மாணவர் முரசு
இ-பேப்பர்
தேகத்: பணம் எடுப்பதற்காக வங்கிக்கு வந்து வரிசையில் காத்திருந்த பெண்ணுக்கு அங்கேயே பிரசவமானது. உத்தரப்பிரதேச மாநிலம் தேகத் மாவட்டத்தைச் சேர்ந்த சர்வேஷா தேவி என்ற அப்பெண், நேற்று முன்தினம் அங்குள்ள பஞ்சாப் நேஷனல் வங்கிக் கிளைக்குச் சென்றிருந்தார். அங்கு நீண்ட வரிசையில் பொது மக்கள் பணம் எடுக்க காத்திருந்தனர். அவர்களுடன் நிறைமாதக் கர்ப்பிணியான தேவியும் வரிசையில் நின்றார். இந்நிலையில் அவருக்கு திடீரென பிரசவ வலி ஏற்பட்டது. இதையடுத்து அருகில் இருந்தவர்கள் ஆம்புலன்ஸ் சேவைப் பிரிவுக்கு தகவல் அளித்தனர்.
ஆனால் தேவி பிரசவ வலியால் துடிக்கவே, அங்கிருந்த பெண்கள் அவரை சூழ்ந்து கொண்டு பிரசவத்துக்கு உதவினர். அப்போது தேவிக்கு அழகிய ஆண் குழந்தை பிறந்தது. பின்னர் வங்கி அதிகாரிகள் உள்ளூர் போலிசாருக்கு தகவல் அளித்து, அவர்கள் மூலம் தாய், சேய் இருவரையும் அருகில் இருந்த சமூக நல மையத்தில் அனுமதித்தனர். தற்போது தாயும் சேயும் நலமாக உள்ளனர். இந்தச் சம்பவம் காரணமாக அந்தப் பகுதியில் சிறிது நேரம் பரபரப்பு நிலவியது.
