நெடுஞ்சாலையில் தரையிறங்கிய போர் விமானம்

புதுக்கோட்டை: சிறிய வகை போர் விமானம் ஒன்று திடீரென நெடுஞ்சாலையில் தரையிறங்கியதால் வாகனவோட்டிகள் அதிர்ச்சிக்குள்ளாகினர். இந்தச் சம்பவம் வியாழக்கிழமை (நவம்பர் 13) நிகழ்ந்தது.

திருச்சி-புதுக்கோட்டை தேசிய நெடுஞ்சாலையில் நார்த்தாமலை பகுதியில், வியாழக்கிழமை பிற்பகல் சிறிய வகை போர் விமானம் ஒன்று வானில் வட்டமிட்டது. திடீரென அந்த விமானம் நெடுஞ்சாலையில் தரையிறக்கப்பட்டது.

தொழில்நுட்பக் கோளாறு காரணமாக அந்த சிறிய வகை போர் விமானம் தரையிறக்கப்பட்டபோது, நெடுஞ்சாலையில் வேறு வாகனங்கள் எதுவும் செல்லாததால் விபத்து ஏதும் நிகழவில்லை.

இதனிடையே, வெள்ளிக்கிழமை (நவம்பர் 14) சென்னை மாமல்லபுரம் பகுதியில் பயிற்சியில் ஈடுபட்டிருந்த ஒரு விமானம் திடீரென கீழே விழுந்து நொறுங்கியது.

நல்ல வேளையாக, அதில் இருந்த மூன்று பேர், அவசரகால ‘பாராசூட்’ உதவியுடன் விமானத்தில் இருந்த வெளியேறி உயிர் தப்பினர். இந்த விபத்து குறித்து காவல்துறை விசாரிக்கிறது.