மாணவர் முரசு
இ-பேப்பர்
சிங்கப்பூரில் இன்று (மே 31) நண்பகல் நிலவரப்படி புதிதாக 23 பேருக்கு கொரோனா கிருமித்தொற்று உறுதி செய்யப்பட்டுள்ளது.
அவர்களில் 16 பேருக்கு சமூக அளவில் தொற்று உறுதியானது. வெளிநாட்டு ஊழியர் தங்குவிடுதிகளில் புதிதாக எவருக்கும் தொற்று பதிவாகவில்லை.
சமூகத்தில் தொற்று உறுதிப்படுத்தப்பட்டோரில் 13 பேர், முன்னதாக தொற்று உறுதி செய்யப்பட்டவர்களுடன் தொடர்புடையவர்கள். எஞ்சிய மூவருக்கு முன்பு கிருமி தொற்றியவர்களுடன் தொடர்பில்லை.
முன்னதாக தொற்று உறுதி செய்யப்பட்டவர்களுடன் தொடர்புடையவர்களில் 11 பேர் ஏற்கெனவே தனிமைப்படுத்தப்பட்டுவிட்டனர் என்று சுகாதார அமைச்சு தெரிவித்தது.
இந்நிலையில், வெளிநாடுகளில் இருந்து சிங்கப்பூருக்கு வந்த ஏழு பேருக்குத் தொற்று உறுதியானது. அவர்கள் இங்கு வந்தவுடன் வீட்டில் இருக்கும் கட்டாய உத்தரவு பிறப்பிக்கப்பட்டது. அவர்களில் நால்வர் சிங்கப்பூரர்கள் அல்லது நிரந்தரவாசிகள்.
சிங்கப்பூரில் இதுவரை கிருமித்தொற்றால் பாதிக்கப்பட்டோர் மொத்த எண்ணிக்கை 62,051 ஆக உள்ளது.