லைவு ஓட்­டத்­தின் (எஸ்­சி­எஸ்­எம்) அரை, முழு மாரத்­தான் அங்­கங்­கள் ஒரு மணி நேரத் தாம­தத்­திற்­குப் பிறகு தொடங்­கின. இருப்­பி­னும், 2019க்குப் பிறகு மீண்­டும் இவ்­வாண்டு முழு வீச்­சில் ஏற்­பாடு செய்­யப்­பட்ட நிகழ்­வில் பத்­தாயிரக்­கணக்­கா­னோர் உற்­சா­கம் குறை­யா­மல் பங்­கேற்­ற­னர்.

கென்­யா­வில் கோழிப் பண்ணை வைத்­தி­ருக்­கும் 34 வயது எஸக்­கி­யல் ஓமுல்லோ, நேற்­றைய ஆண்­கள் பிரிவு ஓட்­டத்­தில் முத­லி­டம் பெற்­றார். கொவிட்-19 கிரு­மிப் பர­வ­லால் போட்­டி­கள் நின்­று­போ­ன­தைக் குறிப்­பிட்ட அவர், போட்­டி­கள் இல்­லை­யென்­றால் ஈராண்­டுக்கு பரி­சுத் தொகை­யும் இல்லை என்­றா­கி­விட்ட நிலை­மையை நினை­வு­கூர்ந்­தார்.

முதல்­மு­றை­யாக இவ்­வாண்­டின் எஸ்­சி­எஸ்­எம் போட்­டி­யில் பங்­கேற்ற அவர், தம் கைக்கு $10,000 காசோலை வரும் என்று சற்­றும் எதிர்­பார்க்­க­வில்லை என்று ஸ்ட்­ரெய்ட்ஸ் டைம்­சி­டம் தெரி­வித்­தார்.

அவ­ரின் பிரி­வில் அடுத்­த­டுத்த நிலை­க­ளி­லும் கென்­யா­வைச் சேர்ந்­த­வர்­கள் இடம்­பி­டித்­த­னர். அத்­து­டன் பெண்­கள் பிரி­வி­லும் கென்­யா­வைச் சேர்ந்த மாதர் முதல் மூன்று நிலை­களில் வந்­தி­ருந்­த­னர்.

நேற்­றுக் காலை 4.30 மணிக்­குத் தொடங்­க­வி­ருந்த ஓட்­டம், 5.30 மணிக்­குத் தொடங்­கும் என்று அறி­விப்­பா­ளர்­கள் கூறி­ய­போது வந்­திருந்­தோர் மகிழ்ச்­சி­யில் ஆர­வா­ரம் செய்­த­னர்.

மரினா பே வட்­டா­ரத்­தில் நடந்த இவ்­வாண்­டின் எஸ்­சி­எஸ்­எம், கிட்­டத்­தட்ட 40,000 ஓட்ட வீரர்­களை ஈர்த்­துள்­ளது. அவர்­கள் 5 கிமீ, 10 கிமீ, 21.1 கிமீ, 42 கிமீ ஆகிய பிரி­வு­க­ளின்­கீழ் பங்­கேற்­ற­னர்.

கலந்­து­கொண்ட 5,000 அனைத்­து­லக பங்­கேற்­பா­ளர்­களில் பாலி­வுட் நடி­கர் மில்­லின் சோமன், 57, மற்­றும் அவ­ரின் மனை­வி­யான 31 வயது அங்­கீதா கொன்­வா­ரும் அடங்­கு­வர். எஸ்­சி­எஸ்­எம்­மின் 5 கிமீ, அரை மாரத்­தான் போட்­டி­களில் பங்­கேற்­ப­தற்­காக இரு­வ­ரும் இந்­தி­யா­வி­லி­ருந்து விமா­னம் வழி­யாக வந்­துள்­ள­னர்.