சி.வி. குமார் தயாரிப்பில் ஜானகிராமன் இயக்கியுள்ள படம் ‘டைட்டானிக் காதலும் கவிழ்ந்து போகும்’.
கலையரசன், ஆனந்தி, ராகவ் விஜய், ஆஷ்னா ஜாவேரி, காளி வெங்கட், மதுமிதா உள்ளிட்ட பலர் நடித்துள்ளனர். நிவாஸ் கே பிரசன்னா இசையமைத்துள்ளார்.
இப்படத்தின் பணிகளைக் குறித்த நேரத்தில் முடித்துவிட்ட போதிலும் வெளியிடுவதில் சில சிக்கல்கள் ஏற்பட்டனவாம். குறிப்பாக கொரோனாவால் பாதிக்கப்பட்ட படங்களில் இதுவும் ஒன்று என்கிறார்கள்.
இந்நிலையில் இப்படத்தை நேரடியாக இணையத்தில் வெளியிடுவதற்கான பேச்சுவார்த்தை துவங்கியிருப்பதாகத் தகவல்.
அனேகமாக அடுத்த சில தினங்களில் பேச்சுவார்த்தை முடிவுக்கு வரும் என்றும் அதையடுத்து இம்மாத இறுதிக்குள் படம் இணையத்தில் நேரடியாக வெளியீடு காணும் என்றும் படக்குழுவினர் தெரிவித்துள்ளனர்.
படத்தின் தலைப்பைப் போலவே கதையும் திரைக்கதையும் மிக வித்தியாசமாக இருக்கும். இது அனைத்துத் தரப்பினருக்குமான படம் என்றும் அவர்கள் உறுதி அளித்துள்ளனர்.