மாணவர் முரசு
இ-பேப்பர்
தமிழ்நாட்டில் வாக்காளர் பட்டியல் சிறப்பு திருத்தப்பணிகள் வருகிற 4-ம் தேதி முதல் தொடங்கும் என்று தேர்தல் ஆணையம் அறிவித்துள்ளது.
திராவிடர் முன்னேற்றக் கழகமும் (திமுக) அதனுடன் இணைந்துள்ள கூட்டணிக் கட்சிகளும் இதன் தொடர்பில் தங்களது எதிர்ப்பை வெளிப்படுத்தியுள்ளன.
இந்த விவகாரம் தொடர்பாக விவாதிக்க முதலமைச்சர் மு.க.ஸ்டாலின் தலைமையில் அனைத்துக் கட்சி கூட்டம் ஒன்றுக்கு ஞாயிற்றுக்கிழமை (நவம்பர் 2) ஏற்பாடு செய்யப்பட்டுள்ளது.
சென்னை திருநகரில் உள்ள அக்கார் நட்சத்திர ஹேட்டலில் இந்தக் கூட்டம் நடைபெறுகிறது.
பிற கட்சித் தலைவர்களுக்கு அழைப்பு கொடுக்கப்பட்ட நிலையில் விஜய்யின் தலைமையில் செயல்படும் தமிழக வெற்றிக் கழகம் (தவெக) கலந்துகொள்ளாது எனத் தெரிவிக்கப்பட்டது.
தமிழ்நாடு அரசுக்குப் பதிலாக கட்சியின் தலைமையில் கூட்டம் நடைபெற உள்ளதால் அதில் பங்கேற்க முடியாது என்று அக்கட்சி நிர்வாகம் தெரிவித்தது.
அனைத்துக் கட்சி கூட்டத்தைப் புறக்கணிக்க தவெக எடுத்த முடிவு, பட்டியல் திருத்தத்தை எதிர்த்தாலும், பெருங்கட்சிகளின் கட்டுப்பாட்டுக்கு அப்பால் தனித்தியங்கக்கூடிய சக்தியாக தன்னை நிலைநிறுத்தும் உத்தியாகப் பார்க்கப்படுகிறது.
சிறப்பு திருத்தப்பணிகளால் உண்மையான வாக்காளர்களை நீக்க வழிவகுக்கும் என்ற திமுகவின் கவலையை தவெக பகிர்ந்துகொள்வதாக முன்னதாகத் தெரிவித்துள்ளது.
தொடர்புடைய செய்திகள்
அவசர நடவடிக்கை, குறிப்பாக வடகிழக்குப் பருவமழை காலத்தில் இந்தத் திருத்தப்பணி மேற்கொள்ளப்படுவது சதிவேலை எனக் குற்றஞ்சாட்டும் தவெக தரப்பு, ஏழை மக்கள், பெண்கள், சிறுபான்மையினர் மற்றும் பட்டியல் சமூகங்களின் வாக்குகளை நீக்குவதன் மூலம் பாரதிய ஜனதாக் கட்சிக்கு (பாஜக) நன்மை சேர்க்கும் முயற்சி என்று திமுக குற்றம் சாட்டுகிறது.
அண்ணா திராவிட முன்னேற்றக் கழகம் (அதிமுக), பாஜக ஆகியவை பட்டியல் சிறப்பு திருத்தப்பணிகளை முற்றிலும் ஆதரிக்கின்றன.
இரட்டைப் பதிவுகளையும் இறந்த வாக்காளர்களின் பெயர்களையும் நீக்குவதற்கு அவசியமான சீர்திருத்த நடவடிக்கை என்று அவர்கள் வாதிடுகின்றனர்.
தவெக தவிர, பாமக (ராமதாஸ் பிரிவு) நாம் தமிழர் கட்சி ஆகியவை இந்த அனைத்துக் கட்சி கூட்டத்தை புறக்கணித்தன. இருப்பினும், தேமுதிக (பிரேமலதா விஜயகாந்த் தலைமையில்) கூட்டத்தில் கலந்துகொள்ள முடிவு செய்தது.