மாணவர் முரசு
இ-பேப்பர்
கோலாலம்பூர்: வரவிருக்கும் சாபா சட்டமன்றத் தேர்தலில் போட்டி கடுமையாக இருக்கும் என்று எதிர்பார்க்கப்படுகிறது.
சாபா தேர்தலில் வரலாறு காணாத எண்ணிக்கையில் வேட்பாளர்கள் களம் இறங்குகின்றனர். அனைத்து இடங்களிலும் பன்முனைப் போட்டிகள் நிலவும் சூழல் உருவாகியுள்ளது.
சாபா மாநிலத்தின் 17வது சட்டமன்றத் தேர்தலுக்கான வேட்புமனுத் தாக்கல் சனிக்கிழமை (நவம்பர் 15) நிறைவடைந்தது. அங்கு இம்மாதம் 29ஆம் தேதி சட்டமன்றத் தேர்தல். அதில் 73 இடங்களுக்கு இம்முறை 596 வேட்பாளர்கள் போட்டியிடுகின்றனர்.
ஒவ்வொரு தொகுதியிலும் குறைந்தது நான்கு வேட்பாளர்கள் உள்ளனர். ஆக அதிகமாக, தூலிட் தொகுதியில் 14 வேட்பாளர்கள் களம் காண்கின்றனர். மற்ற நான்கு தொகுதிகளில் 13 வேட்பாளர்கள் போட்டியிடுகின்றனர்.
சாபா தேர்தலில் வாரிசான் கட்சி 73 இடங்களிலும் சாபா கனவுக் கட்சி 72 இடங்களிலும் சாபா மக்கள் கூட்டணி 55 இடங்களிலும் ஸ்டார் கட்சி 46 இடங்களிலும் தேசிய முன்னணி 45 இடங்களிலும் பெரிக்கத்தான் நேசனல் 42 இடங்களிலும் சமூக ஜனநாயக நல்லிணக்கக் கட்சி 40 இடங்களிலும் போட்டியிடுகின்றன. தேர்தலில் 74 சுயேச்சை வேட்பாளர்களும் போட்டியிடுகின்றனர்.
மலேசியப் பிரதமர் அன்வார் இப்ராகிமின் பக்கத்தான் ஹரப்பான் கூட்டணி 22 வேட்பாளர்களைக் களத்தில் இறக்கியுள்ளது.
சாபா சட்டமன்றத்தில் மொத்தம் 79 இடங்கள். அவற்றில் 73 போட்டியின் மூலம் தேர்ந்தெடுக்கப்படும். எஞ்சியுள்ள ஆறு இடங்களுக்கான மன்ற உறுப்பினர்களை ஆளுநர் நியமிப்பார்.
சாபா தேர்தலில் 1.7 மில்லியனுக்கும் அதிகமானோர் வாக்களிக்கத் தகுதிபெற்றுள்ளனர். மொத்தம் 940 வாக்களிப்பு நிலையங்கள்.
தொடர்புடைய செய்திகள்
பிரசாரம், தேர்தலுக்கு முதல் நாளான நவம்பர் 28ஆம் தேதி இரவு மணி 11.59க்கு முடிவுறும்.
தேர்தலுக்கு 116.8 மில்லியன் ரிங்கிட் செலவாகும் என்று நம்பப்படுகிறது.