நடிகர் விஜய் தற்போது இயக்குநர் வெங்கட் பிரபு இயக்கும் ‘தி கிரேட்டஸ்ட் ஆப் ஆல் டைம்’ (கோட்) என்ற படத்தில் நடித்து வருகிறார்.
தற்போது படப்பிடிப்பும் விறுவிறுப்பாக நடந்து வருகிறது. படத்தின் பெரும்பாலான காட்சிகள் எடுத்து முடிக்கப்பட்டுள்ளன.
இந்நிலையில் படத்தின் உச்சகட்ட காட்சிகள் கேரளாவில் எடுக்கப்பட உள்ளதாகத் தகவல் வெளியாகி உள்ளது. இதற்காக வரும் 18ஆம் தேதி விஜய் கேரளா செல்ல உள்ளதாகக் கூறப்படுகிறது.
இதற்கு முன் உச்சகட்டக் காட்சிகளை இலங்கையில் எடுக்க படக்குழு திட்டமிட்டிருந்தது குறிப்பிடத்தக்கது.
ஏ.ஜி.எஸ். என்டர்டெயின்மென்ட் நிறுவனம் தயாரிக்கும் இந்த படத்திற்கு யுவன் சங்கர் ராஜா இசையமைக்கிறார்.