மாணவர் முரசு
இ-பேப்பர்
எட்மன்டன் (கனடா): தம் கார்மீது இன்னொருவர் சிறுநீர் கழித்ததைத் தட்டிக்கேட்ட இந்திய வம்சாவளி ஆடவர் ஒருவர் கனடாவில் கொல்லப்பட்டார்.
இச்சம்பவம் அங்குள்ள எட்மன்டன் நகரில் அக்டோபர் 19ஆம் தேதி நிகழ்ந்தது.
சம்பவ நாளன்று அர்வி சிங் சாகூ, 55, என்ற அந்தத் தொழிலதிபர் தம் காதலியுடன் இரவு உணவிற்காக அருகிலிருந்த உணவகத்திற்குச் சென்றார். உணவுண்டபின் தம் காருக்குத் திரும்பியபோது யாரோ ஒருவர் தம் கார்மீது சிறுநீர் கழித்துக்கொண்டிருப்பதை அவர் கண்டார்.
அதனால் கோபமடைந்த அர்வி விரைந்து சென்று, “என்ன செய்துகொண்டிருக்கிறாய்?” எனக் கேட்டார். அதற்கு அந்த ஆடவர், “நான் விரும்புவதைச் செய்வேன்,” எனக் கூறினார்.
பின்னர் அர்வியை நோக்கிச் சென்ற அந்த ஆடவர், அவரது தலையில் குத்துவிட்டார். அதனால் நிலைதடுமாறி அர்வி கீழே விழ, அவரின் காதலி ‘911’ என்ற அவசரகாலத் தொலைபேசி எண்ணில் தொடர்புகொண்டு உதவி கோரினார்.
துணை மருத்துவப் படையினர் அவ்விடத்திற்குச் சென்றபோது அர்வி நினைவற்ற நிலையில் இருந்ததாக ‘குளோபல் நியூஸ்’ ஊடகத்திடம் அவருடைய சகோதரர் தெரிவித்தார்.
அர்வி மருத்துவமனைக்குக் கொண்டுசெல்லப்பட்டு தீவிர சிகிச்சை அளிக்கப்பட்டபோதும் ஐந்து நாள்களுக்குப்பின் அவரது உயிர் பிரிந்தது.
அர்வியைத் தாக்கிய கைல் பாப்பின் என்ற 40 வயது ஆடவரை எட்மன்டன் காவல்துறை கைதுசெய்து, குற்றம் சுமத்தியுள்ளது. அவர்மீதான வழக்கு நவம்பர் 4ஆம் தேதி விசாரணைக்கு வரவுள்ளது.
தொடர்புடைய செய்திகள்
இதனிடையே, அர்வியின் இறுதிச் சடங்கிற்காகவும் பதின்ம வயதிலுள்ள அவருடைய இரு குழந்தைகளுக்காகவும் வின்சென்ட் ராம் என்ற அவரின் நண்பர் நிதி திரட்டும் முயற்சியில் ஈடுபட்டுள்ளார்.