கம்பன் மொழிபேசும் ‘சொ.சொ.மீ. பிள்ளைத்தமிழ்’ நூல்

படம்: அரவிந்தன்

11 Jan 2024 - 3:57 pm

2 mins read

எட்டு ஆண்டுகளுக்குமுன் டெப்போ ரோடு ஸ்ரீ ருத்ர காளியம்மன் கோவிலின் மூலத் திருவுருவ இறைவியைப் பற்றி பிள்ளைத்தமிழ்ப் பாடியதை நினைவுகூர்ந்தார் இலக்கியச் சொற்பொழிவாளரும் எழுத்தாளருமான சொ. சொ. மீனாட்சி சுந்தரம், 81.

‘மதுரைப் பொற்கிழிக் கவிஞர்’ என்று அழைக்கப்படும் இவர், அதே ஆலயத்தில் கடந்த ஞாயிற்றுக்கிழமையன்று (ஜனவரி 7) இவரைப் பற்றிய பிள்ளைத்தமிழ்க் கவிதை நூல் வெளியீடு இடம்பெற்றதை எண்ணி நெகிழ்ச்சி அடைந்தார்.

கம்ப ராமாயணத்தையும் சைவ சமய இலக்கியங்களையும் கற்றுணர்ந்த அ.கி. வரதராஜனின் கைவண்ணத்தில் ‘சொ. சொ. மீ. சுந்தரம் பிள்ளைத்தமிழ்’ நூலுடன் ‘கம்பனின் சீதோபதேசம்’, ‘கம்பனில் சூளுரைகள்’, ‘கம்பனின் பரதன் கண்டவன் வரதன்’ ஆகிய நூல்களும் வெளியிடப்பட்டன.

நிகழ்ச்சியின் இறுதியில் $20,000 காசோலையை ஆலயத்திற்கு வழங்கினார் திரு வரதராஜன், 80.

நூல் விற்பனைத் தொகை முழுவதும் வெள்ளிக்கு வெள்ளி ஈடுகட்டப்பட்டு, இருமடங்காக ஆலயத்தின் கல்விக் கொடை நிதிக்கு வழங்கப்படும் என முன்னதாக அறிவிக்கப்பட்டிருந்தது.

(இடமிருந்து) நிகழ்ச்சி மேடையில் திருவாளர்கள் இராம. கருணாநிதி, சொ. சொ. மீனாட்சி சுந்தரம், அ.கி.வரதராஜன், வி.ஆர். அழகப்பன். - படம்: அரவிந்தன்

தெய்வங்களை அல்லது பெருமைக்குரிய மனிதர்களைக் குழந்தையாகப் பாவித்து குழந்தைக்குரிய பத்துப் பருவங்களை விவரித்து கவிதை பாடுவது பிள்ளைத்தமிழ் நூலாகும்.

திரு மீனாட்சி சுந்தரத்தைப் பற்றிய பிள்ளைத்தமிழில் கம்ப ராமாயணத்து மொழிநடை ஆங்காங்கே காணப்படுகிறது.

புலவரும் பாட்டுடைத் தலைவரும் ஒருவரையொருவர் புகழ்ந்து மரியாதை செய்யும் அரிய நிகழ்வை 250க்கும் அதிகமானோர் ஸ்ரீ ருத்ர காளியம்மன் ஆலயத்தின் பன்னோக்கு அரங்கில் கண்டு ரசித்தனர்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

இத்தாலியில் செயல்பட்ட சிறுவர் பாலியல் சார்ந்த பதிவுகளைக் கொண்ட கும்பல் முறியடிக்கப்பட்டதும் சிங்கப்பூரில் இருவர் கைதாகினர்.

டெலிகிராமில் சிறார் பாலியல் துன்புறுத்தல் பதிவுகள்: இருவர் கைது

21 Sep 2026 - 5:33 PM

தூய்மைப் பணிகள் மேற்கொள்ளப்படும் உணவங்காடி நிலையங்களில் தேக்கா நிலையம், ஹோலண்ட் வில்லேஜ் சந்தை, உணவங்காடி நிலையம், ஜூரோங் வெஸ்ட் உணவங்காடி நிலையம் உள்ளிட்டவை அடங்கும்.

தூய்மைப் பணிகளுக்காக தேக்கா உட்பட 15 உணவங்காடி நிலையங்கள் மூடப்படும்

21 Sep 2026 - 5:10 PM

மலேசியா சுதந்திரம் அடைந்து 69 ஆண்டுகள் நிறைவடைந்துள்ள நிலையில், நாட்டில் உள்ள எந்தவொரு சமுதாயத்துக்கும் இனப் பிரச்சினைகள் இனி முதன்மைப் பொருளாக இருக்கக்கூடாது என்று அந்நாட்டுப் பிரதமர் அன்வார் இப்ராகிம் குறிப்பிட்டார்.

இனவாத அரசியல் வேண்டாம்: அன்வார்

21 Sep 2026 - 4:36 PM

பொதுப் போக்குவரத்து என்பது அனைவரும் பகிர்ந்து பயன்படுத்தும் இடம் என்பதால், நற்பண்பும் இனிமையும் நிறைந்த பயணச் சூழலை உறுதிசெய்வதில் ஒவ்வொரு பயணிக்கும் பங்கு உண்டு என்பதை நிலப் போக்குவரத்து ஆணையம் சுட்டிக்காட்டியது.

பேருந்துகளில் அசௌகரியம் விளைவிக்கும் பயணிகளுக்கு அபராதம்

21 Sep 2026 - 3:01 PM

திரு அ.கி.வ. எழுதிய நூல்களில், தம்மைப் பற்றிய நூல் திருஷ்டிக்காகச் செய்திருக்கிறார் எனச் சொல்லி திரு மீனாட்சி சுந்தரம் அரங்கத்தினரைச் சிரிக்க வைத்தார்.

“உ.வே.சா பற்றி நூல் எழுதியவர்; லீ குவான் யூ பற்றி எழுதியவர்; கம்பர் பற்றிய 15 நூல்களாக இப்படி எழுதிய அ.கி.வ. என்னையும் பாடுவாரேயானால் அதுதான் மோதிரக் கையால் குட்டுப்படுவது,” என்று தன்னடக்கத்தோடு கூறினார் பொற்கிழிக் கவிஞர் சொ.சொ.மீ.

இதற்குமுன், கடந்த 2016ஆம் ஆண்டு திரு அ.கி.வரதராஜன், திரு லீ குவான் யூவைப் பற்றி எழுதி பிள்ளைத்தமிழ் வகை கவிதை நூலை வெளியிட்டிருந்தார்

இச்செய்தியைப் பகிரவும்

குறிப்புச் சொற்கள்

தமிழ்கவிதைஇலக்கியம்