மாணவர் முரசு
இ-பேப்பர்
ஹனோய்: வியட்னாம் தலைநகரான ஹனோயையும் சீனாவையும் இணைக்கும் அதிவேக ரயில் பாதைகள் அமைக்கும் பணிகள் 2030ஆம் ஆண்டுக்குள் தொடங்க திட்டமிட்டுள்ளதாக அந்நாட்டின் முதலீடு, திட்டமிடல் அமைச்சு செவ்வாய்க்கிழமை தெரிவித்தது.
வியட்னாமின் மிகப்பெரிய வர்த்தகப் பங்காளியாகவும், அதன் உற்பத்தித் துறைக்கான இறக்குமதியின் முக்கிய ஆதாரமாகவும் சீனா விளங்குகிறது. ஏற்கெனவே, இரு நாடுகளும் நெடுஞ்சாலைகள் மூலமும் இரு ரயில் பாதைகள் மூலமும் இணைக்கப்பட்டுள்ளன. வியட்னாம் பகுதியில் அமைந்திருக்கும் அந்த இணைப்பு ரயில் பாதைகள் மேம்படுத்தப்பட வேண்டும்.
திட்டமிடப்பட்ட அதிவேக ரயில் பாதைகளில் ஒன்று வியட்னாமின் துறைமுக நகரங்களான ஹைபோங், குவாங் நின்ஹி ஆகிய இடங்களிலிருந்து ஹனோய் வழியாக சீனாவின் யூனான் மாநிலத்தில் எல்லையான லாவோ காய் பகுதிற்குச் செல்லும் என்று அந்நாட்டு அமைச்சு அறிக்கையில் கூறியது.
