ஈராண்டுக்குள் எல்லா வீடுகளிலும் 'சர்க்கிட் பிரேக்கர்' சாதனம்

ஜூலை 1 முதல் விதிமுறை அறிமுகம்

மின்­சுற்று துண்டிப்பான் எனப்­படும் 'சர்க்கிட் பிரேக்­கர்' சாத­னத்தை வீவக வீடு­களும் தனி­யார் வீடு­களும் ஜூலை 1 முதல் பொருத்த வேண்­டும்.

இருப்­பி­னும் இதற்கு 2025 ஜூலை 1 வரை இரண்டு ஆண்டு அவ­கா­சம் வழங்­கப்­படும். அந்த தேதிக்­குள் சர்க்கிட் பிரேக்­கர் பொருத்­தப்­ப­ட­வில்லை எனில் $5,000 அப­ரா­தம் விதிக்­கப்­படும்.

இந்­தச் சாத­னத்­தைப் பொருத்­து­வ­தற்­கும் மின்­கம்­பி­களை அதற்­கேற்ப மாற்றி அமைப்­ப­தற்­கும் வீட­மைப்பு வளர்ச்­சிக் கழ­கம் வீடு­க­ளின் தன்­மைக்­கேற்ப சலு­கை­களை வழங்­கும்.

1985 ஜூலைக்கு முன்­னர் கட்­டப்­பட்ட ஓரறை மற்­றும் ஈரறை வீடு­க­ளுக்கு இதற்­கான செலவைக் கழ­கம் முழு­மை­யாக ஏற்­கும். அதே­நே­ரம், பெரிய வீடு­களில் குடி­யி­ருப்­போர் 85 விழுக்­காடு வரை கட்­ட­ணச் சலு­கையை எதிர்­பார்க்­க­லாம்.

மின்­க­சிவு ஏற்­ப­டும்­போ­தும் மின்விநி­யோ­கத்­தைத் தடுத்து நிறுத்த சர்க்கிட் பிரேக்­கர் சாத­னம் பயன்­ப­டு­கிறது. பழைய, பழு­த­டைந்த மின்­கம்­பி­கள் கார­ண­மா­க­வும் தவ­றான முறை­யில் மின்சாத­னங்­க­ளைப் பயன்­ப­டுத்­து­வ­தன் மூல­மும் மின்­க­சிவு ஏற்­ப­ட­லாம்.

1985 ஜூலை முதல் கட்­டப்­பட்ட வீடு­க­ளுக்கு இந்த சாத­னங்­கள் அவ­சி­யம். புதுப்­பிக்­கப்­ப­டும்­போது மின்­கம்­பி­கள் மாற்­றப்­பட்­டி­ருக்­கும் பழைய வீடு­களில் இந்­தச் சாத­னம் பொருத்­தப்­பட்டு இருக்­கும்.

சிறிய விகிதத்திலான வீடு­கள் இன்­னும் பழைய காலத்­தில் பின்பற்றப்பட்ட மின்­சுற்று சாத­னங்­க­ளைப் பெற்­றுள்­ள­தாக வீவ­க­வும் எரி­சக்­திச் சந்தை ஆணை­ய­மும் கூட்­டாக அறிக்கை வெளி­யிட்டுள்­ளன.

1985க்கு முன்னர் கட்டப்பட்ட ஓரறை மற்றும் ஈரறை வீடுகளில் கிட்டத்தட்ட 1.3% வீடுகளில் சர்க்கிட் பிரேக்கர் சாதனம் இல்லை என்று நம்பப்படுகிறது.

மித­மிஞ்­சிய மின்னோட்­டத்­தில் இருந்து பாது­காக்க 'ஃபியூஸ்' எனப்­படும் மின்­காப்பு இழை­களையே அவை சார்ந்­தி­ருப்­ப­தா­க­வும் அவை தெரி­வித்­தன.

எனவே, சர்க்கிட் பிரேக்­கர் பொருத்­தப்­ப­டாத பழைய வீடு­களின் பாது­காப்­புக் கருதி புதிய விதி­முறை அறி­மு­கம் செய்­யப்­பட்டு இருப்­ப­தாக எரி­சக்­திச் சந்தை ஆணை­யத்­தின் பேச்­சா­ளர் கூறி­னார்.