மாணவர் முரசு
இ-பேப்பர்
கியவ்: ஆளில்லா வானூர்திகளைக் கொண்டு ரஷ்யாவின் ஆகப் புதிய சுற்றுக்காவல் கப்பலைத் தான் அழித்துவிட்டதை உக்ரேனிய ராணுவம் செவ்வாய்க்கிழமை உறுதிப்படுத்தியது.
ஏறத்தாழ US$65 மில்லியன் பெறுமானமுள்ள அந்தக் கருங்கடல் சுற்றுக்காவல் கப்பலை செர்கெய் கோதோவ் என உக்ரேனிய ராணுவ உளவுத்துறை அடையாளம் கண்டது.
அந்தக் கப்பல் ரஷ்ய ஆக்கிரமிப்பின் அடையாளம் என உக்ரேனிய அதிபர் வொலொடிமிர் ஸெலென்ஸ்கியின் படையணித் தலைவர் ஆன்ட்ரே யெர்மக் டெலிகிராமில் வர்ணித்தார். அது உக்ரேனிய கிரைமியாவில் வலம்வரக் கூடாது என்றார் அவர்.
ரஷ்ய பெருநிலத்துடன் கிரைமிய தீபகற்பத்தை இணைக்கும் பாலத்தில் ரயில் போக்குவரத்து தற்காலிகமாக நிறுத்திவைக்கப்பட்டது.
செவ்வாய்க்கிழமை, உக்ரேன் மீது ரஷ்யப் படையெடுப்பின் 741வது தினமாகும்.
