மாலை உச்சநேரத்தில் இரண்டு ரயில்கள் குறைப்பு

ரயில் சேவையை நடத்தும் எஸ்எம்ஆர்டி நிறுவனம் சென்ற மாதம் நிகழ்ந்த மின்சாரக் கோளாறு சம்பவத்தைத் தொடர்ந்து வடக்கு=தெற்கு, கிழக்கு- மேற்கு வழித் தடங்களில் மாலை உச்சநேர ரயில்களின் எண்ணிக்கையைச் சிறிது குறைத்திருக்கிறது. அந்த மின்தடை காரணமாக நான்கு வழித்தடங்களின் மேற்குப் பகுதி பாதிக்கப்பட்டது. போன விஸ்தா நிலையத்தில் மின் நிலையக் கோளாறு காரணமாக அந்தச் சம்பவம் நிகழ்ந்தது. அதனால் வடக்கு=தெற்கு, கிழக்கு-மேற்கு, வட்ட எம்ஆர்டி வழித்தடங்களில் 100,000 பயணிகள் பாதிக்கப்பட்டனர். புக்கிட் பாஞ்சாங் இலகுரக ரயில் சேவையும் சுமார் 2 மணி நேரம் பாதிக்கப்பட்டது. இதனைத் தொடர்ந்து எஸ்எம்ஆர்டி நிறுவனமும் நிலப்போக்குவரத்து ஆணையமும் மாலை உச்சநேரத்தில் ரயில்களின் எண்ணிக்கையைக் கூடியபட்சமாக 116க்கு குறைத்திருப்பதாகத் தெரிய வருகிறது.

முன்பு மாலை உச்சநேரத்தில் 118 ரயில்கள் ஓடின. கிழக்கு-மேற்கு வழித்தடத்தில் இரண்டு ரயில்கள் சேவையில் இருக்காது. அந்த வழித்தடத்தில் எடுத்துக் கொள்ளப்படும் மின்சாரத்தின் அளவைக் குறைப்பதற்காக இந்த நடவடிக்கை இடம்பெறுகிறது. கடந்த மாதம் 25ஆம் தேதி நிகழ்ந்த அந்த மின்தடை பற்றிய முழு விசாரணை முடியும் வரை இந்த ஏற்பாடு நடப்பில் இருக்கும். இதன் காரணமாக ரயில்களுக்கு காத்திருக்கும் நேரம் சுமார் 2.4 நிமிடங்கள் முதல் 3.4 நிமிடங்கள் வரை இருக்கும். இதற்கிடையே, துவாஸ் மேற்கு நீட்டிப்பு வழித்தடத்தில் அடுத்த மாத முடிவில் புதிய மின் நிலையம் தயாராகிவிடும் என்றும் அது போனவிஸ்தா நிலையத்தின் மின் நிலையத் திற்கு ஆதரவாக இருக்கும் என்றும் நிலப் போக்குவரத்து ஆணையம் தெரிவித்தது.

இப்பகுதியில் மேலும் செய்திகள்

காணொளி எடுக்கப்பட்ட மாணவி மோனிக்கா பே. (படம்: ஸ்ட்ரெய்ட்ஸ் டைம்ஸ்)

22 Apr 2019

கடும் நடவடிக்கைகள் எடுக்கக் கோரும் மனு

ஹோங் கா நார்த் தொகுதியில் நேற்று நடைபெற்ற டெங்கிக்கு எதிரான விழிப்புணர்வு நிகழ்ச்சியில் இளைய தொண்டூழியர் ஒருவர், முதிய குடியிருப்பாளர் ஒருவருக்கு டெங்கி தடுப்பு நடவடிக்கைகள் பற்றி விளக்குகிறார். படம்: சாவ் பாவ்

22 Apr 2019

டெங்கி சம்பவங்கள் மும்மடங்கு அதிகரிப்பு

சான் ஃபிரான்சிஸ்கோ தொழில்நுட்பக் கருத் தரங்கில் பங்கேற்ற (இடமிருந்து) ‘ஸ்ட்ரிப்’ நிறுவனத் தலைமை நிர்வாகி திரு பேட்ரிக் கொலிசன், வெளியுறவு அமைச்சர் விவியன் பாலகிருஷ்ணன், நிதி அமைச்சர் ஹெங் சுவீ கியட், பொருளியல் வளர்ச்சிக் கழகத்தின் நிர்வாக இயக்குநர் திரு சிங் கை ஃபோங். படம்: ஸ்ட்ரெய்ட்ஸ் டைம்ஸ் வாசகர்

22 Apr 2019

‘பொருளியல் சுழற்சியை சிங்கப்பூர் சமாளிக்கவேண்டும்’