சாதனை நிகழ்த்தி சிங்கப்பூருக்கு பெருமை தேடித் தந்த சிங்கங்கள்

தென்­கி­ழக்­கா­சிய விளை­யாட்­டுப் போட்­டி­களில் சிங்­கப்­பூர் அணி­யி­னர் நேற்று வர­லாற்று சாதனை நிகழ்த்­தி­னர். மக­ளிர்க்­கான 100 மீட்­டர் ஓட்­டப்­பந்­த­யத்­தில் சிங்­கப்­பூ­ரின் சாந்தி பெரேரா தங்­கப்­ப­தக்­கம் வென்­றார். 11.41 வினா­டி­களில் அவர் இந்த சாத­னையை நிகழ்த்­தி­னார்.

26 வய­தான அவர் இதே விளை­யாட்­டுப் போட்­டி­யில் கடந்த திங்கட்கிழமை 200 மீட்­டர் ஓட்­டத்­தி­லும் தங்­கம் வென்­றார். சிங்­கப்­பூர் வீராங்­கனை ஒரு­வர் ஒரே தென்­கிழக்­கா­சிய விளை­யாட்­டு­ப் போட்டிகளில் இந்த இரு பிரி­வி­லும் முத­லா­வ­தாக வந்து தங்­கம் வென்­றி­ருப்­பது இதுவே முதல்­முறை.

மேலும், 100 மீட்­டர் ஓட்­டத்­தில் அவ­ரது முத­லா­வது தங்­கப் பதக்­கம் இது­வா­கும். கடந்த ஆண்டு ஹனோ­யில் நடை­பெற்ற போட்­டி­யில் வெள்­ளிப் பதக்­க­மும் அதற்கு முன்­னர் 2015, 2017 மற்­றும் 2019 போட்­டி­களில் வெண்­க­ல­மும் சாந்தி வென்­றி­ருந்­தார். நேற்று முத­லா­வ­தாக வென்­ற­தும் பேசிய அவர், "தங்­கம் வென்­ற­தில் மிக­வும் மகிழ்ச்சி. தென்­கி­ழக்­கா­சி­யப் போட்­டி­களில் இது எனது ஆறா­வது பதக்­கம்," என்­றார்.

11.58 வினா­டி­களில் ஓடி முடித்த தாய்­லாந்து வீராங்­கனை சுபா­னிச் பூல்­கெர்ட் வெள்­ளி­யும் 11.75 வினா­டி­கள் ஓடிய வியட்­னாம் வீராங்­கனை தி நி யென் டிரான் வெண்­க­ல­மும் வென்­ற­னர்.

ஆண்களுக்கான 100 மீட்டர் ஓட்டத்தில் 12 ஆண்டுகளுக்குப் பிறகு சிங்கப்பூருக்கு நேற்று பதக்கம் கிடைத்தது. சிங்கப்பூரின் மார்க் லுவிஸ் 10.39 வினாடிகள் ஓடி 0.02 வினாடி வித்தியாசத்தில் முதலிடத்தைத் தவறவிட்டு வெள்ளி வென்றார்.

2011ஆம் ஆண்டு கேரி இயோ வெள்ளிப் பதக்கம் வென்றதற்குப் பிறகு 100 மீட்டர் ஆண்கள் ஓட்டத்தில் சிங்கப்பூருக்கு எந்தவொரு பதக்கமும் கிடைக்காமல் இருந்தது. அந்தக் குறையை நேற்று லுவிஸ் தீர்த்தார். தாய்லாந்து வீரருக்குத் தங்கம் சென்றது. நூலிழை வித்தியாசத்தில் இருவரும் முடித்ததால் வெற்றியை கச்சிதமாகத் தீர்மானிக்குமாறு சிங்கப்பூர் தரப்பில் கோரிக்கை விடுக்கப்பட்டது. ஆயினும், அதற்குப் பலன் கிட்டவில்லை.

20 வயதாகும் லுவிஸ் கடந்த ஆண்டு ஹனோயில் இதே 100 மீட்டர் ஓட்டத்தில் அறிமுகமானபோது வெண்கலம் வென்றிருந்தார்.

1969ஆம் ஆண்டுக்குப் பிறகு இந்த ஓட்டத்தில் சிங்கப்பூருக்கு இன்னும் தங்கம் கிட்டவில்லை.