நோயாளிகள் வேலைதேட உதவிய ஊழியருக்குச் சுகாதார மனிதநேய விருது

படம்: ஸ்ட்ரெய்ட்ஸ் டைம்ஸ்

23 Oct 2026 - 8:57 pm

2 mins read

நோயால் வெகுநாள் அவதிப்பட்ட 130க்கும் அதிகமான நோயாளிகள் வேலைவாய்ப்புப் பெற ‘என்எச்ஜி ஹெல்த்’ மீட்சி ஆதரவுக் குழு உதவியுள்ளது.

அக்குழுவின் கூட்டு முயற்சி, நோயாளி பராமரிப்புக்கான அர்ப்பணிப்பு ஆகியவற்றைப் பாராட்டி, 2026ஆம் ஆண்டுக்கான சுகாதார மனிதநேய விருது வெள்ளிக்கிழமை (அக்டோபர் 23) வழங்கப்பட்டது.

எம்ஓஎச் ஹோல்டிங்ஸ் நிறுவனம் இந்த விருது வழங்கும் விழாவிற்கு ஏற்பாடு செய்தது. அவ்விழாவில் சிறப்பு விருந்தினராகக் கலந்துகொண்ட அதிபர் தர்மன் சண்முகரத்னம் மொத்தம் 20 குழுக்களுக்கு விருதுகளை வழங்கினார்.

80 தனிநபர்களின் இரக்கம், அர்ப்பணிப்பைப் பாராட்டி, அதனைச் சிறப்பிக்கும் வகையில் சுகாதார அமைச்சர் ஓங் யி காங் விருதுகளை அளித்தார்.

மக்களுக்குச் சேவை செய்வது என்பது வெறும் சிகிச்சையோடு நின்றுவிடாமல், அவர்கள் நம்பிக்கையோடு வாழ்வதற்கு உதவுவதையும் உள்ளடக்கியது. இதற்கு நடைமுறையில் சான்றாக விளங்குகின்றனர் நமது விருதாளர்கள்,” என அதிபர் தர்மன் வெளியிட்ட அறிக்கை ஒன்றில் தெரிவித்தார்.

நோயாளிகள் மீண்டும் வேலைவாய்ப்புப் பெற உதவுவது வெறும் சமூகப் பொறுப்பு மட்டுமன்று, அது ஒரு மருத்துவக் கடமை என ‘என்எச்ஜி ஹெல்த்’ தெரிவித்துள்ளது.

நோயாளிகள் தங்களின் வாழ்க்கை மீதான நம்பிக்கையை மீட்டெடுக்க இது உதவுகிறது.

நோயாளிகள் தங்களின் வாழ்க்கைத் தொழிலை மீண்டும் கட்டியெழுப்பத் தேவையான ஆதரவு, நம்பிக்கை ஆகியவை கிடைக்கும் வரை அவர்களின் குணமடையும் பாதை முழுமையடையாது என டான் டோக் செங் மருத்துவமனையின் முதுநிலைப் பயிற்சிபெற்ற செயல்முறைச் சிகிச்சை நிபுணரும் ‘என்எச்ஜி ஹெல்த்’ மீட்சி ஆதரவுக் குழுவின் உறுப்பினருமான ஹெய்டி டான் கூறினார்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

கம்போங் அட்மிரல்டி பகுதியில் கார்டியன் மருந்துக் கடையில் விற்பனையாகும் N95 முகக் கவசம்.

டிபிஎஸ் வழங்கும் $1மி. புகைமூட்ட நிவாரண நிதி: 500,000 N95 முகக் கவசங்கள் இலவசம்

23 Oct 2026 - 5:34 PM

வங்கக் கடலில் வெள்ளிக்கிழமை (அக்டோபர் 23) உருவான புதிய காற்றழுத்தத் தாழ்வுப் பகுதி. இது அக்டோபர் 26ஆம் தேதி புயலாக வலுப்பெறும் எனக் கணிக்கப்பட்டுள்ளது.

அக்டோபர் 26 அர்னாப் புயல் வலுப்பெற வாய்ப்பு

23 Oct 2026 - 7:45 PM

அப்பர் புக்கிட் தீமா கால்வாயின் கடைசி 900 மீட்டர் பகுதி விரிவுபடுத்தப்பட்டுள்ளது. இந்தப் பகுதியை மேம்படுத்தும் பணிகள் 2019ஆம் ஆண்டு தொடங்கின.

புக்கிட் தீமா பகுதியில், வடிகால் கால்வாய் பணிகள் ஏழு ஆண்டுகளுக்குப் பிறகு நிறைவு

23 Oct 2026 - 7:42 PM

கோவை மத்திய சிறையிலிருந்து விடுதலையான நாம் தமிழர் கட்சியின் கார்த்திகா.

கோவை சிறையிலிருந்து நாதக கார்த்திகா விடுவிப்பு

23 Oct 2026 - 7:33 PM

டான் டோக் செங் மருத்துவமனை, கூ டெக் புவாட் மருத்துவமனை, ஈசூன் சமூக மருத்துவமனை ஆகியவற்றைச் சேர்ந்த 10 மருத்துவத் தொண்டூழியர்களும் செயல்முறைச் சிகிச்சை நிபுணர்களும் அந்த ஆதரவுக் குழுவில் இடம்பெற்றுள்ளனர்.

வலிப்பு நோய், தீராத சிறுநீரக நோய், நாட்பட்ட வலி, மனச்சோர்வு போன்ற நோய்களால் பல ஆண்டுகளாகப் பாதிக்கப்பட்ட நோயாளிகளுக்கு அக்குழு உதவி வழங்கியுள்ளது.

இச்செய்தியைப் பகிரவும்

குறிப்புச் சொற்கள்

மனிதநேயம்விருதுநோயாளிநிபுணர்தொண்டூழியர்