சிங்கப்பூரில் 4 மின்னிலக்க வங்கி உரிமங்கள் அறிவிப்பு

முழு மின்­னி­லக்க வங்கி உரி­மங்­களை சிங்­கப்­பூர் நாணய ஆணை­யம் இரு நிறு­வன அமைப்புகளுக்கு வழங்கி உள்­ளது.

சிங்­கப்­பூ­ரின் முதல் ஏற்­பா­டான இது நிதித் துறையை தாரா­ள­மாக்­கும் நோக்­கம் கொண்­டது; நீண்­ட­கா­ல­மாக எதிர்­பார்க்­கப்­பட்­டது.

கிராப்-சிங்­டெல் கூட்டு நிறு­வ­ன­மும் தொழில்­நுட்ப பெரு­நி­று­வ­ன­மான சீயும் அந்த உரி­மத்­தைப் பெற்­றுள்­ளன. ஆணை­யம் நேற்று இதனை அதி­கா­ர­பூர்­வ­மாக அறி­வித்­தது. வங்­கிக் கணக்கு திறப்­பது, அந்­தக் கணக்­கில் பணம் போடு­வது, ரொக்­கக் கழிவு அட்டை (டெபிட் கார்ட்), கடன்­பற்று அட்டை (கிர­டிட் கார்ட்) போன்­ற­வற்­றுக்­கான சேவைகள் - வழக்­க­மான இந்­தச் சேவை­கள் அனைத்­தை­யும் இந்த முழு மின்­னி­லக்க வங்­கி­கள் அளிக்­கும்.

ஆனால், இவை எது­வும் மனித வரு­கை­யற்ற முறை­யில் இணை­யம் வழி­யாக நடந்­தே­றும்.

இருப்­பி­னும் டிபி­எஸ், ஓசி­பிசி, யுஓபி போன்ற வங்­கி­கள் ஏற்­கெ­னவே இணை­யம் வழி­யா­க­வும் கைபே­சிச் செய­லி­கள் வழி­யா­க­வும் அளித்து வரும் வங்­கிச் சேவை­க­ளி­லி­ருந்து இவை மாறு­பட்­டவை. முழு மின்­னி­லக்க வங்­கி­கள் நிறு­வ­னக் கணக்கு வாடிக்­கை­யா­ளர்­க­ளுக்­கும் சேவை வழங்­கும்.

மொத்­த­ விற்­பனை மின்­னி­லக்க வங்கி உரி­மங்­க­ளின் வெற்­றி­யா­ளர்களை­யும் ஆணை­யம் அறி­வித்­தது. ஆண்ட் குரூப் அவற்­றுள் ஒன்று. கிரீன்­லேண்ட் ஃபை னான்­சி­யல் ஹோல்­டிங்ஸ், லிங்­லா­ஜிஸ் ஹாங்­காங், பெய்­ஜிங் கோ-ஆப­ரேட்­டிவ் ஈகு­விட்டி இன்­வெஸ்ட்­மெண்ட் ஃபண்ட் மேனேஜ் மென்ட் முத­லா­னவை கூட்­டாக இணைந்த அமைப்பு மற்­றோர் உரிம வெற்­றி­யா­ளர்.

பெரு நிறு­வ­னங்­கள் மட்­டு­மின்றி சிறிய, நடுத்­தர நிறு­வ­னங்­க­ளுக்­கும் இவை வங்­கிச் சேவை ஆற்­றும். வெற்­றி­பெ­றும் விண்­ணப்­ப­தா­ரர்­கள் முறை­யான நிறு­வ­னத் தேவை­க­ளை­யும் உரி­மங்­க­ளுக்­கான முன்­நி­பந்­த­னை­க­ளை­யும் உரிம அங்­கீ­கா­ரத்­துக்கு முன்­னர் பெற்­றி­ருப்­பது அவ­சி­யம் என்று ஆணை­யம் நேற்று தெரி­வித்­தது.

முழு மின்­னி­லக்க வங்கி உரி­மம், மொத்­த­ விற்­பனை மின்­னி­லக்க வங்கி உரி­மம் ஆகி­ய­வற்­றைப் பெற்­றுள்ள இந்த நான்கு நிறு­வன அமைப்­பு­களும் பத்து போட்­டி­யா­ளர்­களை வென்­றுள்­ளன. ரேஸர் யூத் பேங்க், ஓசிம் நிறு­வ­னம் ரோன் சிம்­மின் வி3 குரூப் மற்­றும் ஈஸி-லிங்க் உள்­ளிட்­டவை அந்­தப் போட்­டி­யா­ளர்­கள். உரி­மம் வென்­றுள்ள மொத்­த­மின்­னி­லக்க வங்­கி­கள் 2022ஆம் ஆண்டு தொடக்­கப் பகு­தி­யில் தங்­க­ளது வர்த்­த­கத்தை தொடங்­கும் என எதிர்­பார்க்­கப்­ப­டு­கிறது.

வலு­வான திறன் கொண்ட மின்­னி­லக்க வங்­கி­க­ளைத் தேர்வு செய்ய கடு­மை­யான, தகுதி அடிப்­ ப­டை­யி­லான நடை­முறை பின்­பற்­றப்பட்டதாக ஆணை­யத்­தின் தலை­வர் ரவி மேனன் தெரி­வித்­துள்­ளார்.

“இவை தர­மான நிதிச் சேவை­களை வழங்­கு­வ­தில் உள்ள சிக்­கல்­களை தீர்க்­கும் என்று எதிர்­பார்க்­கி­றோம். குறிப்­பாக, தற்­போது போது­மான அள­வுக்கு சேவை­க­ளைப் பெறாத வர்த்­த­கங்­க­ளை­யும் தனி­ந­பர்­க­ளை­யும் இவை கவ­னத்­தில் கொள்ள வேண்­டும். வருங்­கால மின்­னி­லக்க பொரு­ளி­ய­லுக்­குக் கைகொ­டுக்­கும் சிங்­கப்­பூ­ரின் நிதித் துறையை இவை பலப்­

ப­டுத்­தும்,” என்­றார் திரு மேனன்.

மின்­னி­லக்க வங்கி முயற்­சி­களை சிங்­கப்­பூர் மட்­டும் மேற்­கொள்ளவில்லை. மே 2019ல் மேலும் நான்கு மெய்­நி­கர் வங்கி உரி­மங்­களை ஹாங்­காங் வழங்­கி­யதால் மொத்த எண்­ணிக்கை எட்டு ஆனது. பிலிப்­பீன்ஸ், சீனா, ஜப்­பான், தென்­கொ­ரியா போன்­ற­வை­யும் மெய்­நி­கர் வங்­கிச் சேவை­களைக் கொண்­டுள்­ளன.

வழக்கமான வங்கிச் சேவைகள் இணையம் வழி நடைபெறும்

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!