பிலிப்பீன்ஸ் படகில் தீ விபத்து: ஐவர் மரணம்

80க்கு மேற்பட்டோரைக் காணவில்லை

1 of 2

படம்: என்டிடிவி

படம்: பிபிசி

10 Sep 2026 - 2:37 pm

2 mins read

மணிலா: பிலிப்பீன்சின் பலாவான் தீவுக்கு அருகில் புதன்கிழமை இரவு பயணம் செய்த படகில் நடந்த தீ விபத்தில் ஐவர் மரணமடைந்தனர், 80க்கும் மேற்பட்டோரைக் காணவில்லை என்று அந்நாட்டுக் கடலோரக் காவற்படையினர் (பிசிஜி) வியாழக்கிழமை (செப்டம்பர் 10) தெரிவித்தனர்.

பலாவான் தீவில் கொரோன் என்ற கடல் பகுதியில் தீப்பிடித்த ‘எம்வி ஜுன் அஸ்டர்’ என்ற அந்தப் படகில் இருந்து 43 பயணிகள் அன்றிரவு காப்பாற்றப்பட்டனர் என்றும் அவர்கள் கூறினர்.

பிலிப்பீன்ஸ் கடலோரக் காவற்படை வெளியிட்ட காணொளியில் படகு தீப்பற்றி எரிவதையும் அவசர உதவிப் படையினர் உயிரிழந்தோரின் உடல்களை மீட்பதையும் காணமுடிந்தது.

பிசிஜியின் பேச்சாளர் நவொமி கயப்யாப் அப்படகின் விவரப் பட்டியலின்படி, மொத்தம் 117 பயணிகளும் 17 ஊழியர்களும் இருந்ததாகக் கூறினார்.

அதன்படி, இதுவரை 80க்கும் மேற்பட்டோரின் தகவல்கள் இல்லை என்பதால் அவர்களைக் காணவில்லை என்று தெரிவித்தார். மீட்புப் பணிகள் நடந்தவருவதால் அந்த எண்ணிக்கை மாற்றம் அடையலாம் என்பதையும் அவர் விளக்கினார்.

அந்தப் படகு தலைநகர் மணிலாவின் பசெகோ பகுதியிலிருந்து கொரோன் நோக்கிப் பயணம் செய்ததாகவும் அப்பேச்சாளர் சொன்னார்.

தீ விபத்துக்கான காரணத்தை அறிய விசாரணை தொடர்கிறது.

வியாழக்கிழமை முற்பகல் வரையிலும் படகில் தீயினால் புகை கிளம்பிக்கொண்டிருந்தது. படகுக்குள் மூண்ட தீயை அணைக்கத் தீயணைப்புப் படையினர் போராடி வருகின்றனர். கடல் அலைகளின் ஆழமும் கொந்தளிப்பும் நீரோட்டமும் தீ அணைப்புப் பணிகளுக்கு இடையூறாக அமைந்தன. அந்தச் சவாலுடன் அதிகாரிகள் பலரை உயிருடன் மீட்க முயன்றனர்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

முதல்வர் விஜய் தலைமையிலான அமைச்சரவையிலிருந்து விசிகவை வெளியேற்றச் சதி நடப்பதாகத் திருமாவளவன் வெளிப்படையாகக் குற்றம்சாட்டியுள்ளார்.

தமிழக அமைச்சரவையிலிருந்து விசிகவை வெளியேற்ற முயற்சி: திருமாவளவன்

11 Oct 2026 - 1:16 PM

அக்டோபர் 11ஆம் தேதி புக்கிட் கேன்பராவில் நடைபெற்ற சமூக நிகழ்ச்சி ஒன்றின்போது செய்தியாளர்களிடம் பேசினார், சுகாதார அமைச்சர் ஓங் யி காங்.

புகைமூட்ட மருத்துவக் கட்டணக் கழிவுத் திட்டம் அக்டோபர் 12முதல் தொடக்கம்: ஓங் யி காங்

11 Oct 2026 - 12:59 PM

அக்டோபர் 8ஆம் தேதி, மத்திய கலிமந்தான் மாநிலத்தின் பலங்கராயா பகுதியில் உள்ள பனாரங் பகுதியில், குடியிருப்புப் பகுதிகளுக்கு அருகில் பரவியுள்ள பெரும் காட்டுத்தீ.

புகைமூட்டத்தைக் கட்டுப்படுத்துவதில் உதவ சிங்கப்பூர், மலேசியாவுக்கு இந்தோனீசியா அழைப்பு

10 Oct 2026 - 10:08 PM

இணையத்தில் பரவிவரும் காணொளியில், மூச்சுவிட்டுக்கொண்டிருக்கும் பெண் ஒருவர், கட்டடத்தின் கீழ்த்தளத்தில் விழுந்துகிடப்பதும் அவருக்கு அருகில் தரையில் சன்னல் துடைக்கும் கருவி போன்ற ஒன்று கிடப்பதும் தெரிகிறது.

சன்னல் துடைக்கும்போது கீழே விழுந்த பணிப்பெண்: மனிதவள அமைச்சு விசாரணை

10 Oct 2026 - 8:51 PM

பல பயணிகள் கடல் பயணத்துக்குக் கட்டாயமான அவசரகால பாதுகாப்புக் கவசங்களை (லைஃப் வெஸ்ட்) அணியவில்லை என்று மீட்புப் படையினரில் ஒருவர் தெரிவித்தார். படகில் சரக்குகள் வைக்கப்படும் கிடங்கில் தீ மூண்டதென நம்பப்படுவதாக அவர் மேலும் கூறினார்.

Watch on YouTube

இச்செய்தியைப் பகிரவும்

குறிப்புச் சொற்கள்

பிலிப்பீன்ஸ்படகுதீதீவிபத்துமரணம்காணவில்லைகடலோரக் காவல்காவல்துறைவிபத்துகப்பல் விபத்து