இணையத்தில் முறையற்ற நடத்தை: கடும் நடவடிக்கை எடுக்கப்படும் எனச் சீன அதிபர் சூளுரை

படம்: ஏஎஃப்பி

29 Nov 2025 - 6:38 pm

2 mins read

பெய்ஜிங்: இணையத்தில் முறையற்ற வகையில் நடந்துகொண்டு தவறான செயல்பாடுகளில் ஈடுபடுவோருக்கு எதிராக மிகத் தீர்க்கமான முறையில் கடும் நடவடிக்கை எடுக்கப்படும் என்று சீன அதிபர் ஸி ஜின்பிங் சூளுரைத்துள்ளார்.

பாதுகாப்பான, தூய இணையத்தளம் உருவாக்கப்படும் என்று வெள்ளிக்கிழமை (நவம்பர் 28) நடைபெற்ற கம்யூனிஸ்ட் கட்சிக் கூட்டத்தில் அவர் உறுதி அளித்தார்,

இத்தகவலை சீன அரசாங்கத்துக்குச் சொந்தமான ஊடகம் சனிக்கிழமை (நவம்பர் 29) வெளியிட்டது.

அண்மையில் முறையற்ற பதிவுகளுக்காகச் சமூக ஊடக நிறுவனங்களுக்கு எதிராகச் சீன அதிகாரிகள் நடவடிக்கை எடுத்தனர்.

சமூக ஊடக நிறுவனங்களுக்குச் சீனா விதிமுறைகளை விதித்துள்ளது.

பொதுமக்களுக்குத் தீங்கு விளைவிக்கக்கூடிய, ஆபாசமான பதிவுகளுக்கு அனுமதி இல்லை.

பதிவுகள் மிதப்படுத்தப்பட வேண்டும் என்று சமூக ஊடக நிறுவனங்களுக்குச் சீனா கட்டுப்பாடுகளை விதித்துள்ளது.

சமூக ஊடகங்களில் வலம் வரும் வன்முறையைத் தூண்டக்கூடிய, தீங்கு விளைவிக்கக்கூடிய பதிவுகளை நீக்க இரண்டு மாத இயக்கத்தை நடத்தப்போவதாக சீன இணையத்தள நிர்வாக ஆணையம் கடந்த செப்டம்பர் மாதம் அறிவித்தது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

சாங் ருய்‌ஷெங் என்ற 54 வயது ஆடவர், பணமோசடியின் மூலம் பெறப்பட்ட $17 மில்லியனுக்கும் அதிகமான தொகையை வைத்திருந்த குற்றத்தை எதிர்கொண்டார்.

$3 பில்லியன் பணமோசடி வழக்கில் குற்றவாளியின் மூத்த சகோதரருக்குச் சிறை

20 Oct 2026 - 10:16 PM

கைது செய்யப்பட்ட சீன நாட்டவரிடமிருந்து கைப்பற்றப்பட்ட பொருள்கள்.

முஸ்தஃபா சென்டரில் வங்கி அட்டை விவரங்களை ரகசியமாகத் திருடியவர் கைது

20 Oct 2026 - 2:52 PM

கேரளா - கர்நாடக கடலோரப் பகுதிகளுடன் இலட்சத்தீவு பகுதிகளில் அக்டோபர் 22, 23 ஆகிய தேதிகளில் சூறாவளிக்காற்று வீசக்கூடும் என்று சென்னை வானிலை ஆய்வு நிலையம் எச்சரிக்கை விடுத்துள்ளது.

அடுத்த 7 நாள்களுக்குக் கனமழை: வானிலை ஆய்வு நிலையம் எச்சரிக்கை

20 Oct 2026 - 6:58 PM

புகைமூட்ட அதிகரிப்பு காரணமாக ரத்து செய்யப்பட்ட விமானச் சேவையால் பாதிக்கப்பட்ட பயணிகளுக்குக் கோலாலம்பூர் - சிங்கப்பூர் இடையே மலேசியா ஏர்லைன்ஸ் விமானங்களில் மாற்றுப் பயண ஏற்பாடுகள் செய்யப்பட்டதாக ஃபயர்ஃபிளை தெரிவித்தது.

சுபாங்-சிலேத்தார் விமானச் சேவைகளை மீண்டும் தொடங்க ஃபயர்ஃபிளை திட்டம்

20 Oct 2026 - 6:15 PM

இணையம் வழி முறையற்ற நடவடிக்கைகள் சமூக நெறிமுறைகளைப் பாதிப்பதாக திரு ஸி கூறியதாகத் தெரிவிக்கப்பட்டது.

ஆனால், இதுதொடர்பான கூடுதல் விவரங்கள் வெளியிடப்படவில்லை.

இணைய உலகில் சீனாவை சக்திவாய்ந்த நாடாக்க இணையத்தளத்தை முறையாக நிர்வகிப்பது அவசியம் என்று அதிபர் ஸி வலியுறுத்தினார்.

இது நாட்டின் மேம்பாட்டுக்கும் பாதுகாப்புக்கும் நாட்டு மக்களின் நலனுக்கும் மிகவும் முக்கியம் என்றார் அவர்.

பதிவு நிர்வாகப் பொறுப்புகளைச் சரியாகக் கவனிக்காததற்காக வெய்போ போன்ற மின்னிலக்கத் தளங்களுக்குச் சீனா கடந்த செப்டம்பர் மாதம் தண்டனை விதித்தது.

இந்தத் தண்டனை தொடர்பான விவரங்கள் வெளியிடப்படவில்லை.

இச்செய்தியைப் பகிரவும்

குறிப்புச் சொற்கள்

சீனாஇணையம்ஸி ஜின்பிங்