உயிரை மாய்க்கத் தூண்டும் முடி உதிர்வு தடுப்பு மருந்து: ஒழுங்குமுறை ஆணையம்

பிரசல்ஸ்: முடி உதிர்வைத் தடுப்பதற்காகப் பரிந்துரைக்கப்படும் ‘ஃபினாஸ்ட்ரைட்’ எனும் மருந்தும் அது தொடர்புடைய தயாரிப்புகளும் உயிர்மாய்ப்பு எண்ணங்களை ஏற்படுத்தக் கூடியவை என ஐரோப்பிய மருந்து ஒழுங்குமுறை ஆணையத்தின் பாதுகாப்புக் குழு உறுதிப்படுத்தியது.

ஐரோப்பா முழுவதும் பெறப்பட்ட தரவுகளை மதிப்பாய்வு செய்தபின் இதைக் கண்டறிந்ததாக ஆணையம் கூறியது.

ஹார்மோன் குறைபாட்டால் ஏற்படும் ஒரு வகை முடி உதிர்தல் பிரச்சினைக்குச் சிகிச்சையளிக்கப் பயன்படுத்தப்படும் ஒரு மில்லிகிராம் ‘ஃபினாஸ்ட்ரைட்’ மாத்திரைகளை உட்கொண்டோரில் பெரும்பாலானோருக்கு உயிர்மாய்ப்பு எண்ணங்கள் ஏற்பட்டதாகப் புகார்கள் எழுந்தன என அது கூறியது.

கிடைக்கப் பெற்ற தரவுகளிலிருந்து பக்க விளைவின் தீவிரத்தைத் தீர்மானிக்க முடியவில்லை என ஆணையம் வியாழக்கிழமை (மே 8) அறிக்கையில் குறிப்பிட்டது.