மாணவர் முரசு
இ-பேப்பர்
இயக்குநரும் நடிகருமான டி.பி.கஜேந்திரன் உடல்நலக் குறைவால் நேற்று காலமானார். அவருக்கு வயது 68.
‘வீடு, மனைவி, மக்கள்’ திரைப்படம் மூலமாக 1988ஆம் ஆண்டு இயக்குநராக அறிமுக மானவர் டி.பி.கஜேந்திரன்.
ராமராஜன் நடித்த ‘எங்க ஊரு காவல்காரன்’, கார்த்தி நடித்த ‘பாண்டிய நாட்டுத் தங்கம்’, பிரபு நடித்த ‘பட்ஜெட் பத்மநாபன்’, ‘சீனா தானா’ உள்ளிட்ட பல்வேறு படங்களை இயக்கி உள்ளார். மேலும் பல படங்களில் நடிகராகவும் முத்திரை பதித்துள்ளார்.
சில மாதங்களுக்கு முன்புதான் கஜேந்திரனுக்கு இதய அறுவை சிகிச்சை செய்யப்பட்டது. இதையடுத்து ஓய்வெடுத்து வந்த அவர், நேற்று காலை காலமானார்.
தமிழக முதல்வர் மு.க.ஸ்டாலினும் டி.பி.கஜேந்திரனும் கல்லூரியில் ஒன்றாகப் படித்தவர்கள். நண்பரின் மறைவுக்கு முதல்வர் ஆழ்ந்த இரங்கல் தெரிவித்துள்ளார்.
‘மக்கள் விரும்பும் வகையில் யதார்த்தமான, குடும்ப படங்களை இயக்கி பெயர் பெற்றார் டி.பி.கஜேந்திரன். அவரது படங்களை குடும்பமாகச் சென்று பார்த்து ரசிக்க முடியும்,” என ரசிகர்கள் தெரிவித்தனர்.
