ரசிகர்களுக்கு சிம்புவின் வேண்டுகோள்

சமூக வலைத்தளங்களில் அவ்வப்போது தனது கருத்துகளைத் தெரிவித்து வரும் சிம்பு, அண்மையில் தனது ரசிகர்களுக்கு டுவிட்டர் பக்கத்தில் ஒரு வேண்டுகோள் விடுத்துள்ளார். அதில், எதிர்மறை கருத்துகளுக்கு மதிப்பளிக்க வேண்டாம் என அவர் கேட்டுக் கொண்டுள்ளார். “அனைவரும் நல்ல கருத்துகளைப் பதிவிடுங்கள். அவற்றைப் பகிருங்கள். அன்பை வெளிப்படுத்துங்கள். கடவுள் ஆசீர்வதிப்பார்,” என்று கூறியுள்ளார் சிம்பு. இவரது நடிப்பில், ஆதிக் ரவிச்சந்திரன் இயக்கத்தில் ‘அன்பானவன், அசராதவன், அடங்காதவன்’ படம் மிக விரைவில் வெளியீடு காண உள்ளது குறிப்பிடத்தக்கது.