மாணவர் முரசு
இ-பேப்பர்
விஜய் நடிக்கும் புதுப் படத்துக்கு 'பீஸ்ட்' என்று தலைப்பு வைத்துள்ளனர். அவரது பிறந்தநாளை ஒட்டி வெளியான இந்த அறிவிப்பு ரசிகர்களை உற்சாகப்படுத்தி உள்ளது.
மேலும், சூட்டோடு சூடாக இப்படத்தின் சுவரொட்டிகளையும் படக்குழுவினர் வெளியிட்டுள்ளனர்.
நெல்சன் இயக்கத்தில் விஜய், பூஜா ஹெக்டே இணைந்து நடிக்கும் படத்தை 'தளபதி 65' என்று குறிப்பிட்டு வந்தனர்.
இந்நிலையில் இப்படத்துக்கு 'டார்கெட்' என்று தலைப்பு வைத்திருப்பதாக அண்மையில் ஒரு தகவல் வெளியானது. பின்னர் அத்தலைப்பை விஜய் மாற்றச் சொல்லிவிட்டார் என்றும் கூறப்பட்டது.
இதையடுத்து, அவரிடம் தெரிவிக்கப்பட்ட பல தலைப்புகளில் இருந்து 'பீஸ்ட்' என்ற தலைப்பை அவர் தேர்வு செய்ததாகத் தெரிகிறது.
நேற்று முன்தினம் நள்ளிரவில் தலைப்பையும் முதல் தோற்றச் சுவரொட்டியையும் படக்குழுவினர் வெளியிட்டனர்.
இதனால் உற்சாகம் அடைந்த ரசிகர்கள் தலைப்பு மிக நன்றாக இருப்பதாக கருத்து தெரிவித்ததுடன், படச் சுவரொட்டியை சமூக வலைத்தளங்களில் பரவலாகப் பகிர்ந்தனர்.
இந்நிலையில், நள்ளிரவு 12 மணியளவில் 'பீஸ்ட்' இரண்டாவது சுவரொட்டியும் வெளியிடப்பட்டது ரசிகர்களுக்கு இன்ப அதிர்ச்சியாக அமைந்தது.
இப்படத்தில் அபர்ணா தாஸ், விடிவி கணேஷ் ஆகியோர் முக்கிய கதாபாத்திரத்தில் நடிக்க ஒப்பந்தமாகி உள்ளனர். விரைவில் இப்படத்தின் அடுத்தகட்ட படப்பிடிப்பு தொடங்க இருக்கிறது.
