காஸா மக்களுக்கு உதவ உள்ளூர் அறநிறுவனம் நிதித் திரட்டு

படம்: சாவ்பாவ்

25 Feb 2025 - 5:13 pm

2 mins read

காஸாவில் போரால் பாதிக்கப்பட்ட சிறுவர்கள், குடும்பங்களுக்கு உதவும் இலக்குடன் சிங்கப்பூர் அறநிறுவனமான ரஹ்மத்தான் லில் அலாமின் மீண்டும் நிதித் திரட்டில் இறங்கியுள்ளது.

இதுவே அதன் நான்காவது நிதித் திரட்டு முயற்சியாகும்.

காஸா மக்களுக்கு உணவு, குடிநீர், மருத்துவ சாதனங்கள், சுகாதாரப் பராமரிப்புச் சேவை, கல்வி தொடர்பான ஆதரவு ஆகியவற்றை வழங்குவதில் கவனம் செலுத்தப்படும் என்று தெரிவிக்கப்பட்டது.

நிதித் திரட்டு பிப்ரவரி 24ஆம் தேதியன்று தொடங்கியது.

அது ஏப்ரல் 6ஆம் தேதி நிறைவுபெறும்.

“போர் நிறுத்தம் மகிழ்ச்சியைத் தருகிறது. காஸா மக்களுக்கு உடனடியாகக் கூடுதல் உதவி தேவைப்படுகிறது,” என்று அறநிறுவனம் திங்கட்கிழமை (பிப்ரவரி 24) தெரிவித்தது.

2023ஆம் ஆண்டு அக்டோபர் மாதத்திலிருந்து இஸ்ரேலுக்கும் ஹமாஸ் அமைப்புக்கும் இடையே போர் நடந்து வந்தது.

இந்நிலையில் ஆறு வார போர் நிறுத்தத்துக்கு ஜனவரியில் இணக்கம் காணப்பட்டது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

சாலைப் போக்குவரத்துத் துறையின் (ஆர்டிடி) அமலாக்கப் பிரிவு மூத்த இயக்குநர் முகமது கிஃப்லி மா ஹசான்.

வாகனப் பதிவுக்காக மலேசிய மாதரை மணந்துகொள்ளும் வெளிநாட்டினர்: ஆர்டிடி

24 Oct 2026 - 3:59 PM

நான் விரும்பிய வாழ்க்கையைக் கொடுத்த ‘ஜெயிலர்’: மிர்ணா

24 Oct 2026 - 3:30 PM

அண்மைய நாள்களில் காற்றின் தரம் மேம்பட்டுள்ளபோதும், சிங்கப்பூரில் இதற்கு முன்னர் தொடர்ந்து 19 நாள்களுக்கு அது ஆரோக்கியமற்ற நிலையில் இருந்தது.

சுற்றுப்பயணிகளின் திட்டங்களில் மாற்றம்; சில சுற்றுலா நிறுவனங்களில் முன்பதிவுகள் சரிவு

24 Oct 2026 - 1:07 PM

‘த சம் தத்துவம்’ நிறுவனத்தின் ஏற்பாட்டில் கலைஞர்களுக்கு மிக அருகில் அமர்ந்து இசையை ரசிக்க முடியும்.

காப்பியுடன் கர்நாடக இசைக் கச்சேரியை ரசிக்க வாய்ப்பு

24 Oct 2026 - 8:00 AM

போர் காரணமாக ஏறத்தாழ 1.9 மில்லியன் காஸா மக்கள் தங்கள் வசிப்பிடங்கள், உடைமைகளை இழந்து தவிக்கின்றனர்.

காஸா மக்களுக்கு உதவி வழங்க ஐக்கிய நாட்டு நிறுவனத்தின் சிறார் நிதிப் பிரிவு, எகிப்தின் செம்பிறைச் சங்கம், சிங்கப்பூர் அமைப்பான ஹியூமேனிட்டி மேட்டர்ஸ் ஆகியவற்றுடன் இணைந்து ரஹ்மத்தான் லில் அலாமின் அறநிறுவனம் செயல்பட்டு வருகிறது.

M3@Towns அமைப்புடன் இணைந்து ரஹ்மத்தான் லில் அலாமின் அறநிறுவனம் இந்த நிதித் திரட்டை ஒருங்கிணைக்கிறது.

இது அந்த அமைப்பின் எஸ்ஜி சமூகத் திட்டத்தின் ஒரு பகுதியாகும்.

சுய உதவிக் குழுவான மெண்டாக்கி, சிங்கப்பூர் இஸ்லாமிய சமய மன்றம், மக்கள் கழகத்தின் மலாய் நற்பணிப் பேரவை ஆகியவை இணைந்து M3@Towns அமைப்பைத் தொடங்கியுள்ளன.

காஸா மக்களுக்கு உதவிசெய்ய மார்ச் 7லிருந்து 14ஆம் தேதி வரை சிங்கப்பூரில் உள்ள பள்ளிவாசல்களில் நன்கொடைப் பெட்டிகள் வைக்கப்பட்டிருக்கும்.

இச்செய்தியைப் பகிரவும்

குறிப்புச் சொற்கள்

காஸாநிதி திரட்டுஉதவி