மாணவர் முரசு
இ-பேப்பர்
திருநெல்வேலி: இந்திய யூனியன் முஸ்லிம் லீக் தவெக ஆட்சியில் பங்கேற்றுள்ளதைத் திமுகவால் ஏற்றுக்கொள்ள முடியவில்லை என அமைச்சர் ஷாஜகான் தெரிவித்துள்ளார்.
நெல்லை நகரில் செய்தியாளர்களிடம் பேசிய சிறுபான்மையினர் நலத்துறை அமைச்சர் ஷாஜகான் இத்தகவலைத் தெரிவித்தார்.
இந்தியா கூட்டணியில் இணைந்து எதிர்வரும் 2029ஆம் ஆண்டில் நடைபெறும் நாடாளுமன்றத் தேர்தலை தவெக சந்திக்கும் என அவர் கூறினார்.
நீண்ட காலம் திமுகவுடன் பயணம் செய்தபோதிலும், தற்போதைய அரசியல் சூழல் காரணமாகவே தவெக அமைச்சரவையில் இணைந்துள்ளதாக அவர் கூறினார்.
“இந்திய யூனியன் முஸ்லிம் லீக்கின் அரசியல் முடிவு என்பது மக்கள் நலனை மட்டுமே அடிப்படையாகக் கொண்டது,” என அவர் விளக்கமளித்தார்.
தவெக இந்தியா கூட்டணியில் இணைவது குறித்து இதுவரை அதிகாரபூர்வமாக அறிவிக்கவில்லை என்பதையும் அவர் சுட்டிக்காட்டினார்.
திமுகவின் நிலைப்பாடு குறித்து அக்கட்சியின் தலைமைதான் இறுதி முடிவெடுக்க வேண்டும் என்றும் அமைச்சர் ஷாஜகான் கூறினார்.
திமுகவை இத்தனை ஆண்டுகாலம் பல்லக்கில் தூக்கிச் சுமந்த கட்சி இந்திய யூனியன் முஸ்லிம் லீக் என்றும் குறிப்பிட்ட அவர், தவெக அரசு குறித்துத் திமுகவிற்கு உள்ள அதிருப்தி பற்றியும் செய்தியாளர்களிடம் விரிவாகப் பேசினார்.
வரும் 2029ஆம் ஆண்டு தேர்தலை எதிர்கொள்வது குறித்துப் பிறகு முடிவெடுக்கப்படும் என்றும் அமைச்சர் தெரிவித்தார்.
