கிருஷ்ணா, ஆனந்தி ஜோடி சேர்ந்த புதுப் படம் ‘பண்டிகை’

16 Feb 2017 08:10 | மாற்றம் செய்யப்பட்ட நாள் / நேரம்: 17 Feb 2017 06:06

கிருஷ்ணா, ஆனந்தி முக்கிய கதாபாத்திரங்களில் நடித்திருக்கும் திரைப்படம் 'பண்டிகை'. 'டி டைம் டாக்கீஸ்' சார்பில் விஜயலட்சுமி தயாரித்து இருக்கும் இப்படத்தை பெரோஸ் இயக்கி இருக்கிறார். மார்ச் 9ஆம் தேதி வெளியீடு காண உள்ளது. "கை ஓங்கினால்தான், தான் நினைத்தது கிடைக்கும் என்று எண்ணும் ஒரு கோபமான அனாதை இளைஞன் (கிருஷ்ணா), ஒரு கட்டத்தில் தான் எண்ணியது தவறு என்பதை உணர்ந்து கொள்கிறான். இயல்பான வாழ்க்கையை வாழ்ந்துகொண்டிருக்கும்போது, அவன் தன் காதலிக்காக (ஆனந்தி) நிழல் உலக தாதாக்கள் இடையேயான மோதலில் பங்கேற்க நேர்கிறது. இதில் இருந்து எப்படி வெளியே வருகிறான் என்பதுதான் இப்படத்தின் கதையாம்.