மாணவர் முரசு
இ-பேப்பர்
ஆலியா பட் நடித்துள்ள புதுப் படத்துக்கு எதிர்ப்பு கிளம்பியுள்ளது. 'டார்லிங்ஸ்' என்ற தலைப்பில் உருவாகியுள்ள அந்தப் படத்தில் சர்ச்சைக்குரிய பல காட்சிகள் இருப்பதாக எதிர்ப்பாளர்கள் சுட்டிக்காட்டியுள்ளனர்.
இந்தித் திரையுலகில் அறிமுகமான வேகத்தில் சில வெற்றிப் படங்களில் நடித்து முடித்துள்ளார் ஆலியா பட்.
'உட்தா பஞ்சாப்', 'டியர் ஜிந்தகி' உள்ளிட்ட படங்களில் மாறுபட்ட கதாபாத்திரங்களை ஏற்றதன் மூலம் ரசிகர்களை திரும்பிப் பார்க்க வைத்துள்ள ஆலியா, திருமணத்துக்கு முன்பு நடித்து முடித்த 'கங்குபாய் கத்யாவாடி' சில சர்ச்சைகளை ஏற்படுத்தியது.
ஆனால், இத்தகைய எதிர்ப்புகள் எதையும் இவர் கண்டுகொள்வதாக இல்லை.
இந்நிலையில், இவர் இப்போது நடித்துள்ள 'டார்லிங்ஸ்' படம் நேற்று முன்னணி ஓடிடி தளத்தில் வெளி யானது.
இந்நிலையில், இந்தப் படத்தில் ஆலியா பட் ஏற்றுள்ள கதாபாத்திரம், தன் கணவரைப் பலவிதமாக துன்புறுத்துவது உள்ளிட்ட சில சர்ச்சைக்குரிய காட்சிகள் இடம்பெற்றுள்ளதாகவும் அவற்றை நீக்க வேண்டும் என்றும் ஒரு தரப்பினர் குரல் எழுப்பியுள்ளனர். இதுகுறித்து ஆலியா பட் எந்தவிதமான விளக்கமும் அளிக்கவில்லை.
