தென்கிழக்காசியாவில் கொவிட்-19 தடுப்பூசி தயாரிப்பு மையமாக இருப்பதற்கு இந்தோனீசியா மேற்கொண்டு வரும் முயற்சிகளுக்கு சீனா ஆதரவு அளிக்க முன்வந்துள்ளது.
இந்தோனீசிய கடல்துறை மற்றும் முதலீடு களுக்கான ஒருங்கிணைப்பு அமைச்சர் லுஹுட் பன்ட்ஜய்த்தானுடன் ஆன சந்திப்புக்குப் பின் சீன வெளியுறவு அமைச்சர் வாங் யி இதனைத் தெரிவித்தார்.
தென்கிழக்காசியாவில் தடுப்பு மருந்து உற்பத்தி செய்வதற்கான வலுவான திறன் இந்தோனீசியாவிடம் இருக்கிறது என்றும் தடுப்பு மருந்து உற்பத்தியில் இந்தோனீசியாவுக்கு உதவ சீனா தயாராக உள்ளதாகவும் திரு வாங் யி தெரிவித்தார்.
இந்தோனீசியாவில் சீனாவின் சினோவாக் பயோடெக் உருவாக்கிய தடுப்பூசி சோதிக்கப்பட்டு வருகிறது.
இந்த நிலையில் ‘மேரா பூத்தே’ எனும் தனது சொந்த தடுப்பூசி தயாரிப்பிலும் அது ஈடுபட்டு வருகிறது.