ரசாயனத் தாக்குதலுக்கு ஆயத்தமாகும் சிரியா படை

வா‌ஷிங்டன்: சிரியாவில் போராளிகள் வசம் உள்ள இட்லிப் மாநிலத்தைக் கைப்பற்ற கடுமையாகச் சண்டையிட்டு வரும் அரசாங்கப் படை ரசாயன ஆயுதங்களைப் பயன்படுத்த ஆயத்தமாகிக் கொண்டிருப்பதாக அமெரிக்கா தெரிவித்துள்ளது. அதற்கான பல ஆதாரங்கள் இருப்பதாக சிரியாவுக்கான அமெரிக்கத் தூதர் ஜிம் ஜெஃப்ரி கூறியுள்ளார். போராளிகள் வசம் உள்ள பகுதியில் அரசாங்கப் படை ரசாயனத் தாக்குதல் நடத்தினால் ஆபத்தான விளைவுகள் ஏற்படும் என்று அவர் கூறியதாக ராய்ட்டர்ஸ் நிறுவனம் செய்தி வெளியிட்டுள்ளது.

இதற்கு முன்பும் அரசாங்கப் படை சிரியாவில் ரசாயன ஆயுதங் களைப் பயன்படுத்தியதாகக் கூறப்பட்டதை சிரியா அரசாங்கம் மறுத்து வந்துள்ளது. சிரியாவில் போராளிகள் வசம் இருந்த பல பகுதிகளை அரசாங்கப் படை தங்கள் கட்டுப்பாட்டுக்குள் கொண்டு வந்த நிலையில் இட்லிப் மாநிலம் மட்டுமே இன்னமும் போராளிகள் வசம் உள்ளது. அந்த மாநிலத்தைக் கைப்பற்ற சிரியா அதிபர் ஆசாத்தின் படைகள் ரஷ்யா மற்றும் ஈரானின் ஆதரவுடன் தாக்குதல் நடத்தி வருகிறது. அப்பகுதியில் ரஷ்ய விமானங்கள் குண்டு வீசித் தாக்கி வரும் வேளையில் அரசாங்கப் படையும் கடும் தாக்குதலில் ஈடுபட்டுள்ளது.

இப்பகுதியில் மேலும் செய்திகள்

பிரிட்டிஷ் பொதுத் தேர்தலில் பிரதமர் போரிஸ் ஜான்சனின் கன்சர்வேட்டிவ் கட்சி தனிப் பெரும்பான்மையுடன் வெற்றி பெற்றுள்ளது. படம்: ஏஎஃப்பி

13 Dec 2019

போரிஸ் ஜான்சன் கட்சி வெற்றி

இரவு உணவுக்காக அறையில் இருந்த குடும்பத்திற்கு அழைப்பு விடுக்கக் கதவைத் தட்டிய நண்பர், மூவரும் நினைவிழந்த நிலையில் கிடப்பதைக் கண்டார். படங்கள்: ஷின் மின் நாளிதழ், பேங்காக் போஸ்ட்

13 Dec 2019

தாய்லாந்து விடுதியில் எரிவாயு கசிவு: நினைவிழந்த நிலையில் கிடந்த சிங்கப்பூர் குடும்பம்

பங்ளாதே‌ஷில் தஞ்சமடைந்து அங்குள்ள முகாம் ஒன்றில் தங்கியிருக்கும் ரோகிங்யா மக்கள். படம்: ஏஎப்பி

13 Dec 2019

ரோஹிங்யா  தலைவர் முஹமட் மொஹிபுல்லா: சூச்சி பொய் பேசுகிறார்