மாணவர் முரசு
இ-பேப்பர்
சீன அதிபர் ஸி ஜின்பிங்கும் நூறு வயதாகும் அமெரிக்காவின் முன்னாள் வெளியுறவு அமைச்சர் ஹென்றி கிஸ்ஸிங்கரும் பெய்ஜிங்கில் சந்தித்து அளவளாவியுள்ளனர்.
இம்மாதம் 20ஆம் தேதி டியாவ்யுடாய் மாநிலத்தில் உள்ள விருந்தினர் விடுதியில் இருவரும் சந்தித்துப் பேசியதாக உள்ளூர் ஊடகமான சிசிடிவி தெரிவித்தது.
1970களில் சீனாவிற்கும் அமெரிக்காவிற்கும் இடையே உறவுகளைத் தொடங்குவதற்கு நூறு ஆண்டுகள் பழமையான அரசியல்வாதியின் முக்கிய பங்கைப் பாராட்டுவதாக சிசிடிவி கூறியது.
திரு கிஸ்ஸிங்கர், அமெரிக்காவின் பாதுகாப்பு ஆலோசகராக இருந்தபோதுதான் கம்யூனிச சீனாவுடன் உறவை ஏற்படுத்துவதற்காக 1971 ஜூலையில் பெய்ஜிங்குக்கு ரகசியப் பயணம் மேற்கொண்டார்.
அவரது அந்தப் பயணம், அப்போதைய அமெரிக்க அதிபர் ரிச்சர்ட் நிக்சனின் வரலாற்றுச் சிறப்புமிக்க வருகைக்கு களமாக அமைந்தது.
பனிப்போரையும் வியட்னாமில் அமெரிக்காவின் போரையும் முடிவுக்குக் கொண்டுவர அதிபர் ரிச்சர்ட் நிக்சன் சீனாவின் உதவியை நாடினார்.
அமெரிக்காவின் இந்த நடவடிக்கை, தனிமைப்படுத்தப்பட்ட சீனாவுக்கு புதிய உத்வேகத்தைத் தந்தது. அமெரிக்காவிற்குப் பிறகு உற்பத்தி சக்தியாகவும் உலகின் மிகப்பெரிய பொருளியல் நாடாகவும் சீனா உருவாக அது வழி வகுத்தது.
கிஸ்ஸிங்கர் பதவியிலிருந்து ஓய்வு பெற்ற பிறகு அமைதிக்கான நோபல் பரிசு வழங்கப்பட்டது. சீனாவின் வர்த்தகங்களுக்கும் அவர் ஆலோசனைகளை வழங்கி வருகிறார்.
